ماذا عن اختبارات غدا الخميس هل هي معلقه مثل اختبارات اليوم والى متى التعليق؟

[fsoool85]

كلن يصرح من راسه !!

مالنا الا ننتظر قرار من مصدر موثوق !

قصينا تذاكر وراحت علينا الرحلة... ودرسنا وراح تعب الدراسه والحمدلله على كل حال !

نتمنى تصريح من الجامعه بوقت الاختبار او الجدول (ناس وراه سفر ووظائف) الله يسهل على الجميع

[عبدالرحمن15]

ممكن سؤااال اخ مفقود ممكن تقولنا من موين مصدرك لأنه بصراحة انا عندي اختبار غدا ؟وعندي رحلة اذا كان كلامك صحيح اعتمد علية وارجع ؟واكون لك من الشاكرين

[الاسد88]

الله يعينكم ويصبركم ..

[المفقود]

المشاركة الأصلية كتبت بواسطة عبدالرحمن15 ممكن سؤااال اخ مفقود ممكن تقولنا من موين مصدرك لأنه بصراحة انا عندي اختبار غدا ؟وعندي رحلة اذا كان كلامك صحيح اعتمد علية وارجع ؟واكون لك من الشاكرين

آخي عبدالرحمن

أعتمد على الله سبحانه وتعالى

وكلامي موثوق وصحيح 100% وسافر وتوكل على الله

شخصياً متحدث مع دكاترة الجامعة ومبلغيني من العصر

بس أنا ماقدرت اسافر محتجزتني السيول ،،،،

[JENTEL30]

ـ مع احترامي للجميع ولكن فيه ناس همج
والا الجامعة مالها ذنب غرقت والمشكلة في جدة الخايسه ولا تلومون مدير الجامعة ولكن لومو المسئولين في جدة
ولا تتوقعون بهالسهولة يختبرونكم بمكان آخر في نفس اليوم لازم يكون فيه ترتيب لإستيعاب مئات الطلاب
قولوا الحمدلله انها تأجلت والا لو نشبتوا بالجامعة كان أنواع السب والشتيمة عالجامعة
صدق ناس ماتعرف لهم ولا تعرف تفكيرهم الأعوج

[abo yzn]

انا اقول لك لا تسافر لين تاخذ الخبر الاكيد وخليك من كلام المفقود لانه كلام مبني على توقعات شخصيه سواء من الطلاب او الدكاتره

بعدين ارجو من الاخوان التريث لحين الحصول على خبر رسمي لاني برضه سمعت ان الاختبار احتمال يكون السبت او الاحد واللي يقول عندي دوام ياخذ افاده من الجامعه والخيره فيما يختاره الله ولا احد يسافر لين ياخذ الخبر الاكيد نصيحه لوجه الله ..

[غلاوي35]

الله يكون معكم .~

[أسد نجد]

يا اخي انت محسسنا اننا دشير ما عدنا وظايف انا عندي بكرة نظم معلومات ادارية وهالمادة بالذات بئذن الله مذاكرها كويس اذا في اختبار بكرة بحول الله راح اجيب فيها درجة حلووه لكن اذا المسئلة وصلت لعارض سيول وامطار لا والله انا ما ابدي مصلحتي على حساب الناس الثانيين وبعدين انت يمكن حالياً في جدة لا تنسى انو في طلاب غادروا ولو بكرة امتحان راح يتعرضوون للمشقة والسفر ومثلك عارف الناس الي تجي من قرى وهجر محاطه بأودية فأتمنى منك يا اخي الفاضل ان تحب للغير ما تحبة لنفسك وسلم امرك لله بالنسبة لناقل الخبر اذا الخبر صحيح جزاك الله عني وعن الطلاب المساكين الف خير لأن موقع الجامعة من الساعة 1 ونص مقفل وكنا محتاين في اختبار بكرة على كلاً عليكم اخواني تجاهل من يبالغ في حب الذات ودعووه يحارب نفسة فنحن قوماً لا نمشى الى مع الجماعة وطبعاً في خير

[abo yzn]

شي عجيب صراحه يعني الحين كاني قايل خلونا نروح الجامعه نبني جسر محبه وموده ونمشي عليه لين نوصل

يا جماعه انا ما قلت ابي اارروح الحين الجامعه انا قلت لا احد يستعجل لين ناخذ قرار وخبر رسمي اما مسالة اني اعطيكم قرار قد يكون ارتجالي مني او من غيري فهذا ما يجوز ومصلحة الجميع فوق اي مصلحه

وانا ماعندي مشكله لو قالو الجامعه الاختبار الترم الجاي مشيت الحين وللمعلوميه انا من سكان الرياض

اللي يشوف اني مخطي يعلمني ترا مافيه انسان معصوم من الخطا

بالتوفيق لي ولكم

[رسمي]

الحين مره تقول ابي اروح اختبر لو سباحة

ومره تقول وش ذنب الطالب يدفع وتنلهف فلوسه ويستآجر زياده

ومره تقول بيحسبون علينا رسوب

اخوي .. الموضوع بسيط .. الإختبار تأجل وبدون تحديد موعد يعني ماراح يكون قريب ولا تتوقع ماحدد الموعد يعني بيكون الاسبوع الجاي
وترى مافيه رسوب والمعدل ماراح يتضرر بنختبر اختبار بديل يعني كأنك غايب بعذر