هل تغني الملخصات عن كتاب الاحصاء ؟!.

[احمـــــد]

والله ماادري
حتى انا درجتي مو حلوة اقل منك كمان
وانا مع اشرف بركات
وحاس اني فاهم وملخصه حلو بس للاسف ضيعت في الاختبار في القسم النظري
وشفت السلايدات مرة ماعجبتني
ومحتار صراحة من فين اذاكر

[Optimistic Girl]

ماتحس شي غريب

استاذ كبير زي سعيد الغامدي اكيد سلايداتو كانت شاملة للمحاضرات وملخصة درس بدرسو

بس يمكن ماكان شامل تمارين الكتاب اللي انا اعتبرها اهم شي فالكتاب وجا منها كثير

انا صراحة اخاف من السلايدات مثلا فالكيميا يادوبك اخذ الافكار الرئيسية من السلايديات وامسك الكتاب وافهم كل شي منه

نصيحة اوجهها لطلاب وطالبات التحضيري خلي الملخصات مجرد مرجع بسيط لتثبيت المعلومات

بس ترا حلو اذا انك ضمنت ال20 بس من سلايدات وملخصات لو كان عندك الكتاب كان ضمنت 6 درجات

ودرجتين انت نقصتها يطلعلك 28 تقريبا

بس ماعليك انت بس تشتري الكتاب وتذاكر منو باذن الله الدوري الجاي 29 او 30

كثير من الطلاب ضاعو في القسم النظري

الدوري الجاي كلوو مسائل

شدو حيلكم

بالتوفيق

[الأمير المدريدي]

انا بدون ملخصات ولا كتاب 29 وغلطت في سؤال كنت عارفه بس ربشة الاختبار

[Optimistic Girl]

^^ماشاء الله تبارك الله

[احمـــــد]

اللي يقولوا بدون ملخصات ولاكتاب
طيب من فين ذاكرتوا خلونا نستفيد

[ShiQ]

انا جبت 28 بدون الكتااب بس مسكت ملخص واحد وذاكرته مزبووط ولو كات مافي السوالين ذولاك اللي لخبطو كان جبت ال30 بس حمدلله

[دلــوعـة أمـهـا]

أنا من الناس إلي ماأقدر أستغنى عن الكتاب ذاكرات منو +ملخصات جمال السعدي أما بالنسبة لسعيد الغامدي مالقيت فيها فرق عن الكتاب بس هوا مختصرها ومرتبهاا فقط
والحمدلله درجتي بالنسبة لشعبتي حلوة 25.15 لانو كانت أعلى درجة عندنا 25.85
بس ناويه إن شااء الله داه الدوري أذاكر من الكتاب وأشرف بركات,,
وإنتو إيش رأيكم؟؟!!

[عاشقة علم النفس]

صراااااااااااااحه الاحصاء عاملي ازمه

مني عارفه كيف افهم الماده دي

مع اني في الدوري الاول اشتريت ملخصات لاشرف بركات
و ذاكررررت منها و حسيت اني فهمت

لكن علاامتي كانت نازله

اتوقع لاني ما ذاكرت غير قبل الاختبار بيوووم واحد

لكن صرااااااااحه ملخصاااات اشرف بركااات مررررررره حلوه

و بالتوفيق للجميع
و كل عام وانتم بخير

[Eng. Abdullah Saeed]

انا اللي سويتوا انوا حليت الهوموورك وانتبهت مع الدكتور وأكلتها على وجهي
جبت 25
لكن ان شاء الله بذاكر من الملخصات والكتاب

[RHF]

< تقول معاناتها مع الشعب

انا حضرت المحاضرات ، و كتبت كل كلمة الاوستازة تقولها ، زاكرت التمارين ، جبت اوستازة تشرحلي ، ملخصات سعيد الغامدي

و جبت 23 < تحطيم


في مسائل كنت عارفة طريقة الحل حقتها لكن ما زبطت معايا < لا تسألوني كيف كدا

لكن ممم انا اتزكر قبل الاختبار بكم ساعة راجعت نموزج دوري ماضي ،، لمن جا الاختبار سرت اقول ( يا ألله شوفت السؤال دا قبل شوية في النموزج )

< الاختبارات تشبه بعضها

خليني اقولكم شي بالنسبة للاحياء ( انا لخبطت في سؤال والله اعلم الباقي لكن كان كلو تيست بانك )

اما الكيميا /، يا سوبحان الله
جبت مدرسة كانت معايا اول باول
و فهمت امسلة الكتاب فهم مزززززززبووووط
وحليت البروبليمز
راجعت اختبار دوري اول ماضي
< ما عرفت احل في الاختبار الا تقريبن 5 اسئلة

طيب فين المشكلة ؟ ساعدوني بالله !!
يعني ال 5 اسئلة اللي حليتها كانت تشبه اسئلة في النموزج القديم
فاهميني ؟
يعني حسيت انو الاختبار مالو علاقة بأمسلة الكتاب
كان كلو يعتمد عالنموزج القديم بس انا اللي مافي راسي امكن ؟

< ايش المشكلة يا شعب ؟ !!

< دمعت