نظم معلوماآت إدارية وَ إدارة الموارد البشرية وَ ثقافَة 3

[][ NoOni ][]

أشواااااااااااااااااااق حبيت أجيب لك دا الشي
فرررحت لما شفتو وقلت أفرحك وأساااعدك معاايااا
يخص نظم المعلومات ..

الكتاب : نظم معلومات ادارية (( مصوور )) المؤلف : د. هشام صالح كتووعه - الطبعة الثانيه 2007 المنهج : 12فصل فقط فقط والفصل السابع محذووووووووف طبعا هيا اتكلمت عن دورة الاكسس او sql للي خايفة ترسب في المادة تجيب شهادتها معاهاا في الاختبار والبونس 10 درجااات بس على كلامها مو يعني جايبه 90 اعطيك 10 وتصيري 100 نوو نوو المذاكره : من الكتاب + عرض البوربوينت طبعا في موقعها وبس ومرره حضرت عند اقبال ووقالت يابنات اسئلة الاختبار اسئلة فهم مو اسئلة حفظ ( يعني افهموو كوييس )) الاختباااار كيف ؟؟ اولأ: تعريفات : يا إما تكتب التعاريف وانت تحددي اسم التعريف او صلي والتعاريف والمصطلحات مو نفس العدد تجبلك مثلا المصطلحات اكثر من التعااريف وكمان ممكن تجيب المصطلح بالعربي وتجيبو بالانجلش وانتي توصلين بينهم يعني صلي كمان ويعني لازم نعرفهم بالعربي والانجلش عشان نوصل ماتخليك تكتبي حاجه ثانيا : صح او خطأ بدوووووووون تصحيح الخطأ . ثالثا: طبعا اختياااااااااري رابعا : الرسمه << وجينا للرسسسمه ماااا راح نرسم شي << تجيبهاا جاااهزه وانا اعبي البيانات فيها , وممكن تجيب رسمه من الرسمات الصغيره وتمسح مثلا بيان من البيانات اللي فيها وتقولك اختاري من متعدد وهذي الرسمااات اللي حددتها لنا : صـفحه = صــ 1. صــ6 رسمة الرقابة والمدخلات ( الرسمه اللي فوووق ) 2. صــ16 شكل (1-1) 3. صــ19 شكب (1-2) 4. صــ26 هنا الرسمه بالترتيب مهمه 5. صــ49 شكل (2-5) 6. صــ55 شكل (2-6) ارتباط المستوى الاداري..... 7. صــ56 شكل (2-7) 8. صــ74 شكل (3-2) 9. صــ85 صــ86 صــ87 شكل (3-2) (3-4) (3-5) اشكال الشبكات كلها 10. صــ 115 مكونات نظام الجاسب الالي 11. صــ116 شكل (4-1) من غير الامثة 12. صــ 161 شكل (5-1) من عرض الاستاذة اوضح ( الكلام اللي تحت لااا بس اللي في المربعات ) 13. صــ 179 شكل (المه إنك تعرفي اننها في عامه وتخصصيه رسم لا بس ممكن تسالك فيها) 14. صــ 198 شكل (6-2) 15. صــ 262 صــ 263 ( التكوين الهرمي والشبكي لقاعدة البيانات مانرسم بس بيانات) 16. صــ 303 شكل (9-2) 17. صــ 314 شكل (9-2) 18. صــ 321 شكل (9-4) 19. صــ 325 شكل (9-5) 20. صــ 361 شكل (10-10) 21. صــ 382 شكل (11-1) 22. صــ 400 شكل (11-4) 23. صــ 429 شكل (الرقابة اثناء المراحل تطوير وايجاد النظام) • في الـ 4 المراحل ( اخر 4 فصول) لما تجي تذاكري ابدأي بالرسمه اول شي ركزي عليها اكثر من إنو تمسكي كل نقطه وتشوفي بتعمل ايه . • في المستلزمات الاليه : ركزي على وحدة التشغيل المركزي- وحدة المدخلات والمخرجات بصفة عامه بتعمل اييه – وحدة المخرجات ركزي على الطوابع • في المستلزمات الفكرية (البرامج): ركزي على ايش الفرق بين نظام التشغيل ونظام الترجمة. • برامج التطبيقات الفرق بين عام وتخصصي مع الامثلة • في المستلزمات البشرية: تلاقي ورا في الملخص أٌقرأي الملخص اول شي بعديت التفاصيل • مجالات الحاسب الالي  نستخدم الكمبيوتر فين!! واهم مجال نركز عليه مجال الادارة ( لاننا ادارة اعمال طبعا ) • الفصل 11 و 12 قالت عليه : مروووووور سريييع زي مامرينا عليه في المحاضرات عالسريع وهذا المطلوووب مننا والمهم فيهم الرسمه • الصفحات المحذووووووفه (في الفصل الرابع-- نهاية صـ 134 التركيب الالكتروني لوحدة التخزين محذوف ملغي و صــ135 و صــ136 و صــ137) -- (صــ145 \ صــ146\ صــ147 ) • في الفصل الخامس—( صــ165 صــ 166 صــ 167 صــ 168 صــ 169 صــ 170 صــ 171 صــ 172 صــ 173 صــ 174) وطبعاا طبعااا رفعتلكووم المصطلحات في اخر كل فصل وكمااان الرسمات المصطلحات http://www.4shared.com/file/nnqumqsc/_online.html الرسمات http://www.4shared.com/file/grl8kp2r/_online.html واحب أأكد لكم هذا مجرد اللي تركزي عليه والمهم بس لانو الكتاب كلو معانا مو بس داا يعني لاتتوقعين انك تذاكري على دي الاشياء وتنجحي يمكن تنجحي انتي وحظك بس بددف ويمكن بتشوويت وعلى فكرة الاسئلة موووحدة ولو فيه اي شي سقط سهوا او كلجات سامحووني مهما كنت حريصه برضو احنا بشر ولا يمكن مانغلط واذا في اي شي اي شي تعرفونو عن المادة وانا ماقلتو اضافاتكم تنور الصفحه لانو زي ماتعرفون دااائمنن الانتسابيووون اخررر من يعلللم صح صح نسيت ايميل الاستاذة للي تحتاجو (shaymaarashad@yahoo.com) وماتنسوووني ادعووولي ربي يسهلي اموري واجيب علامات حلوه ويكتبلي احول انتظام ويغفرلي يارب ولا يرحمني من اهلي يارب العالمين :) اختكووم harmony

