رحت الجامعة اليوم .. و غيرّت تخصصي .. و موعد الحذف و الاضافة يوم ............... !!

[Adel Al-Amoudi]

رحت اليوم الجامعة ع الساعة 10 الصباح , و رحت على مبنى 122 مركز ادارة الاعمال
الي تكون موجودة مقابل كلية الادارة و الاقتصاد , دخلت من الباب و لفيت يمين
لقيت مكتب مكتوب عليه مشرف الانتظام شي زي كذا و قلت له ان معدلي كذا و ان رتبت
الرغبات و حطيت اول شي محاسبة(خطّة جديدة) و الرغبة الثانية محاسبة - عام

لكن نزلوولي محاسبة - عام

و قلتلو انه عميد كلية الادارة و الاقتصاد قال لازم الجديدة للطلاب الجُدد قلّي المسؤول
صحيح فيه خطأ و شيك على الجهاز الي قدامه (كان معاه اوراق و يسجل)

قال فعلاً حاطينك محاسبة - عام و قاعد يتكلم مع الي كان معاه , ع اساس انه المفروض
يشيلوها و قالوا بـ يشيلوها و ما شالوها !! ..

بعدين قلّي روح عند الشباب هُناك , و خذ منهم ورقة , الي هيا دامني اداري و انساني
اعبي ورقة بـ ترتيب الرغبات حق تخصصات العلمي و بعدين وقعت على اني مقرّر ادرس يا فيزياء يا كيمياء ..

و رجعت لـ نفس المكتب الاولاني و اعطيته هيا , بس اخذها مني و قلي خلاص عدلتك هيا ..
رجعت البيت هنا و تعدلّت فعلاً لمن دخلت ع الأوديس و شيّكت ع المعلومات العامة حقتي ..

أثناء ما كُنت هناك سمعت شباب جايبين خبر من نفس هذا المُشرّف بأنّ الحذف و الاضافة
راح ينفتح يا الاثنين يا الثلاثاء (بكرا أو بعده) .. و لمن رحت الغرفة الثانية كان في شعب

طالبين تحويل و عبوا ورقة و مدري ايش ! ..


ما كان في زحمة هناك , بس الزحمة كانت خارج الجامعة - من بوابة المستشفى - ..


بس هذا الي حصل