ماهذا يادكتور ؟! أسئلة اليوم تعجيزية في نظم المعلومات الإدارية 334

[zakaria_asere]

يالله من صدمه الاسئلة نسيت اضلل رقمي الجامعي ماادري في السلوك من فرحتي بالاسئلة ضللت بالحبر وفي نظم المعلومات من صدمتي بالاسئلة نسيت ما أضلل خير شر
على طاري الاسئلة احد الزملاء يقول والله اني نويت اقوم واسلم الورقه للدكتور واقول له يابوشباب شكلك مضيع هذي لماده bus 334 مو لنا

[مجنون الازرق]

حسبي الله عليك ياطلق السواط عقدتنا بالجامعه تمنيت انني لم اختبر هذه الماده


ولا راح اتوقع تخرجي وهالدكتور موجود ..



يارب ؟؟؟؟؟؟؟؟؟

[alfahd6]

نظم المعلومات الادارية اسئلتها صعبه جدا والي قاهرني سبعه اسئله ورى بعض عن الانظمة الخبيره
حسبي الله ونعم الوكيل

[طـــالـــب]

والله حاستني الانظمه الخبله عفوا الانظمه الخبيره قلبتها يمين يسار وآخر شيء خليتها (حقرا بقرا قلي عمي ) وبعدين والله لو يقوووول الدكتور كل واحده يطلع كتابه يمكن ما احلها بعدين لخبطنا لخبطه في التطبيق وما ادراك مالتطبيق يرحم والديك يادكتووووووووووووووووووووووووووور حتى وانا نايم بعد سفري للرياض والتسحيب في المطار قمت اتحلم في الماده في الحل اللي معطيله واااااادي لاكن ياااااااااااااارب لا تخسرنا بعد

[ن والقلم]

الله يكون في عونكم

أنا متفائل خير بأن الدكتور راح يتساعد وان جميع الطلاب راح يعدون المادة


معقولة الدكتور طلق السواط مايحس بالظروف ؟؟؟؟؟!!

[HULK_14]

هلا يالغلا

مشكلة الدكتور اعتمد على بابين في الصح والخطأ

باب دعم القرار وباب نظم الخبيره

رغم سهولة البابين

لكن تدري وش المشكله الماده يبلها تراجعها اقل شي مرتين لان مواضيعها متشابكه
واقصد ان اغلبها من خصائص ومميزات وعيوب مشتركه انا شفتها قلت سهله لكن ضيعت مع الحل

وميزة اسئلة التوصيل ان جدولين جا من اختبارات سابقه
يعني تقدر تقول اغلب الجدولين فيها من اختبارت سابقه

لكن عموما مكتوب في اخر الاسئله اللجنه تتمنى لكم التوفيق
شكل الدكتور ماكتبها والله اعلم

[جنتل]

السلام عليكم ورحمة الله وبركاته
أنا اخذت المادة عند الدكتور طلق السواط الترم الماضي
المادة فيها حقها مو سهلة لكن لاتخاااااااااااافوووووووون الدكتور جدا متساعد مع الطلاب بإذن الله
وعلى كلامكم وعدكم خير يعني لاتخافون
الدكتور جدا راقي وخلوق وحبوب وباين من وجهه
بإذن الله بوقف معكم
وعقبال التخرج مثلي يارب
دمتم بود

[ن والقلم]

السلام عليكم

الحمد لله رب العالمين نجحت بدرجة متوسطة وأهم شي بعيد عن الستين

بشروني عنكم ياشباب إن شاء الله الجميع ناجح

[D. ADEL]

المشاركة الأصلية كتبت بواسطة ن والقلم هلا هلا بالنشمي أبوراكان مشكووور على بحوث العمليات والله ماقصرت لك جميل ما ننساه والله ياعزيزي الأسئلة مدري من وين جايبها لا الملخص كافي ولا الكتاب كافي الصفحة الأولى أكثر من عشرة اسئلة عن النظم الخبيرة وفي الكتاب النظم الخبيرة سطرين باختصار مافي أحد فهم شيء من الأسئلة حتى يقدر يفيدك بشيء عزيزي واتحدى الدكتور يجيب على الأسئلة من الكتاب , هذا إذا كان للاسئلة أجابة اصلاً الله يكون بالعون

اخوي يعطيك العافيه اولاً ...

ثانياً : اذا عندك ما يفيدني لمادة بحوث عمليات والتي افادك فيها اخونا ادارة مستشفيات انك ترسلها على الخاص او تنزلها هنا او تدلني على مكان اخذها منه سواء ملخص كتاب اسئلة اي شي يتعلق بالماده لانه ودي امزمز عليها لانه من كلام الطلاب انها ماده تخوف وصعبه ...

[ن والقلم]

ولا يهمك اخوي

خلينا شوي ناخذ فترة نقاهة وبعدين مانقصر معاكم أبد إن شاء الله

ومن خلال مذاكرتي لها ومن غير مدرس أصلاً والحمد لله اكتشفت ان مادة بحوث عمليات مادة سهلة جداً وممتعة
وكل اللي كنت أسمعه عن المادة من تهويل وصعوبة لا مكان له من الصحة

فقط تحتاج منك شوي اهتمام وتركيز وان شاء الله الأمور عال العال


تحياتيـ لكمـ ,,