ممكن اي وحدة عملت تقويم اسنان تدخل ضرووري وعاجلا :(:(

[كورابيكا2]

خلع السن يعتمد على شكل فك المريض
يعني انا واختي عملنا تقويم عند دكتور واحد انا ماخلت ولا ضرس
بس اختي خلعت 2 فوق و2 تحت
الدكتور لازم يكون شاطر عشان يحدد اذا يلزمك خلع ولا لا

[حبي لذاتي قمة أولوياتي ~]

اولاً سلامات ياقمر

انا قبل 4 سنوات عملت تقويم يااااه ايام تجنن كنت احط ألوان وكل سن لون معين

وخلعت 2 قبل التقويم و2 بعد التقويم لانها من ضروس العقل وطلعت << عقلت

بس كانت أيام روووعة كنت بالشهر اروع مرة عند دكتور في عيادة الدكتور منير هرساني

وإلى الأن موجود والأهم يهتم بشكل الوجه وشكل الإبتسامة ~

[Frish flower]

السلام عليكم ورحمة الله وبركاته ..

انا عملت تقويم وكان عمري 13 سنة لاتخافي ..
خلعت 7 اسنــــــــان
بس كان 3 لبني و4 دائم ..
وكمان كان في ناب مارضى يطلع وعملي شق خيف ..وطلع >>يدلع

وكان التقويم سنة ونص..
لمن يشد التقويم يعور ثلاث ايام بعدين مايعور.. وكل مايشد زي كدة ..

بعدين اتصلحت اسناني..الحمد لله
وأعطاني الجهاز المتحرك وكان دايما يضيع ويرجع يسويلي تاني لمن انا طفشت ومالبسته وكان هو يقول لازم تلبسيه ..
وكان اسناني زي الحلاوة >> ماشاء االله

بس الحين للأسف بدأت أسنان العقل بالظهووووور وجالسة تدف الاسنان والاسنان تخرب ..

عشان كدة احسن انو التقويم بعد مايطلع سن العقل..

كمان لأني انا مالبست الجهاز المتحرك الي له فايدة كبيييييرة في تثبيييت الأسنااااااان


عشان كدة انصح كل وحدة بعد ماتسوي تقويم تسمع كلاااااام الدكتور وتلبس الجهاااااز
عشان ماتخرب اسنانها زي>>تستاهلي

.. بالتــــــــــــوفيق يآآآآآآآآآآآآآآآآآآآرب..

[N0NA]

شكرا ياحلوات ^_^ بعد ردودكم اتشجعت وخلعتها بدون تحسر ربنا يوفقكم

[XP-PROF]

طيب سؤال ياعسولات-قد ايه المده الا ما اتكلم فيها لما اركب المتحرك لان بصراحه وراى تربية عملي في شهر خمسه بعد الاجازة وانا راح افكوا الحين في شهر ثلاثة تفتكرون هذي المده كافيه عشان اقدر اتكلم والتقويم المتحرك في فمي

ارجوا الرد وجزاكم الله خير

[شرووق]

^^


طيب شيليه وقت اللزوم ..مو شرط يكون مركب على طول

[XP-PROF]

طيب الاسنان مايسير لهاشي يعني وقت الكلية ماراح اللبسه عشان اعرف اتكلم لكن ماحيكون مضر فكوه وتركيبه كل شوي ردي الله يسعدك

[شرووق]

لا ان شاءالله مافي ضرر ..

انا في وقت الكليه اشيله ..
واحطه في البيت ..بس لازم يجلس
عالاقل 8 ساعات وانتي نايمه احرصي يكون
موجود ..هذا كلام دكتورتي ..


والله يعينك عليــه ..

[XP-PROF]

الله يسعدك من كل قلبي ويحقق لك امالك وكل ماتحبي ويسخرلك ربي الطيبين من عبادة في طريقك والحين اقوم اصلي الفجر وما انساك من دعواتي ياعسل واحلى من العسل

[شرووق]

ولو ماسويت شي والله

..

الله يحفظك بحفظه ..