جدولي تمام ولا اعدله؟؟؟ الله يسعدكم ردو

[T@RIQ]

المشاركة الأصلية كتبت بواسطة لمعة الألماسة مرحبا اشكرلك مرورك ضحكتني بصراحه ع التحكيم بس بقلك انتبهو من يوم الاثنين وياريت من الحين تغير توقيعك وتحط فرقة الرعب الهلالية سعدت بمرورك لكن ماقلت رايك بالجدول احط اختياريه وحرة واحذف تحليل

اهلين لمعه .

التحكيم مايحتاج نتكلم فيه لانه ماركه مسجله باسم الهلال ،،، وفوق كذا فريقك المدلل اللي مايتسمى من الان يحاول يأجل المباراة ،،، عشان يهرب من الاتحاد كل هذا خوف من الاصفر ،،، وانتي تقوليلي اغير توقيعي . المشكلة اني خايف اذا ماتأجلت المباراة زي مايبغى ذاك النادي يروحوا يجيبولنا حكم اردني يحكم المباراة زي الاسيويه هههههههههه .
السلطه سلاح الضعفاء يا لمعه .

وبخصوص موادك قلتلك ماقدر افيدك فيها لاني مادرستها . وانتي اصلا حاسبتها وعارفه اش بتاخذي لكن مشكلتكي انك متردده وتتدلعي ،،، فنصيحتي لكي انك تبطلي التردد والدلع وتتوكلي على الله وان شاء الله تاخذي فيها كلها a+

لكن انا ممكن اساعدكي في التخطيط لهذي السنه ،،،
طيب حسب مافهمت انتي باقيلك 7 مواد وتبغي تاخذينها على ترمين ،،، افضل حل عندك الان انك تاخذي في الترم الاول اربعه مواد وفي الترم الثاني ثلاثه ،،، اقولك ليه ، الترم الاول اطول من الترم الثاني وبتكون فيه اجازات ،،، يعني معاكي وقت اكبر وهذا الوقت بيخفف عليكي ضغط المواد ،،، رغم اني اشوف 4 مواد في ترم واحد خفيفه ومافيها ضغط لكن انتي متخرجه عشان كذا ظروري تحافظي على معدلكي ان شاء الله ،،، عشان كذا اربعه في الاول تمام ،،، هذا من ناحيه .

من جهه اخرى ،،، بخصوص تقسيم المواد حسب الصعوبه ،،، والله المواد اللي تبغي تنزليها ماعندي فكره عنها ،،، لكن انتي اكيد عندك فكره عن كل ماده ،،، عشان كذا حاولي تعملي توازن بين مواد الترمين ولاتاخذي السهله بترم واحد ولا تاخذي الصعبه بالترم الثاني ،،، يعني وزعيها ،،، ولكن اذا كان فيه من ضمن المواد هذي ماده صعبه مره ،،، يفضل تاخذينها في ترم التخرج ،،، لسببين لان الترم الثاني بتكون فيه ثلاثه مواد مو اربعه زي الاول ،،، والسبب الثاني الطالب المتخرج له معامله خاصه زي ماانا شايف مع الطلاب ،،، المهم توضحي لمدرستكي انك طالبه متخرجه ،،، وان شاء الله راح تساعدكي باللي تقدر عليه .

هذا كل اللي اقدر اقوله لكي ،،، وان شاء الله تكوني استفدتي حاجه ،،، لاني حاولت انبهكي لبعض المواضيع اللي من الممكن تكون غايبه عن بالك ،،، واللي ابغاكي تحسبي حسابها ،،، والخلاصه
1 الترم الاول اطول من الترم الثاني . لذلك يفضل وضع عدد اكبر من الواد في الترم الاول .
2 توزيع المواد من حيث الصعوبه على الترمين بدقه .
3 اختيار الماده الاصعب وتاجيلها لترم التخرج .
4 المعامله الخاصه للطالبة في ترم التخرج .

وانتي وضميرك ياعسل ،،، وشوفي اللي يريحكي واعمليه ،،، وبالتوفيق لكي ولنا ،،، وان شاء الله نفرح بتخرجكي ،،، لكن لاتنسي تكتبي موضوع لما تتخرجي ان شاء الله عشان نباركلك .

تحياتي اخوكي طارق

[لمعة الألماسة]

تسلم اخوي طارق على النصايح
ربي يوفقك

وانا خلاص ان شاء الله اقتنعت بالي سويته بنزل حره مع 3 مواد التخصص <<< بس ربي يستر وتعدي السنة دي على خير واتخرج

واذا ع المباراة بديت اشك في الهلال بعد اخر مباراة بس كمان ماتقدرو ع الهلال


بالتوفيق