خايفه من الكيميا =( - بنات خطة ب تعالوا

[reemooo]

يا ناسوووووو على الكيمياء ماده مررررررره تجنن وخصوصا اذا درستي عند دكتورة ليلى الحربي من جد عسسسل
وشوية تركيز وتعدي الماده بسهولة وركزي على شبتر 9 و10 انا بالنسبه لي هذي الشبترين كانت يبغالها مجود

[no0ona17]

السلام عليكم و رحمة الله وبركاته
اول شي يا اختي مادة الكيميا ترى لما تفهميها تسير مره سهله و لا تسمعي كلام احد كل واحد لو تجربتو الخاصه و يمكن صعب عند وحده و سهل عند التانيه ووسط عند التالته ع العمووم
انا انصحك اول شي الدكتوره تكوني عند دكتوره كويسه لانو اهم اهم اهم شي الكلاس نفسو تكوني مررركزه في 100% << اهم نقططه
و انا سمعت كتييير انو د.اكرام دانش مرررره ممتازه فانتي حاولي من اول يوم تحولي عندها لو ما كانت دكتورتك و لازم من البدايه تحولي
و تاني شي انتي لازم تجتهدي كتيييير في البيت حاولي كل ما تاخدي محاضره ترجعي البيت تفهميها كوييس و اذا في اي شي ما فهمتي روحي أسالي دكتورتك مرررره لا تستحي لانو دا مستقبلك و لو استحيتي انتي الي حتروحي فيها و ما شا الله الدكاتره ما يقصرو
و كمان لا تنسي (البروبلم ) الي نهاية الشابتر حلي و ترى حتجيكي اشياء منتي فاهمتها حاولي تفهميها من حل البروبلم و اذا ما قدرتي روحي للدكتوره
و صح حلول البروبلم بالتفصيل تلاقيها في موقع الدكتوره اكرام حلول كل البروبلم فنزيليها كلها و اطبعيها عشان لا تتعبي
و انا بالنسبه ليا اول 4 وحدات (اول اختبار) من الكتاب ذاكرتها و كانت سهله الحمد لله بس الشباتر الباقيه احس الكتااب بزياده مفصل فسرت اذاكر من الشرايح حق دكتورتي د.ليلى الحربي و ما شا الله عليها ملخصه الشابتر و تحط النقاط المهمه
فذاكري الشرايح و الكتباب الاشياء الي زي التعاريف او الي بالبولد او بخط مايل و الامثله و البروبلم
و ان شا الله يااارب تجيبي في التسعين
وعلى فكره اسألة الاختبار مهي صعبه ابدا
بس في الاختبار الثاني ركزي على الأشياء الشاذه الي تخرج من القاعده الاساسيه يعني << حتفهمني ان شا الله لما تاخدي شابتر 8

[~RAN~]

لالا
كيف بالله تقول انه الاسئله ماتنحل ؟؟
بجدها هذي ؟

ياعسل الاسئله تنحل وفيه السهل والوسط والصعب

لو انها ماتنحل كان كلنا رسبنا لاقدر الله
العيب في الماده انها كثييره
فنصيحه امسكيها ولا تركمي وعودي يدك على حل التمااااارين

موفقه يارب

[THE HILL]

لا مرا بالغو قال الدكاترة ما يعرفو يحلوهآآ
بس من جد ندمآآآانه اني اهملت دي المااده شوفي انا كنت ما اذاكر الكيمياء الا في ليلة الاختبار << لاحظي كنت اذاكر ما اراجع واطنش التست بانك و البروبلمز يعني اكتفي بامثلة الكتاب بسس لانو ما كان عندي وقت
وشفت درجه الدوري الاول << وما تأدبت
والدوري الثاني نفس الحاله ^^

لكن لما قررت اني اذاكر الماده بكل تفاصيلها والكيمياء كثير بس" سهل "
المهم والله شوفي وانا احلفلك ترا كل سؤال في الاختبار مر عليا في المذاكرة قصدي النهائي والحمد لله في النهائي ذاكرت التست بانك والبروبلمز << وركزي ع البروبلمز اغلب الاسئله منها

والحمد لله نقصت درجه في النهاائي اصلا والسؤال اللي نقصت فيه اعتقد انو الكل حلو صح وانا من سهولته قلت بعدين ارجعله ونسيته << بعد ما سلمت الورقه افتكرت انو فيه سؤال ما ظللته لكن المراقبه قالت اسلمك ورقة التظليل وظللي اي اختيار وطبعا طلع غلط هع


بس انصحك تعيشي حياتك وما تسمعي من اللي حواليك والتسعين تجي بس اتعبي شويتين

[fatoom sweety]

الكيمياء مادة ممتعة اذا اهتميتي فيها وذاكرتي اول باول .بس انا كنت اطنشها وماكنت احل البروبلمز ولا اسئلة اخر الكتاب ولما يقرب الاختبارات اصحى من نومتي وذاكر الامثلة واسئلة د.اكرام دانش عديتها بالقوة عشاني كنت مهملة شوي ودرجتي في الستين

[فتاة بقلب أمة]

طبعا تقدري إن شاء الله
أنا جبت 95 الحمد لله
بس مزاكرة تماااام وأول بأول ومن الكتاااااب ( بلا سلايدات بلا كلام فاضي )
وحل التمارين وأسئلة الدفعات السابقة والدعاء قبل كل شي :)
وبالتوفيق للجميع

[آحم p:]

Dr.Passed
فتاة القرآن
Beeshoob
!..RahoOofa..!
sumaiah..
••Cute Girl
reemooo
no0ona17
~RAN~
THE HILL
fatoom sweety
فتاة بقلب أمة




الله يسسسسسسسسسسسسسعدكم وحده وحده
و يطمنكم زي ماطمنتوني آحبكم والله

ان شا الله اللي ماجابت كويس تعوض ف الفيزيا جييد هذا الادمي ^_*