موقع الجامعه الـ ... وكليتنا الـ ...

[dre]

الخيال .. صح كلامك

[me 4 islam]

ليش الطالب كل ترم لازم يخمن متى راح تبدأ الحذف والاضافه ؟؟؟

:(

حلم حياتي انو يتحدد يوم وساعة للحذف والاضافة

حاجة تجيب المغص وربي

حتى الاداب برضو نفس حكاية الزحمة والطابور ع الحذف والاضافة

الله يعينا

ويدينا الجداول إللي نتمناها يااااارب

>>حمدلله مو بس انا بعاني الشعب كلو :(

[.,.نيــــــــــــــــــــران.,.]

حسسسسسسبي الله ونعم الوكيييييييييييييييييييييييل

وربي الواحد يتخرج بعد مانشششششششششششف ريقه وطلعت روحه ورجعت 10000000 مرة

الله يعيننا يارب

قال تشجيع على التعليم قال!!!

[عسل ورد]

المشاركة الأصلية كتبت بواسطة dre يعني ميزانية الجامعه ملايين ,, ونص الشعب عاطل. ايش فيها لو زادو الاجهزه وزودو الموظفين ؟؟؟؟

الميزانيه راحت في
المظلات اللي منثرينها كانها ورد
داخل الجامعه وخارجها >> بالنسبه للطالبات

جزاهم الله خير ماقصرو
هم ياطخو يا اكسر مخو
يا مافي ولا مظله يا الجامعه
في كل حته مظله
ماقصروا ماقصروا
يعطيهم العافيه
اهم شي المظلات

..............

[dre]

me4islam : اطمني مو انتي لوحدك .. كلنا في الهوا سوا
نيران : اشكرك على مرورك الكريم ... لكن الواحد ايش يقول
عسل ورد: لا تعليق على ردك..وشكرا على المشاركه

[*MISS CUTE*]

صدقت والله معاناة ...
يفتحوا الحذف والاضافة والشعب كلها فل وحمراء ...
وغير كذا مواد كثير فاتحين لها شعبتين او وحدة ...
فين يروحوا الطالبات مثلا ...
والله حالة من جد ...
الله يعين ..

[dre]

والله صح كلامك يا MISS
انواع اللخبطة والفوضى ,لا ترتيب ولا نظام


الله يخارجنا من الجامعه دي بس ونتخرج على خير

[Silent Hill]

عساك سالم بس.. والله غير كل ترم يغثونك..

يكرهونا بالجامعه ولا مدري ايش العله اصلا..

يعني بعرف انا الشعب يخلوها 40 وهما عارفين انها راح تزيد اكثر من كذا..

بدل الهم والغم الي بنعانيه في الطوابير..

حتى هم بيريحون انفسهم يخلونها من النت ..

الشعبه توصل 80 بالواسطه باي طريقه والله توصل..

هذا الكلام بكليتنا وهيا كلية الحاسبات ومتخلفين لحد الان يتعاملون بالورق بعض الاحيان..

وشكلو بس روتين تصريف للعالم..

[ساكنه في بيتنا]

احمد ربك يا دري ..

لو تدري انا ايش مسوين فيا حسبي الله عليهم

في البدايه لمن نزلو الخطه الجديده حذفو مواد سمستر كاااااااااامل تخيل !!

يعني تعب ترم كامل راح هبل لا وبعد دا كلو مو كل المواد اتعادلت ومواد قالو عادلوها زي الانقليزي المستوى التاني بس في الصيف لمن صحباتي اخدوا صيفي قالولهم لااااااازم تاخدوا الانقليزي


شوف الهبل اللي على اصولوا انت بس ليهم سنتين يقولوا اتعادلت وتحين يقولوا لازم تاخدوها .. اللي يسمع يقول هو دا المستوى في الانقليزي اللي لو اخدته حاكون بروفيسورة زماني في الانقلش


لا وكلو كوم لمن جيت اسوي جدولي .. تخيل ما في مواد انزلها غير مواد اخدتها او مواد المفروض اخدها السمستر الجاي ..

ربك يعين يا ولدي هانت كلها سنه ونص و اذا ربك ما ارد اتنين ونتخرج و نحكي اولادنا


بس انت قول ياااااااااااااارب ..

قال انهم نقصوا سنوات الدراسه في الخطه الجديده عندنا

المستجدين راح ياخدوها في 4 و دفعتي راح ناخدها في 4 ونص بس والله شكلي راح اخدها في 5 سنوات زي ما كاانت لاني كل شويه شايفه الوضع بيزيد حالوا و المواد بتطلع مدري من فين


ما اقول غير حسبي الله على جامعه ما ادري ليش فاتحينها

[ساكنه في بيتنا]

المشاركة الأصلية كتبت بواسطة عسل ورد الميزانيه راحت في المظلات اللي منثرينها كانها ورد داخل الجامعه وخارجها >> بالنسبه للطالبات جزاهم الله خير ماقصرو هم ياطخو يا اكسر مخو يا مافي ولا مظله يا الجامعه في كل حته مظله ماقصروا ماقصروا يعطيهم العافيه اهم شي المظلات ..............

اشبو عاد من عدل مظلاتهم ؟؟

اللي كلها فتحات و تدخل منها الشمس مدري ايش فايدتها