مهما اذاكر واقطع نفسي من المزاكرة اغلط 5 اغلاط اكتر شي..ليش ؟ :(

[آيـة محمد]

السلام عليكم

انا مو عارفة صاحبني عين ولا وشو .. كنت جايبة معدل في الجامعة جدة عااااالي 4.70 وانزاع الخبر في جميع انحاء العالم ومن بعدها جبت العيد

اول سنة عشان كنت بحول انتظام جبت هالمعدل

ولمن حولت نزل مستواايا بشكل متدنييييي سار 4.37

ودحين الترم الرابع الي معزبني انا احاول اجيب 4.49 لكن للأسفففففففففف

انا ضايفة المشكلة 4 موااد واسهل موااااااااد والله

تحرير كتابي 2
في الدوري الاول : 25 من 30 ... واليوم اختربت الدوري التاني لقيت غلط يعني راحت عليا لابونس على اسهل مادة في الخطة...

ثقافة اسلامية 3
25 من 30 ... الدوري التاني وبالصدفة 30 من 30 اعتقد لسة ماتأكدت .
انجليزي 2
دوري اول 24 ودوري تاني 25 هادا وانا مزاكرة بذمة وضمييير في الدوري التاني
محاسبة 2
23 من 25 كنت اقدر اجيبها كاملة بس لحظي التعيس عكست اجابتين غلط غلطين قهرر قهررررر..

ابى اعرف ليش كدا بيسير معايا .. طيب انا اتمنى اي بلس عشان ارفع معدلي لــ 4.50

مومو قادرة مع انو المواد تافهة ما بالي للمستويات التانيا ايش بقيتلها كلو صفر !!؟؟

والله احبط احباااااااااااااط شديييييييييييييد ...

حتى ازا على الدين الحمدلله انا قريبة من ربنا اصلي الفروض واحياناً الليل و اقرأ قرآن واحصن نفسي سرت ...

وسرت ارضي امي .. انا متأكدة انو في شي ربي مو راضي عنو فيا لااااااااازم اعرف ... هو يا انو

غيرتي من الشطااار او اكزب على الناس انو المزاكرة صعبة واني مازاكرت بعداً عن العين (والكزب حرام) او اني اسمع اغاني وقت الطفش وغير كدا مااسوي شي يغضب ربنا ... على الاقل الترم الي فات كنت احب ..


لازم يجي سؤال غير متوقع او الشي الي يجي في الاختبار يكون ماركزت عليه كتير والي ركزت عليه مايجي..بس اكون قاريتو كم مرة برضو ...


وطريقتي في المزاكرة :
ازاكر كل درس في يومو وقبل الاختبار بيوم ازاكر وليلة الاختبار اراجع 3 مرات .. وبفهم وتركيز بس مدري ليش الاسئلة حظووووووووووظ ولا انا طريقتي غلط في المزاكرة ؟؟


لاحول ولا قوة الا بالله .... قدر الله وماشاء فعل .. لا اعترص على القدر .. لكن اتمنى اني اتحسن مستوايا ...



اتحملوني شوية وسامحوووني وانا زي الطفلة احتاج نصائح كالعادة ...كيف طريقة الصحيحة في المزاكرة ...................

ومنجد انا كنت طفلة انا عمري ماجبت ممتاز الا في اولى جامعة حتى اولى ابتدائي كنت جيدجيداً حتى الروضة ..بسبب امي ماكنت تهتم بتعليمي ولا احد يثقفني او يعطيني وجه في البيت لدرجة اني ماسرت احب اسأل الي بيسير كل الي اسمع وانا صغيرة مقارانات ودي اشطر منك انتي فاشلة غير كدا مافي اي تشجيييع حسبي الله ونعم الوكيل ... والحمدلله على من غير الاحوال


انـــــــــا بالنسبة للمجتع غير مثقفة على قول ماما وغير واعيا لاني مااحب اسأل ليش واتلقف في كل شي ... امي تقولي متى تسيري واعيا .. معاها حق والله .. متى اسير ذكية وفطينة وواعيا ومثقفة ...

ونقص الثقافة هو الي بيغلطني في الاختبار