فعلا مقبرة الجامعه

[فهد الجدعاني]

أنا أكثر شيء قهرني في إختبارات الماث عموماً الأسئلة المكررة حرم والله يعني سؤال ما عرفت تحله تروح عليك درجتين مره وحدة؟!

لكن ولله الحمد أقدر أقول عديت من المقبرة بسلام

[batchat]

المشاركة الأصلية كتبت بواسطة أ/د/م/:فهد أنا أكثر شيء قهرني في إختبارات الماث عموماً الأسئلة المكررة حرم والله يعني سؤال ما عرفت تحله تروح عليك درجتين مره وحدة؟! لكن ولله الحمد أقدر أقول عديت من المقبرة بسلام

صادق والله , خاصة السؤال الي تكرر 3 مرات يعني والله لو حليتو غلط

كان الاولى انهم يوزعوا الافكار على الاسئلة وبلاش اسئلة التكرار

يعني سكاشن تتعب وتذاكر فيها وما يجي منها سؤال

[عالي المعالي]

أنا أكثر ما رفع ضغطي التكامل ألي ترجع فيه للجداول وبالنهاية مجرد تعويض

جالس عليها نص ساعة وأخيرا تذكرت القوانين في الصفحة الأولى وطلعت ما تاخذ دقيقة !!!


وأيضا حقت تكامل ( تان انفرس ) طولت فيها وبعد الاختبار اكتشفت انهم حطوا رسمة التان عشان يقولون لك إنها دالة فردية بالتالي يكون ناتج التكامل يساوي صفر

الحين العبقري ألي سوى الاختبار ما فكر إن الطالب عنده ساعتين بس عشان يحل أربعين سؤال وما فضينا نجلس نحلل سبب وجود رسمة التان انفرس ؟!!!

والنماذج أبدا ما كان فيها عدل

أنا جاني نموذج d وبعد الاختبار شفت نموذج b ( نفس الأسئلة لكن مجرد تغيير الأرقام ) لكنه أسهل من ناحية التعويض بالأرقام والزوايا




ومدري ايش الفكرة من وجود أسئلة مكررة

بدل ما تكررون السؤال حطوا أسئلة بسيطة إذا كان الهدف توفير الوقت !

[asooome]

صراحة تفكير غرريب وعجييب جدا
يبغون يوفرون الوقت قاموا يكررون الأسئلة (الصعبة بالذات تتكرر دائما) طيب فيه أسئلة ما تأخذ ثواني ليه ما يتسبدلونها بتكرار الأسئلة
وبعدين الأسئلة غير متناسبة مع الوقت أبدا لأن كل سؤال حقيقة يحتاج إلى وقت
عموما إن شاء الله يكون فيه كيرف يخفف عنا مصيبتنا هذي

[اسامـــه]

الله يستر بس ان شاء الله الجميع يعدي من المادة ذي

[عاصم العاصم]

المشاركة الأصلية كتبت بواسطة mr_x_7 حسبي الله ونعم الوكيل يارب يدو كيرف 10 درجات يارب او اكثر

هههه احسها شوي كثير
بس مايمنع نحلم شوية من احلام اليقظة

احس ان الدرجات بتكون للي (ذاكر) .. مرضية تماما ان شاء الله

[ao0xa]

والله قهرررر فقرره غبيه مررررررره غبيه
جاات في نموذج b الي في البدايه يوم يقولك احسب المساحه
مررره معرف القانون تكامل عاادي
بس وين يوم اكامل ماالاقي شي
اجل باايش احله
ياااااااااارب بس كريف اب

[مطول الغيبات]

وليد الحمدآن ..

شكرا على الشرح بالبوربوينت ..

حسبي الله ونعم الوكــيــــــــــل ..

[m7n0]

والله الاختبار كان جبار

يعني الاختبار الاول درجته مرتفعه والثاني زيه ...دخلت الاختبار وانا متوقع مااقل عن a والحين والله اتمنا النجاح

[عالي المعالي]

المشاركة الأصلية كتبت بواسطة ao0xa والله قهرررر فقرره غبيه مررررررره غبيه جاات في نموذج b الي في البدايه يوم يقولك احسب المساحه مررره معرف القانون تكامل عاادي بس وين يوم اكامل ماالاقي شي اجل باايش احله ياااااااااارب بس كريف اب

هذي الدالة تقسمها نصفين لأن جزء منها فوق محور x والجزء الثاني تحته

يعني حتى أنا جلست أفحط فيها وقت


جايبين أكثر الأسئلة ألي في الكتاب وحلها غير مباشر

طيب ما عندي مشكلة جيب عشر أسئلة مو أربعين سؤال على الأقل حتى الطالب الممتاز يلقى وقت يحل إذا كنتم تفكرون شوي