3 اسئلة في الرياضيات ياريت تدوني كيف طريقة حلها

[M!Šs JỏJỏ]

س ٣٣ : قريب من example4
P: A6

[Dr.emma]

[ندخل على طول في الموضوع

س1 اداني متباينة / x^2+x +1 اكبر من صفر

لو جيت تحللها ما راح تتحلل ف المفروض تجيب المميز ، حيطلعلك المميز سالب ، يعني المتباينة حتتبع إشارة معامل x^2 دائما و المعامل هنا : 1 يعني موجب فحتكون المتباينة دايما موجبة إذا الحل R ..
وممكن بمجرد النظر عدد مربع مجموع علي نفس العدد و كمان واحد يعني مستحيل تساوي الصفر أو أقل.
س2 برضو متباينة / 2x^2 +x اصغر من او يساوي 1
هادي ترتبها أول شي تسير
2x^2 +x -1 أصغر من أو يساوي الصفر
و بعدين تحللها ( 2x-1 ) ( x+1 ) أصغر من أو يساوي الصفر
تحل كل قوس لحالو تطلعلك الجذور -1 و 0.5
بما إنها متباينة من الدرجة الثانية و لها جذران يعني إشارتها تتبع إشارة معامل x^2 ما عدا بين الجذرين ، يعني حتكون سالبة في النص في الفترة المغلثة من -1 إلى 0.5
* دي عشان معامل x^2 مو واحد ف شويا صعب تحليلها و ياخد وقت ممكن تحلها بالمميز و يطلعلك نفس الحل
السوالين تلاقوها في الكتاب في الابنديكس a صفحة 9 سوال 27 + 29 وياريت لو احد يعرف يحل سوال 33
إيوا صح ناخد x^2 عامل مشترك و نكمل الحل عادي

- في المرفقات صورت الحل أتمنى يكون واضح و بالتوفيق ..

[mo0dy]

المشاركة الأصلية كتبت بواسطة dr.emma [ندخل على طول في الموضوع س1 اداني متباينة / x^2+x +1 اكبر من صفر لو جيت تحللها ما راح تتحلل ف المفروض تجيب المميز ، حيطلعلك المميز سالب ، يعني المتباينة حتتبع إشارة معامل x^2 دائما و المعامل هنا : 1 يعني موجب فحتكون المتباينة دايما موجبة إذا الحل r .. وممكن بمجرد النظر عدد مربع مجموع علي نفس العدد و كمان واحد يعني مستحيل تساوي الصفر أو أقل. س2 برضو متباينة / 2x^2 +x اصغر من او يساوي 1 هادي ترتبها أول شي تسير 2x^2 +x -1 أصغر من أو يساوي الصفر و بعدين تحللها ( 2x-1 ) ( x+1 ) أصغر من أو يساوي الصفر تحل كل قوس لحالو تطلعلك الجذور -1 و 0.5 بما إنها متباينة من الدرجة الثانية و لها جذران يعني إشارتها تتبع إشارة معامل x^2 ما عدا بين الجذرين ، يعني حتكون سالبة في النص في الفترة المغلثة من -1 إلى 0.5 * دي عشان معامل x^2 مو واحد ف شويا صعب تحليلها و ياخد وقت ممكن تحلها بالمميز و يطلعلك نفس الحل السوالين تلاقوها في الكتاب في الابنديكس a صفحة 9 سوال 27 + 29 وياريت لو احد يعرف يحل سوال 33 إيوا صح ناخد x^2 عامل مشترك و نكمل الحل عادي - في المرفقات صورت الحل أتمنى يكون واضح و بالتوفيق ..

ماشالله تبارك الله ياعيني عليكي عيني عليكي باردة كذا الحل ولا بلاش ياشيخة روحي الله يوفقك وتدخلي التخصص حق المخ والاعصاب ريحتيني الله يريحكي .

[Dr.emma]

المشاركة الأصلية كتبت بواسطة mo0dy ماشالله تبارك الله ياعيني عليكي عيني عليكي باردة كذا الحل ولا بلاش ياشيخة روحي الله يوفقك وتدخلي التخصص حق المخ والاعصاب ريحتيني الله يريحكي .

الحمد لله .. أهم شي وصلت :) آمييييييييين بس يارب أدخل طب أول (a)
بالتوفيق ولو في شي تاني أنا في الخدمة =) ..

[الحلم..!]

^
^

أمين و يوفق الجميع إن شاء الله ^^

و بالنسبة للأسئلة إطرحها و إحنا إن شاء الله نساعد باللي نقدر ^^

و بالتوفيق ,,