تم سداد رسوم الجامعه والى الان لم ينزل الجدول

[جارة القمر2]

اجل يبالك تروح الجامعه تراجعهم

[al_otaibi_2009]

سلام عليكم

يا إخوان ويا أخوات بخصوص هالمواضيع لا تتعب نفسك وتتصل

ما عندك أحد وربي لتبطي لين تشيب رموشك ولا احد يرد عليك

لكن .. بخصوص اللي ما نزل له الجدول وعنده ايقونة الحذف والإضافة يحاول ينزل جدوله مع أي شخص آخر

لأنه ساعات يرفض المادة بسبب الأوقات لابد تغييرها .

ودليل ذلك .. زميلي سدد ولا نزل له الجدول وكلمهم بعد ما تنزلو له يردون عليه وقالو له اذا عندك الحذف والإضافه

نزل جدولك .


وبخصوص هالترم الأخطاء كثيره لا تعد ولاتحصى

أنا عن نفسي نزلو لي مادة ما لها مُتطلب وعطوني بنفس الوقت مادة لها متطلب ما خلصته

فأرسلت معاملة الكترونية وقالو لابد تصحح هالشيء هذا خطأء


فأتمنى من الجميع الإنتباه لهذه الأشياء

ولا تقولون هذا خطأهم وربي الخسران الأول والأخير الطالب لو ما انتبه لهذه الأمور


الله يوفقنا وياكم لكل خير

[wael88]

ياشباب والله كرهت الجامعه ,,, وش الحل سويت اضافه وحدف على كلام اخوي بس سويت حذف ماده وحده وهي عندي في الجدول من السنه التحضيرية وجدولي فضى وش الحل لوها قريبه الجامعه مصبح عندهم بس انا في الحوطه بني تميم تبعد فوق 1200 تقريبا وش الحل طفشت مره مره من الجامعه وتحسفت اني سجلت في الجامعه الى مايردون ولا يضبطو جدولي

[رقي الأحاسيس]

الله يسهلك دربك ويحقق لك مبتغاك

ياليت احد من الشباب يفزعلك ويراجع الجامعة ويعدلك الجدول

بكرة اخر فرصة

مالك معارف اصدقاء شي ؟؟؟