إعادة تصحيح أوراق طلاب وطالبات الانتساب مجانية

[ابوجوري1425]

اهم شي التنفيذ ولازم الدكاتره تتقبل الأمر

[hdwoe]

ايه مسموح ووبلاش بس بعد طلعت روح .

[أبو فاتن]

المشاركة الأصلية كتبت بواسطة ابوجوري1425 اهم شي التنفيذ ولازم الدكاتره تتقبل الأمر

يكاد يكون من المستحيلات


شرفني مرورك أخوي أبو جوري

[المحترف]

ما يحتاج الخبر ينزل



صدقوني بإرسال معاملة إلكترونية للجامعة كل شي ينحل .

[أبو فاتن]

المشاركة الأصلية كتبت بواسطة المحترف ما يحتاج الخبر ينزل مافهمت قصدك ..!! ما يحتاج ينزل بالجريدة والا المنتدى ..؟ صدقوني بإرسال معاملة إلكترونية للجامعة كل شي ينحل .

أنا مرة بحول من مسار لمسار ماحلتها المعاملة الإلكترونية وراجعت شخصياً
ومرة حاولت أضيف مادة ماحلتها المعاملة الإلكترونية وراجعت شخصياً
ومرة سألت عن درجة at معلقة ماحلتها المعاملة الإلكترونية وراجعت شخصياً

تبيهم يصححون ورقتك بمعاملة الإلكترونية وينشبون بحلق الدكتور ويطلعونه غلطان عشانك .. صعبة شوي




المحترف ياغالي خلك محترف وحدث العاقل بما يعقل


وياهلابك

[المحترف]

المشاركة الأصلية كتبت بواسطة أبو فاتن أنا مرة بحول من مسار لمسار ماحلتها المعاملة الإلكترونية وراجعت شخصياً ومرة حاولت أضيف مادة ماحلتها المعاملة الإلكترونية وراجعت شخصياً ومرة سألت عن درجة at معلقة ماحلتها المعاملة الإلكترونية وراجعت شخصياً إذا كانت معاملاتك الإلكترونية كلها ما أنحلت فأكيد إنك ترسل للمكان الغلط لازم تحدد الحالة الأساسية والفرعية بشكل صحيح وهذي يبغالها إحتراف مو أهم شي تكتب معاملة وتنتظر الرد. تبيهم يصححون ورقتك بمعاملة الإلكترونية وينشبون بحلق الدكتور ويطلعونه غلطان عشانك .. صعبة شوي المحترف ياغالي خلك محترف وحدث العاقل بما يعقل وياهلابك

وبالنسبة أنا أرسلت أكثر من 20 إستفسار وطلب وأنحلت كلها والحمد لله


وماراجعت الجامعة إلا مره وحدة لما عادلت شهادة الرخصة الدولية للحاسب الآلي بدل مادة الحاسب .

ومن المواضيع إلي أرسلتها بمعاملة إلكترونية مادة المحاسبة 101 طلعت النتيجة ( f ) وكنت متوقع إني مجاوب
وأرسلت المعاملة وحطيت رقم الجوال وطنشت الموضوع وبعد إسبوعين بالتمام أتصل عليه سكرتير أحد الأقسام وقالي راجعنا ورقتك وقالي إنت ماخذ 40 في الإختبار .

يعني حاول ترسل للمكان الصحيح الله يجزاك خير .

[أبو فاتن]

المشاركة الأصلية كتبت بواسطة المحترف وبالنسبة أنا أرسلت أكثر من 20 إستفسار وطلب وأنحلت كلها والحمد لله وماراجعت الجامعة إلا مره وحدة لما عادلت شهادة الرخصة الدولية للحاسب الآلي بدل مادة الحاسب . طيب شي حلو وحظك حلو مانكره لك الخير وياليت يارب دايم أمورك تنحل بس لا يمكن تنطبق حالتك على الكل وعلى ماقال لكل قاعدة شواذ ومن المواضيع إلي أرسلتها بمعاملة إلكترونية مادة المحاسبة 101 طلعت النتيجة ( f ) وكنت متوقع إني مجاوب وأرسلت المعاملة وحطيت رقم الجوال وطنشت الموضوع وبعد إسبوعين بالتمام أتصل عليه سكرتير أحد الأقسام وقالي راجعنا ورقتك وقالي إنت ماخذ 40 في الإختبار . يمكن أنت طنشت لكن الرجاجيل اللي كان مثبت موضوعهم فوق يوم كانوا يرحون ويجون للجامعة ويرسلون وماهدأ لهم بال إلا لين أخذوا حقهم ماطنشوا يعني أنت أستفدت من مجهودهم لأن خيرهم وخير عزيمتهم عم الكل وهذا اللي خلى موظف الجامعة يتصل فيك يعني حاول ترسل للمكان الصحيح الله يجزاك خير .

تتوقع بعد كل هالعمر بالجامعة مانعرف وين نرسل الله يهديك



حياك الله أخوي

[J o O o K i]

المشاركة الأصلية كتبت بواسطة أبو فاتن أعادة تصحيح أوراق طلاب وطالبات الانتساب مجانية

هو كل شي عند الجامعة Cash money

مافي شي مجاني .. الله يستر بكره النهار يخلو المواقف بفلوس وتوقف برى الجامعة عشان ناخذ مخلفات من المرور .. ولا يحطوا علينا حارس امن على دورات المياه " اكرمكم الله " عشان اذا تبي تقضي حاجة ادفع .. عاااد لازم يستثمروا شي عن شي راح عليهم بالمجان

مشكوورر اخوووي على الخبر

[طموح متواصل]

وستظهر النتائج في أقل من 48 ساعة من انتهاءالاختبارات،

الله يستر...
ليش العجله؟؟هذاهوالسبب الرئيسي لأغلاط التصحيح,بالله كيف يمديهاتصحح يدوياماده كلهامسائل وقانونين!!!
الله يعديها على خير بس
بالنسبه للمعاملات الالكترونيه ماااامنهافايده بس منظر فالموقع,وياااماجربتها.
من الآخر..ماااعندك أحد

[أبو فاتن]

المشاركة الأصلية كتبت بواسطة طموح متواصل الله يستر... ليش العجله؟؟هذاهوالسبب الرئيسي لأغلاط التصحيح,بالله كيف يمديهاتصحح يدوياماده كلهامسائل وقانونين!!! الله يعديها على خير بس لا وشكل الجهاز اللي هم جايبينه بعد من أبو 10000 ريال أرخص الأجهزة بالنسبه للمعاملات الالكترونيه ماااامنهافايده بس منظر فالموقع,وياااماجربتها. من الآخر..ماااعندك أحد

قسم بالله أنهم يعطونك معلومات خاطئة بعض الأحيان في رد المعاملة الإلكترونية لجهل الموظف المختص بالنظام

وياكم مرة صارت معي وأجي الجامعة بنفسي وأعدل أموري