ممكن نصيحة ؟؟؟؟اخلووووو كلكم

[زفرات]

واصلووووو ابي اكثر

[زفرات]

يالله تعالووووو ردوووو فكوووني احترت

[زفرات]

انتظركم تفاعلوا معي

[زفرات]

طيب ايش رايكم (علم نفس )ولا (ادارة عامة )
وش تبون بعد خيرتكم .................................................. .

[الصدوق]

مادام خيرتينا 00
مافيه مقارنة بين الإدارة العامة وعلم النفس
الإدارة العامة ـــــــ مسار عام أفضل بكثير 000
بالتوفيق

[ابوالياس00]

بالنسبة لكلية الاداب ما تقدرين تتوظفي بالأنتساب في قطاع التعليم حسب نظام الخدمة المدنية وبالنسبة للأدارة العامة تقدرين العمل في القطاعات الحكومية والقطاع الخاص في البنوك والشركات وهذا الكلام بخبره وليس من فراغ وبالتوفيق

[زفرات]

والله احترت مررررة
بس الادارة العامة فيه مواد صعبه وانا تخصصي ادبي وانتم عندكم رياضيات وقانون وحاسب
اخاف ماتفلح فيهم

[زفرات]

والله احترت

[T@RIQ]

اهلين اختي ،،،

طيب اول شي نصيحه عامه بخصوص التخصصات ،،، دائما فكري بالتخصص الي تحسين نفسك تحبيه
لان حبك للتخصص معناته ان شاء الله راح تبدعي فيه وتكون درجاتك حلوه ،،، وفي هذي الحاله صدقيني ماحيفرق تخصصك اش هو لانه اذا قدرتي تجيبي معدل حلو ان شاء الله راح تتميزي عن باقي الخريجين من نفس التخصص ،،، وحتقدري ان شاء الله تلاقي وظيفه حتى لو كان التخصص فرصه التوظيفيه قليله ،،، لاحظي انا قلت قليله مو تدخلي تخصص فرصه الوظيفيه معدومه ،،، وفي حالة كانت الفرص معدومه شوفي انتي ممكن تكملي دراستكي بعد الجامعه وفي هذي الحاله ان شاء الله حتى لو كانت معدومه ممكن انك تلاقي وظيفه بشهادتكي العاليه وتفوقكي ،،، لاني زي ماقلتلك الحب اساس التفوق وخلي دائما نظرتك بعيده ومافي مشكله تحلمي او تتخيلي شي من الممكن تحقيقه ان شاء الله ،،، فاذا شايفه انك ممكن تكملي ماجستير ادخلي التخصص الي تحبينه ولاتفكري تسألي ايه احد .

اما في حالة لايوجد تخصص محبب لكي ،،، وماتبغي تكملي الماجستير
في هذي الحاله فكري بالتخصص الي فرصه الوظيفيه عاليه ومناسب لقدراتك ،،، لانه في النهايه المهم الوظيفه المناسبه ،،، والي اقصده بمناسبه يعني تتناسب مع قدراتك ومع عاداتك وتقاليدك ،،، قدراتك يعني ماتكوني ميح بالمواد العلميه وتدخلي تخصص علمي بحت يعني مو مشكله تدخلي تخصص فيه بعض الصعوبه لاكن اهم شي مايكون صعب جدا بالنسبه لكي ،،، والعادات والتقاليد هذي مهمه وخصوصا بالنسبه لكم انتو البنات .

طيب الان نتكلم عن تخصص الاداره ،،، شوفي اطمنكي الاداره موادها العلميه قليله جدا وبالضبط 3 مواد محاسبه و اقتصاد وبحوث وعمليات بدون ذكر مواد السنه التأهيليه ،،، وبالنسبه لباقي المواد فهي تعتمد على الفهم والحفظ بنفس الوقت لكن مافيها ارقام ،،، واعتقد ثلاثه مواد علميه ليست مانع ابدا من دخول التخصص اذا كان هذا الي مانعكي .

اما من حيث الوظائف ،،، والله انا شايف انه في اقبال شديد من البنات على تخصص الاداره ،،، عكس السابق كان المرغوب كلية الاداب عشان التدريس وعشان مافيه اختلاط ،،، اما الان التدريس قفلوه للمنتسبين ،،، وبالنسبه للمنتظمين ماهم لاقين وظائف بالتدريس ،،، خلاصة الكلام وظائف كلية الادارة والاقتصاد اكثر من وظائف الاداب في الوقت الحالي ،،، ولاتنسي بخصوص موضوع الوظيفه التوفيق بيد ربنا سبحانه فقط وهو الرزاق فقط ،،، عشان كذا انتي توكلي على الله وادخلي التخصص المناسب وان شاء الله ربنا يوفقكي وتلاقي وظيفه .

اما بالنسبه لمسارات الادارة العامه للبنات ،،، شوفي انتي بعد ماتدخلي ادارة ان شاء الله ،،، حيطلبوا منك تختاري مسار معين ،،، والمسارات المتوفره للبنات اثنين حسب ما قرأت في الردود الي فوق ،،، 1 تطوير وتنظيم 2 مستشفيات

شوفي بالنسبه لمسار المستشفيات وظائفه رواتبها طيبه والوظائف راح تكون بقطاع الصحه ،،، ولكن زي منتي عارفه قطاع الصحه اغلبه اختلاط ،،، يعني نسبة الوظائف المختلطه 90 % تقريبا .

اما بالنسبه لمسار التطوير والتنظيم ،،، راتب الوظيفه راح يكون على حسب القطاع الي انتي بتشتغلي فيه ،،، وبالنسبه للاختلاط ونسبته للوظائف ممكن اقول 50 % ،،، وعلى فكره مافي مانع انك تتخرجي تطوير وتشتغلي بقطاع الصحه ،،، ولكن اذا كنتي تبغي قطاع الصحه من الافضل تدخلي مستشفيات من بدري .

وفي حالة اخترتي ايه مسار وظائف الاداره هي بالقطاع الحكومي وبنسبه اقل بكثير في القطاع الخاص .

وانا ركزت على موضوع الاختلاط ،،، لانه مهم جدا بالنسبه لكثير من البنات .

اما في حالة ماعندك تخصص مرغوب ،،، وماعندك استعداد تدخلي تخصص في شوية صعوبه ،،، وماعندك استعداد تكملي دراسه بعد الجامعه ،،، اذا اجتمعت هذي الثلاثه نصيحه تجلسي فبيتكم وماتفكري تدرسي في الجامعه .
لانه حتى لو دخلتي تخصص سهل جدا جدا وقدرتي تتخرجي ماراح تجيبي معدل كويس وهذا تفكيرك ،،، وكمان كل ماكان التخصص اسهل كل ماكان عدد الخريجين كبير ،،، يعني لو مااخذتي الجامعه احسن لك .

ختاما انا عارف اني طولت عليكي ولكن ان شاء الله اكون اجبت على كثير من استفساراتك .
وكل ماارجوه هو دعوه صادقه في ظهر الغيب ،،، وان شاء الله ربنا يوفقنا جميعا .

تحياتي ،،، اخوكي طارق

[زفرات]

مشكور اخوي طارق كفيت وفيت ما قصرت ابدعت وتفدتني كمان
الله يجزاك خير ويجعلها في موازين حسناتك