تحويييييل المقيمات

[فراشة جدة]

بسم الله الرحمن الرحيم

اليوم رحت على الجامعة تقريبا وصلت الساعة 8 ونص

المهم كانت العمادة مرررررره زحمة والاغلب كان جاي يسأل عن التحويل

المهم وقفت من الساعة 9 الى الساعة 10 في الطابور عشان اقاااابل ابتسام عبيد

صراحة معاملة مرره سيئة وكل اللي في العمادة الصراحة تعاملهم سيء مع البنات

مدري على ايش بيأخدوا الرواتب ماعلينا

المهم اثناء ماكنت واقفة بطابور استنى دوري زي زي اي بنت ماشاء الله الواسطات رايحة جاية

عيني عينك كده ولا كانو في بنات واقفين وربي في بنات اول ماجوا على طول دخلوا عند ابتسام

واحنا من اول واقفين ونستنى بس الواحد ايش يقول غير حسبي الله ونعم الوكيل

المهم واخيرا اجى دوري ودخلت والله العظيم ماكلفت نفسها ترفع راسها حتى وتكملني من خشمها

كاني جاية اشحت منها وربي الصراحة مرره قهرني اسلوبها ايش هاد الناس تحضرت وهم لسه

الحمد الله والشكر بس

سألتها عن تحويل المقيمات حتى لسه ماكملت جملتي على طول قالت لالالا

اقلها طيب واللي اجتهم رسالة برضه تقوول لالالا

تقولوا معلقة معها كلمة لالالا

قلتلها طيب انا قدمت معاملة تقلي خلص راجعيها من مكان ماقدمتيها

اقلها طيب ماجي بكره واقدم ورقي تقلي لالالا

صراحة مررره انقهرت ليه يعني عشان مو سعودية والله حرام

وانا نسبتي فوق المطلوب

المهم انا طلعت من عندها وانا خلااص مرره معصبة وحسيت الدنيا قفلت بوجهي

ماقول غير حسبي الله ونعم الوكيل

بعدها رحت عند الشبابيك قلت خليني اسئل مرح اخسر شي

قلتلها ان جتني رسالة واني مو سعودية قالت لي عادي تعالي بكره وجيبي ورقك

الصراحة استغربت وحدة تقول اه والتانية تقول لا

وبس وهاد اللي صار لي اليوم معلش طولت بالحكي بس والله من قهري

وانا بكره رح اروح تاني واقدم ورقي وان شاء الله خير

ادعولي ياجماعة