انطباكم على اختبار المحاسبة الحكومية

[جامعي ولاكن؟]

المشاركة الأصلية كتبت بواسطة الحوووووووووووت والله الجامعة دجه من جد والله بس الله يخارجنا ونعدي هالمادة على خير .... انا سمعت من بعض الطلاب اللي اختبروا هالمادة ان الدكتور يضيف 10 درجات للي يجيب 50 مدري الكلام هذا صحيح ولا .... ارجوا تأكيد الخبر ..

نعم هذا الكلام سمعته من الدكتور نفسه قال اني راح ازيدكم 10 درجات بس ماحدد يعني ماقال الي ماخذ خمسين بعطيه 10 بس قال بزيدكم
وبالتوفيق

[albader]

التصحيح حايكون يدوي صح ولا لا.... << قمت اشك في الوضع ان الاجابات حاط عليها علامة دويره بس ..ماظللتها ...

[معاند ليش]

الله يوفق الجميع والحمد لله حلينا لو الأسئلة فيها شوي لف ودوران وتلخبط الواحد
خبر عاجل
عند ماخرجت من قاعة الأختبار لقيت اخونا مسافر بس عند الدكتور وكان يتكلم معه بخصوص المحاسبة وصعوبة الأسئلة ولما فيها من الف والدوران وكان يطالب الدكتور بمساعدة الطلاب لكن الدكتور وعدنا بعشر درجات وطمنا ايضاً (لا تخافون والنجاح أن شاء الله 90%)
وكمان شفت الأسئلة مع أخونا مسافر بس يقول أن شاء الله بنزلها لأخواننا في المنتدى بس ماحدد وقت
والحمد لله على كل حال ودمتم بكل عافية وسلامة

[saf665]

ياجماعة الله يوفق الجميع دكتور المادة سألت عنه وقالو عنه ممتاز ويساعد الطلبه ولكن نصيحتي انسوا المادة وفكروا في المواد المقبلة

[طيب السجايا]

ياجماعة الدكتور غير الأسئلة البارح وعشان كذا جات الأسئله صعبه لآن الأسئلة القديمه انتشرت في المنتدى وعشان كذا

[ع ـبدالعزيز]

والله من يوم شفته يقول خلوووو الدوائر رومنسيه خخخخخخخخ
إني ضحكت ونسيت هم الماده
صح كان فيها لف ودوران كثير بس إن شاء الله إنها تعدي بسلام
وبيني وبينك دكتور الماده مبين عليه إبن حلال وماراح يقصر ان شاء الله

[البرنس الرياض]

بسم الله الرحمن الرحيم
انا اختبر الماده ترم الماضي بصراحه الدكتور ما قصر
عطاء كل واحد 10 درجات الدكتور طيب وعند كلمته

[ابو جود987]

الأسئلة تبى واحد مذاكر صح وفاهم لكن بشكل عام هي اصعب من الترم الي فات لكن الذي يطمئن كلامة لجميع الطلبة بالزيادة وبعد الأختبار قابلتة شخصيا وسألتة عن الأسئلة وصعوبتها قال لي: راح اعطي زيادة نصف درجة على كل سؤال بحيث يصبح على كل سؤال درجتين ونصف بدل من درجتين -وفالكم المعدل الزين-

[أحمد الحربي]

المشاركة الأصلية كتبت بواسطة saf665 ياجماعة الله يوفق الجميع دكتور المادة سألت عنه وقالو عنه ممتاز ويساعد الطلبه ولكن نصيحتي انسوا المادة وفكروا في المواد المقبلة

والله شكلها كذا فعلا الاسئله

بس متفائل خير بهذا الدكتور كلامه جميله ورومنسي هههههه

بالتوفيق للجميع

[أبو إبراهيم الرياض]

الا صحيح أخوي الحوووت أنا سمعته قال هالكلام بس مدري يمكن علشان الطلاب تجمعوا عليه بس أنا سمعت من كذا واحد أن الدكتور طيب ومسامح ويمشي وبعدين هو مخلي الأسئله بدون تصحيح آلي علشان يقدر يساعد ويخلي أقل نسبة رسوب بالماده ألي يدرسها والله أنا أعتمدت على الله ثم على الأسئله الماضيه وحفظتها وبالأخير ما جانا منها الا فقره أو فقرتين وأنا من ضمن الطلاب ألي توهقوا بنموذج رقم واحد نقص ولخبطه بين النموذجين وخلها على الله ،،،

بس معي واحد أختبر نموذج رقم ثنين يقول جاء أغلب الأسئله حقت الأعوام السابقه يعني حنا توهقنا بالنموذج الثاني ،،،

يالله عسى الـ 60 راضين الله يستر يا رب ونعدي ،،،