اللي اختبروا انجليزي 102

[مايمديك]

بالنسبة لإختباري كان على النموذج a
الاسئلة كانت قطعتين وتحتها اسئلة و7 اوراق اسئلة
القطعة الاولى كانت( محادثه ) بين شخصين والثانية عن المغرب ( مراكش ) < المدرس يسوي اعلان لدولته
وفيه اسئلة عامه << تلحس المخ شوي
الحمد لله مو صعب مره ولا سهل مره ( متوسط )
لاحظت اليوم ان النموذج a والنموذج c نفس الاسئلة بس لون الورق متغير
ونفس الشي نموذج b ونموذج d نفس الاسئلة بس لون الورق متغير

المشكلة اليوم في تغيير المبنى المفاجئ لاني وقفت السيارة ونزلت بكل ثقه للمبنى 44 وطلعت للقاعة ووقتها تكلم واحد من المراقبين عن تغيير المبنى بدون سابق انذار

والمشكلة الثانية ( غباء بعض المراقبين ) لانهم ما عرفو يرتبون النماذج على الطلاب وبدل ما يغيرو النماذج غيرو اماكن الطلاب ولا استلمنا الاسئلة الا الساعه 4:30

والمشكلة الثالثه الطلاب اللي اختبرو اجليزي 101 حضرو يختبرون انجليزي 102
وبعد ما فهموهم الفرق وضاع من وقت الاختبار 10 دقايق طلعوا وصارت القاعة فاضيه



<< جالس يكتب تقرير :$

ولكم اطيب تحية

[خشبه]

اش القطع اللي جـآتكم .,

وكلهـآ اختياري ولا ؟؟؟

وعسى الله يوفقكم

[قيمر]

والله يا جماعة ان الاختبار سهههههههل
بس ماتورطت الا بالفوكابلوري 10 اسئلة جت من خمسين سؤال بالاختبار

[~alZa3eem~]

صحيح كلامك اخوي ما " يمديك "

اليوم انا وقفت السيارة وتوني بدخل مبنى 81 إلا المراقب المصري ينقز ويقول للطالب اللي قدامي انا عندك انجليزي 102؟

القاعة تغيرت لـِ 125 ساعتها دورني عصبت عليه وقلت له ترى فيه اختراع اسمه SMS

وسريع سريع طيران على المبنى المزعوم

إلا واشوف الفوضى والطلاب اللي اختبروا 101 كثير والله اعدادهم وجايين يبون يختبرون

والمراقبين انبح صوتهم وهم يشرحون لهم يا جماعة هذا مو اختباركم يا جماعة هذا اختبار ( 102 ) له متطلب وهو لازم الطالب يجتاز انجلش 101

والغريب في الموضوع انه هذا شئ منطقي وكيف مر على هذولي الأعداد الهائلة؟

يا جماعة والله الفوضى من الطرفين من الجامعة والطلبة والعتب الكبير على الطلبة الصراحة

يعني ولنفترض ان الجامعة ما وضحت شغلة معينة

انت كـ طالب او طالبة ما تشغل مخك شوية؟

اطرح تساءل يا اخي

فيه شئ مش واضح مر العمادة واسئلهم مو غلطت

الغلط اهو اللي صار اليوم انك تنتظر لآخر لحظة وتجي وتبغى تختبر بعد

ما تسأل نفسك ليه اختبر المادة مرتين؟

انظر للجدول ادناه



لو كان فيه اي لبس غريبه ما اطلعت على جدولك وقطعت الشك باليقين؟

عموماً بالتوفيق للجميع

بااااااك للموضوع

انا كان نموذجي ( C )

والحمدلله كان سهل لكن عندي كذا خطأ بسيط ان شاء الله وبإذن الله اجيب درجة ممتازة

[سِحر القلم]

يسعد مساء الجميع

بالنسبة لنموذجي كان c

والأسئلة حلوة

كانت القطعة تحكي عن بلد في فرنسا

واسئلتها مباشرة وواضحة

طبعا بعدها تتنوع الاسئلة من قرمر الى فوكاب الى writing

يعني لاتتوترو ذاكروا وتوكلوا على ربكم

وأثناء الحل لاتخافوا من الوقت

وبإذن الله يكون النجاح حليفكم

[خشبه]

يعطيكم العافيه على الافادهـ يالغوالـــي

انا اختباري يوم الاربعــآء

اذا احد بعد يبي يفيدنــآآ
يامال الجنهـ والله

والله يوفقنــآ جميع ونجيب ممتـآز

دمتم بسعادهـ