نقاش : ليش التفريق بين طلاب و طالبات الخطتين؟؟؟

[!..RahoOofa..!]

خطتك نوعا ما حلوة ..
بسس انتي عارفة انو دا يعني في بنات من خطة ممكن يدخلو ومسستواهم اقل من البنات اللي في الخطة التانية

[No_0ne]

المشاركة الأصلية كتبت بواسطة !..rahooofa..! خطتك نوعا ما حلوة .. بسس انتي عارفة انو دا يعني في بنات من خطة ممكن يدخلو ومسستواهم اقل من البنات اللي في الخطة التانية

انا بقولك ليش مستواهم مو كويس و انا بشوف الي عندنا الاغلب مستواه عالي ما شاء الله ...
ثانيا ليش مستواهم مو كويس لان الاسئله فيها فرق واضح بالمستوى...
انا اجي اقولك بنات ماخذين درجات عاليه لان مستوى الاسئله سهل ...
لو تديهم اسئلتنا يمكن ما يعتو ال20 ...
فا الفكرا كلها توفير فرص متساويه للجميع ...

[m!ss-oudy]

.
.
.

ي الغلآ .. حآولي مآتقآرني بين الخطتين عشآن مآتتعبي نفسسيآ
وبالنسسبه لصعوبه الأسسأله .. ترى يفرق بين طآلبه وطآلبه .. بكل خطه

وخلآص كل وآحد يآخذ نصيبه
وكلآمنآ .. مآحيفيدنآ بششيً

وأن شاء الله كل وحدهـ تدخل الششي الي تبآهـ

[اللؤلؤه الورديه]

^
^
^
أنا مع m!ss-oudy

كل واحد ياخذ نصيبه بها الدنيا
وإلي كاتبه ومقدره لك ربنا راح يجيك

^^

[SoSoooo B]

حبيبتي شوفي هما كانوا مخطين على الانقلش يدونا منهج كامل والقرار دا جا فجأة انو يحذفوا من اليونيتات عشان مع لخبطة المطرة دا الترم وضاعت محاضرات كتيرة وانا متوقعة انهم راح يحذفوا من منهج الخطتين لانو الترم دا كلو اجازات

[ووجدداان]

امممم شوفي ياعسل في النهايه انتي او انا راح نتخرج وكلنا دارسين الخطيت سواء انتي اختي خطتي الي دحين الترم الي فات او العكس كيف تبغي مقاعد واحنا نهايتنا دارسين نفس الخطط مايفرق ترم اول وثاني اهم شي خلصنا الخطط علي نهاية السنه خلينا نكمل المسيره السعيده ونشوف المعدلات علي خير

[THE HILL]

ممممم اقتراح حلو

نقول فتحيه ف خطه ا جابت 92

نوال ف خطه ب جابت 89

وباقي كرسي واحد في الطب لخطه ب


حيختارو نواال ع اقتراح مديرة الجامعه

وفتحيه تلقالها اقرب طريق لجدار والا تجااهد في ليبيا ^^

[haay]

هههههههههههههههههههههههههه the hill عليكي تمثيل رهيييب

[قلب بريء]

ما اعتقد فيه تفريق كل المواد الميد ترم دا جت سهلة

الا الانجلش طبعا واااااء

[د/أسمــــاء]

ترى موضوع العدل بين الخطتين كانو بيتناقشو فيه من يوم ما بدأت التحضيري.. تعبنا نقول انو المفروض طلاب السنة الوحدة يتعاملو بنفس الطريقة :( يبغو يغيرو يغيرو فالسنة اللي بعدها بس محد يسمع :( السنة اللي فاتت كان اختبار الفيزيا الترم الاول كل المنهج لين شابتر 7..الترم التاني صار لين 8..!! الكيميا الترم الاول كان جزئية زادولنا فصل جديد حتى اسلوب الاختبار الدكتورات ما كانو عارفين كيف لانو ماشافو قبل كدا طريقة اسئلة واحتجو البنات وسو حفلة ومحد سمعلهم :(..الفيزيا كان الترم الاول مافي بونس الترم التاني في 3 درجات فالاختبار !! بعدين بس حبيت اقولك انو بنات خطة ب بيشتكو من الظلم انو مو نفس الشي وبنات خطة أ بيشتكو انو مو نفس الشي ..!! يعني تروحي تقوليلهم حيقولولك زي ما قالولنا انو كل فصل دراسي يتعاملو معاه كانو سنة دراسية لحالها وشدي حيلك لانو زي ما انتي بتعاني هما بيعانو.. شدي حيلك دحين وان شاء الله ربي يوفق الجميع =) وتخلصو هادي السنة على خير :)

كلامك صحيح 100% كنت بقول نفس الشئ مثلا الرياضيات السمستر اللي فات كانت الاسئلة صعبببببببة ومحورة الحين لمن شوفت اسئلة السمستر هذا اسههههههههههل بمرااااااااحل

لكن

لاحيـــــــــــــاة لمن تنادي الجامعة كل يوم قرارات وكل يوم ظلم xظلم مانقول الا حسبنا الله ونعم الوكيل