ودي تطمنوني بدرس على الترم الثاني وعندي اسئله ؟؟

[صافي]

طيب بكالوريس العلوم الطبيه الاساسيه في تسجيل دا الترم

[ǁ غــلأآإ ، رٍوٍحــي ǁ]

^^
الطلبه الغير سعوديين + بعض الطلبه تم تحويلهم للدرآسه على الترم الثاني
لأسباب خآصه أو بتقديم معاملآت استثنائية بدآيه الترم ..

[ملكة الاحساس2009]

المشاركة الأصلية كتبت بواسطة صافي غلا روحي حيرتوني في تسجيل ولا مافي للترم التاني

انا مسجله من الترم الاول وسالفه يالله قبلوني لكن قالولي ماتداومي الا على الترم الثاني ونشوف ان شاء الله وللحين مارحت للجامعه وشفت وضعي والله ييسر ان شاء الله

لكن بالنسبه للتسجيل للترم الثاني شفت بالمنتدى كذا وحده قالت التسجيل سنوي لكن اشوف بعض الطلبه يسجلو على الترم الثاني كيف مدري ؟؟

بس انتو روحو اسألو أفضل

والله ييسر لي ولكم ان شاء الله...

[ملكة الاحساس2009]

المشاركة الأصلية كتبت بواسطة احلم بي الانتظام معليش اختي بس ممكن تقوليلي كيف سجلتي على الترم الثاني؟وكم كان معدلك ؟ومن الجامعه ولا من النت ؟وعند مين سجلتي؟الله يوفقك في دنيتك واخرتك ويحققلك الا تبغيه ردي عليا واللللللللللللللللللله ضرووووووووووري

رديت على الاخت صافي..
والله يوفقنا يارب وييسر لي ولكم الدخول للجامعه ..

[الحائرة دائما]

القاعات ممكن تلقي قاعات صغيره زي حقت المدرسه وممكن تلقي قاعات كبيره
وطالبات السنه التحصيريه اصلا يدرسوا في نفس المكان اللي يدرسوا فيلو باقي طالبات الجامعه يعني كل السنين مع بعض .والمبنى اللي بتاخذي فيلو ماده ممكن في طالبات متخصصات تلقيهم بياخذوا في نفس المبنى مواد يعني مافي مبنى ممكن يكون خاص بس للتحضيري الا اثنين اظن حق الانجليزي .ولا تشيلي هم راح تتعودي على كل شي ان شاء الله بس مسألى وقت انا كنت كده في البدايه بس دحين ماشاء الله احسن. وراح تتعرفي في الجامعه بسرعه على بنات لأن البنات كثير ماشاء الله فممكن تكوني صداقات كثيره وبسرعه لاتخافي^

[ملكة الاحساس2009]

المشاركة الأصلية كتبت بواسطة الحائرة دائما القاعات ممكن تلقي قاعات صغيره زي حقت المدرسه وممكن تلقي قاعات كبيره وطالبات السنه التحصيريه اصلا يدرسوا في نفس المكان اللي يدرسوا فيلو باقي طالبات الجامعه يعني كل السنين مع بعض .والمبنى اللي بتاخذي فيلو ماده ممكن في طالبات متخصصات تلقيهم بياخذوا في نفس المبنى مواد يعني مافي مبنى ممكن يكون خاص بس للتحضيري الا اثنين اظن حق الانجليزي .ولا تشيلي هم راح تتعودي على كل شي ان شاء الله بس مسألى وقت انا كنت كده في البدايه بس دحين ماشاء الله احسن. وراح تتعرفي في الجامعه بسرعه على بنات لأن البنات كثير ماشاء الله فممكن تكوني صداقات كثيره وبسرعه لاتخافي^

الله يوفقك ياااااارب
طيب حبيبتي اول اسبوع للتحضيري فيه دراسه ؟؟؟
وكيف الجديده مثلي راح تعرف المباني من اول اسبوع ؟؟؟
وفرضا عندكم بالجامعه زي المدرسه اذا تأخرت الطالبه عن المحاضره شو تعمل مثلا ؟؟؟

وكيف سياسه الغياب؟؟؟ هل في عدد معين وتنحرم ولا كيييف؟؟؟

وفرضا طالبه غابت لظرف اذا قدمت العذر يقبلو ولا؟؟؟؟

ودي اكون بالصوره لان ساكنه بعييييد عن الجامعه وكمان ماني من اهل جده ولا أعرف بصراحه كيف نظامهم؟؟


والله يجزاك خييير...