[ashwa8]

معليش اتأخرت عليكي

بالنسبه لسؤالك عن الحذف ايوا متأكده ميه في الميه مافي شي محذوف انا سألت بنفسي
تاني شي بالنسبه للاقسام حقت الثقافه صح بس عدد الوحدات يختلف ودا معناه انهم حذفوا فصول فاحسنلك اشتري الجديد
نفس الكتاب بس طبعه جديده

اللي عندي ..

القسم الاول - نظام الاسره في الاسلام 4 وحدات
1) الزواج
2) عقد الزواج
3) الخلافات الزوجيه
4) من قضايا الاسره المعاصره

القسم التاني - النظام الاجتماعي في الاسلام 4 وحدات
1) المجتمع الاسلامي مقوماته وخصائصه
2) مؤسسات المجتمع الاسلامي
3) الاحكام والاداب الشرعيه واثارها الاجتماعيه
4) ابرز المشكلات الاجتماعيه اسبابها وعلاجها

القسم التالت - الاسلام والقضايا المعاصره 5 وحدات
1) الاسلام وحوار الحضارات
2) الاسلام وحقوق الاسلام
3) العولمه
4) الامر بالمعروف والنهي عن المنكر
5) موقف الاسلام من الارهاب


ترى مرره لا تشيلي هموو انا بدأت اذاكر صدقيني سهل لا تفكري قد ايش كبير الكتاب فكري انك تفهمي وحده وتقريها كويس وتروحي للي بعدها مره حتلاقيه اوكي إن شاء الله





تاني شي مرررررررررررررررررررررررررره شكرا على نظم المعلومات انا درستها مع استاذه اقبال
تسلمي ياعسل حتفيدني جدا وفعلا قالتلنا عن طريقة الاختبارات
بس بسألك متأكده من دي الرسمات بس اللي معانا والباقي لا يعني؟؟ ومتأكده انه الفصل الاخير محذوف فعلا لاني كم محاضره ما حضرتها وماني عارفه ؟؟

والله ييسرلنا

[ashwa8]

على فكره نوني نظم المعلومات دوبي شيكت عالكتاب 16 فصل ماهي 12
كيف كدا مرره احترت !!

