خاص بطلاب وطالبات السنه التحضيريه دفعه 11

[دانا2010]

انشاءالله ياسوسو تكوني في التخصص اللي تتمنى بس حابه أعرف منك استفدتي أكثر لما حضرتي الدوره أو عن طريق السنترا والكتب متى أخذتيها قبل الدوره أو بعد ومشكورررررررره

[القصير]

بصراحه يااخت دانا انا في نظري السنترا افضل اقلك ليش في الترم الاول لما كنت احضر كانو البنات يدخلوا ويطلعوا كل شوي وربي مرة قلق محد يكلمهم ولا شي ماتعرفي تركزي اما السنترا انت في بيتك ولا احد يدخل ولا يطلع وتقدري تسالي بالشات او بالمكرفون ادا حابه
كلها مفيده بس انا في نظري السنترا اريح
وادا عندك اسئله انا حاضره

[القصير]

بالنسبه للكتب الترم الاول انا كنت احضر والدورة كانت بداية الترم واشتريت الكتب لما بدات الدوره وقالولنا الاستادات اش نشتري وكان عندي وقت اداكر اما الترم الثاني تاخرت الدورة واضطريت ااني استنى الدورة عشان اشتري الكتب بس والله الوقت كان مرة ضيق لان الدورة كانت نهاية الترم وقلت ياليتني اشتريت الكتب من قبل الدورة وداكرت انا رايي ادا دورتك بتتاخر روحي الجامعه واسالي الاستادات عن الكتب وداكري من قبل الدورة افضل
وعندي لك راي ثاني ادا تعرفي وحده عندها كتب يعني درست العام خديها وداكري منها ولما يجي موعد الدورة شوفي الاستادات اش يقولوا ادا نفس الكتب خلاص لاتشتري وادا مونفسها اشتري بس غالبا ترى الكتب نفسها ماتتغير بس الفرق في الطبعات وشوية تعديل فيها بس

[دانا2010]

الله يسعد قلبك ياسوسو والله ريحتيني كثير مره كنت شايله هم بزودها معكي وبسئلك كنت تذاكري من الكتب أو ملخصات والاساتذه كانو متعاونين أو لا وياعسسسسسسسسسل لاتروحي بعيد ترا اسئلتي كثير متنعطي وجه

[جود انتساب]

حبيبي سوسو

في حاجه انا حابه اصححها للصبايا
على لبس البنطلوون

عادي الوحده اذا كانت تحضيري تلبس بنطلوون وتقعد بالعبايه
وحتى في الاختبارات ماتذكر اني روحت ببنطلوون
عادي نفصخ العبايه
بس مايقولون شي
واذا طلعنا من الاختبار نرجع نلبسها

موفقين يارب


وياريت ياسوسو اللي يعرف يعلمك كيف نغيييري الجنس

لانو ياحياتي انا انفجعت من موضوعك ف الدراسات
ودوبني شوفت موضوعك ذا وطليت تحت القصير
ولقيت سوسو

[القصير]

بصراحه يااخت دانا استادات السنترا كانوا جدااااا متعاونات اكتر من الاستادات الترم الاول انا اشتريت كتب وملخصات بس الاستادات قالوا لاتعتمدوا على الملخصات اول داكروا الكتب وختموها وراجعوا من الملخصات بس انا مامداني افتح الملخصات يادووووووووب ختمت الكتب بس استفدت من الملخصات من ننمادج اسئلة اختبار بس

[القصير]

ايوة صح الانجلش داكرته من الملخصات لانها اسهل من الكتاب وداكرت شويه من الكتاب
انا موجوده اسالي انا في الخدمه

[القصير]

مشكورة يااخت جود بس انا مرة حضرت اختبار ماده وحده كانت لابسه بنطلون وبهدلوها مسكينه وبصراحه هم مرات يحاسبون ومرات يطنشوا

[arojh]

اهليييييين مووضوعك نايسس ممكن تدخلي من الاعدادات الشخصيه وتغيري الجنسس

طيب انا ابغا اسالك عادي ادوام كل يوم مع بنات الانتظام واحضر معاهم

[تفآآحتين ||~]

4-بقلكم شي صار معي وتعبت كتير منه وماابغاكم تعانوا منه زيي انا لما جيت اتخصص طبعا من الاودس نزلي ثلاث اقسام بس وحسبت انه التخصصات كلها فل مابقي غير هدي الثلاثه واخترت تخصص ماابغاه بعد كم يوم نزلت كل التخصصات وندمت اني اخترت واستعجلت لان اللي يختار مايقدر يغير الابعد تعب شدييييييييييييييييييييييد
^^
هآلنقطه بليز وضحيهآ
لآني خآيفه آتورط بتخصص مآآبغآه
آلله يسسعدك وضحي آكثر وشسمه بعد علم آلنفس له معدل معين ؟؟
وآلتخصآت كلهآ لهآ معدل معين ؟؟
وربي يوفقك ويسعدك جد مآقصرتي لآننآ محتآجين هالمعلومآت