[ǁ غــلأآإ ، رٍوٍحــي ǁ]

المشاركة الأصلية كتبت بواسطة ملكة الاحساس2009 الله يوفقك ياااااارب طيب حبيبتي اول اسبوع للتحضيري فيه دراسه ؟؟؟ وكيف الجديده مثلي راح تعرف المباني من اول اسبوع ؟؟؟ وفرضا عندكم بالجامعه زي المدرسه اذا تأخرت الطالبه عن المحاضره شو تعمل مثلا ؟؟؟

1/ عاده أول يومين مايكون في أي شئ بس يبدوآ على يوم الاثنين او الثلوث ..
وكل شئ راجع للدكتوره ومزآجها متى تجي !

2/ ممممم .. بحكم إنك جديده .. أحس راح تلآقي أو يومين صعوبه شويتين في معرفه المبآني
لإن كلها تشبه بعض ولها اكثر من مخرج ..

3/ وعادهـ الاستاذه يتخذوآ نظآم .. اذا البنت اتأخرت مرتين تنحسب غيآب ..
وبعضهم مايدخلوآ اي طالبه تحظر بعد الوقت بعشر دقآيق
طبعا أول يوم كل دكتورة راح تدخل عليكم وتقلك بنظىمها وسيآسيتها .. عشان هيك انا بالنسبه لي
احس أول محآظره من أهم المحاظرات بالترم كلوو

---

المشاركة الأصلية كتبت بواسطة ملكة الاحساس2009 وكيف سياسه الغياب؟؟؟ هل في عدد معين وتنحرم ولا كيييف؟؟؟ وفرضا طالبه غابت لظرف اذا قدمت العذر يقبلو ولا؟؟؟؟ ودي اكون بالصوره لان ساكنه بعييييد عن الجامعه وكمان ماني من اهل جده ولا أعرف بصراحه كيف نظامهم؟؟ والله يجزاك خييير...

1/ المحاظرات اللي تاخذيها على ثلاث ايام الحد الإدني لها 6 - 7 محاظرات وبعدها تنحرمي من المآده
وتنزل لك المآده Dn يعني محرومه من دخول الاختبار النهائي
المحآظرات اللي تاخذيها على يومين .. الحد الإدني لها 5 -6 محاظرات ..

2/ طبعا لو عندك ضروف ومنعتك من حظور المحآظرات قدمي عذرك للدكتورة تبعتك
بس يكون العذر مقبول وموثوق .. < مو تجيبي ورقه من ولي أمرك وموقع عليها
لازم يامستشفى أو حالات زواج او وفآه لاسمح الله ..


إن شاء الله أكون أفدتــك ..

[الحائرة دائما]

زي ماوضحت الاخت غلا روحي ..
انا على بداية السنه الانجليزي بدأنا الاحد من اول اسبوع وفي بنات اساتذتهم مابدؤا الا على الاسبوع الثاني او الربوع على حسب الاستاذه يعني.
المباني اممم ممكن من اول اسوبع بس نصيحه مني انتي اول يوم تداومي حاولي بسرعه تعرفي الاماكن اللي حتاخذي فيها موادك مباني وقاعات عشان بس تبدأ الدراسه ماتضيعي وتتأخري على المحاضره هو صعب شوي تتعرفي بالسرعه دي على المباني بس حاولي وانتبهي لاتضيعي ههههه ترى الجامعه كبيره ماشاء الله واحسن شي روحي مع احد اول يوم يعني يونسك وتتشجعي .. ولاتخافي ترى في سيارات نسميها^ سيارات صغيره توصل الطالبات فأنتي ممكن تركبي وتقولي للي تسوقها وصليني مبنى 12 مثلا وهيا راح توصلك للمبنى ..

والغياب حاولي ماتغيبي كثير اذا مافي سبب لاسمح الله خليها وقت الحاجه عشان لو وصلتي حد معين من الغيابات خمسه او سبعه على حسب بس مااظن اقل من خمسه خلاص تنحرمي من الماده ماتختبري فيها يعني رسوب تعيديها اكيد

وانتي حاسه بخوف لانو لسه ماجربتي وقلقانه بس ترى بس تداومي خلاص بيروح كل شي عاادي مرره كلنا حسينا بدا الاحساس وفي كثير بيجوا زيك من برره جده والله يوفقك ويكون في عوننا جميعاً

[ǁ غــلأآإ ، رٍوٍحــي ǁ]

ملوكةْ لو حابه احد معاكيْ اول يوم ويساعدك
في معرفهًْ متاهات الجامعه ' اعطيني خبر يصير أعرفك على جامعتنا الحبيبـه