[][ NoOni ][]

هلا حبيبي
لاااا مررررة عآدي لا تأخرتي ولا شي
خدي رآحتك ^^"

بالنسبة للثقافة:
هوا دا شكلي حشتري الكتآب الجديد وأريح دماغي

يب يب الثقاافة طول عمرو مرررة سهل الحمد لله ومانزلتو أصلاً دا الترم إلا عشان أرفع معدلي بييه ^.*
الله يوفقنا ويفتح عليينااا

أنا والله مو شايلة هم قد ماني شايلة هم الاقتصاد الكلي والنظم دا ><"

بالنسبة للنظم والله ياقلبي أساساً لسا ماأشتريت الكتاب ولا أدري عن أي حاجة
بس أنا ماخدتو مع د.شيماء
وأظن الأسئلة موحدة =)

أنا لو عرفت أي شي حقولك وإنتي كمااان الله يسسعدك ..
حشوف أسألك من صحباتي اللي ماخدين معايا نظم وأردلك ان شاء الله

[ashwa8]

طيب مرره كويس الحمدلله
وامين يارب

وبالنسبه للنظم لا تشيلي همه لانه سهل يبغالو قرايه بفهم وبســــ
هوا الاقتصاد الجزئي الله يستر منه



خلااص إن شاء الله وانا كمان حسأل :)

[][ NoOni ][]

قصدي إقتصاد كلي*
:D

عارفة مع قوووة التركيز خخخخ

من جد الله يستر
انا الجزئي أخدتو

ودا الله يفكني منو على خير بس

أسمعي يسير خلينا نشوووفك
خلاص انتي سرتي صحبتي :p

صح ايش موادك دا الترم ..؟

[هدايه]

ياهوووووووووووووووووووو يانوبي وحشتيني ياقمر الحياه
والله نفسيتي تعبانه الكتاب اللي معايه مره كبييير
هذا غير انو مو زيكم تأليف هشام صالح كتوعه ايش اعمل دحين.....

[][ NoOni ][]

^
^
^

مو كفآية إنك معايا 24 س
كمان في المنتدى ورايا ههههههههههههه
وسلآمة نفسيتك يآقلبي
دحين شويا أفضى وأدق عليكي

إيش تسوي ؟
سوي شاهي ياحبيبتي خخخخخخخ

خلاص يوم التلوت لمن نروح أشتري الكتاب معايا
أهم شي انك بتزآكري من شي تاني :p

والله حزنتيييني ><"

[ashwa8]

هههههههههههههه من جد ما انتبهت
انا كمان شايله هم دا لسه ما جيت للكلي الله يستر

الله يوفقك ياقلبي واتشرف بصداقتك ياعسل
اكيد خلااص سرنا صاحبات :)

موادي حقت دا الترم ثقافه وعربي ونظم معلومات واقتصاد جزئي بس
المحاسبه حذفتها

[][ NoOni ][]

هههههههههههههه من جد ما انتبهت انا كمان شايله هم دا لسه ما جيت للكلي الله يستر

خخخخ لا لا تشكي في نفسك
أنا كنت كاتبة جزئي
وعدلتها لمن قلتي جزئي وانتبهت
انا اللي لخبطت مو انتي ^^

الله يوفقك ياقلبي واتشرف بصداقتك ياعسل اكيد خلااص سرنا صاحبات :)

ااامين واياااكي والجميع يارب
الشرف لنا ياسكرة =)

موادي حقت دا الترم ثقافه وعربي ونظم معلومات واقتصاد جزئي بس المحاسبه حذفتها

أهااااا وليش حزفتي المحاسبة ؟
محاسبة كم !!

يلا شدي حيييلك عاااااد
نبغا درجاات حلوة ترفع الراااس
>> قولي لنفسك خخخخ