معآنآآآآآآآآتي في الإنجليزي ... :(

[يسوم طالبة عنجليزي]

صحيح نقطه مهمه وانا تبعها في القواميس واحب الورقي اكثرر ..لان الورقي راح يخليك تمر على كلمات كثيره منها الي تعرفها ومنها جديده وتشدك انك تعرف معناها..

[FعهودF]

المشاركة الأصلية كتبت بواسطة mr. Johnny الانجلش مرااا سهل

مشالله ,, وإن شالله يكون بالنسبة لي سهل زي ماتشوفه ..

المشاركة الأصلية كتبت بواسطة يسوم طالبة عنجليزي صحيح نقطه مهمه وانا تبعها في القواميس واحب الورقي اكثرر ..لان الورقي راح يخليك تمر على كلمات كثيره منها الي تعرفها ومنها جديده وتشدك انك تعرف معناها..

الله يوفقكي حبيبتي على نصايحك ,,,
جمعت لي كلمات مترجمة جديدة من النت وطبعتها ..
وإذا فضيت أحفظ منها على حسب جهدي ..
ويارب تيسيرك,,

[دلع واسلوبها ولع]

رح اقلك شي قالتي لي ميس سحر باول ترم لي Think In English
يعني عشان تحسني لغتك و تصيري بلبل استعملي اللغه بكل شي حتى لمن تفكري فكري بالانقليش
انا كنت اكتب مذكراتي بالانقليش مو بالضروره تكتبي قصه حياتك
خديلك دفتر و كل ماتلاقي و قت فراغ اكتبي اللي برأسك ,أفكارك, احلامك او اللي صار معك باليوم حتى لو عبارات سمعتيها و اعجبتك حتى لو من الافلام
و نقطه تانيه حاولي تتكلمي انجليزي مع اللي حوليك
و أهم نقطه القراءه لانو القراءه تعرفك ع فوكابلري جديده مو بالضروره روايات حتى لو مقالات او شورت ستوري و ياكثرها المواقع واذا تبين ارسلك المواقع اللي كنت ادخل عليها

&

Last but not least Be Fearless

[كلي امل بالله]

ماودي ابدا ازيد على هالنصايح

صراحه انا دخلت عشان اساعدك والردود خلتني استفيييييييييد جدا واسكت

مشكووووووور اخويgke صراحه كلام من ذهب

وفيه بعد شي مهم اذا تبغي تتكلمي بلبل -- اسمعي.. اسمعي..اسمعي.. حاولي تحملي صوتيات بالانجليزي حطيها بالام بي- او بالجوال وخليها باذنك وحاولي ترددي معاه-- خليه ع الاقل ساعتين باليوم-- نصيحه نصيحه نصيحه وانا مجربه
وبالتوفيييييييق ياعسل

[FعهودF]

المشاركة الأصلية كتبت بواسطة دلع واسلوبها ولع رح اقلك شي قالتي لي ميس سحر باول ترم لي think in english يعني عشان تحسني لغتك و تصيري بلبل استعملي اللغه بكل شي حتى لمن تفكري فكري بالانقليش انا كنت اكتب مذكراتي بالانقليش مو بالضروره تكتبي قصه حياتك خديلك دفتر و كل ماتلاقي و قت فراغ اكتبي اللي برأسك ,أفكارك, احلامك او اللي صار معك باليوم حتى لو عبارات سمعتيها و اعجبتك حتى لو من الافلام و نقطه تانيه حاولي تتكلمي انجليزي مع اللي حوليك و أهم نقطه القراءه لانو القراءه تعرفك ع فوكابلري جديده مو بالضروره روايات حتى لو مقالات او شورت ستوري و ياكثرها المواقع واذا تبين ارسلك المواقع اللي كنت ادخل عليها & last but not least be fearless

عجبتني فكرة أكتب مذكراتي بالانجليزي ,,
إن شالله راح أسوي هالطريقة ,,
اتوقع انها بتفيدني كثير ,,

بس بالنسبة للاخطاء في القرامر ... كيف اعالجها .؟

ان شالله على قول أختنا راح يتعود نظري على الجمل الصحيحة مع القراءة ,,

وياليت ترسلين لنا الروابط اللي قلتي عليها ,, وبإذن الله تساعدني ,,,
الله يسعدكم وين ماكنتم ..

المشاركة الأصلية كتبت بواسطة كلي امل بالله ماودي ابدا ازيد على هالنصايح صراحه انا دخلت عشان اساعدك والردود خلتني استفيييييييييد جدا واسكت مشكووووووور اخويgke صراحه كلام من ذهب وفيه بعد شي مهم اذا تبغي تتكلمي بلبل -- اسمعي.. اسمعي..اسمعي.. حاولي تحملي صوتيات بالانجليزي حطيها بالام بي- او بالجوال وخليها باذنك وحاولي ترددي معاه-- خليه ع الاقل ساعتين باليوم-- نصيحه نصيحه نصيحه وانا مجربه وبالتوفيييييييق ياعسل

مشكوووووووورة حبيبتي ..

تكفيني دعواتكم ..

[الصريحه]

الله يوفقنا جميع. ,,نصائح من ذهب.,,
وانا بعطيك هذا الموضوع من عندنا في المنتدى .,,
اقرأي قصه قصتين وابدأي من الصغار الصراحه مرره بسيطه
بس اعتبريها زي التسخين خخخخ

http://www.skaau.com/vb/showthread.php?t=226788

[شاهندة]

جزاكم لله خير على كل معلومة كتبتوها من القلب بصراحة استفدت اساليب جديدة وازددت اقتناعا باساليب معروفة.
اضف على كلامكم..كتابة قطع مواضيع انقلش يعني زي ماكنا نسوي ايام الابتدائي في المطالعة او مادة القراءة اختاري مواضيع متشعبة او مواضيع في مجال تحبيه واكتبي كل يوم او من يوم ليوم جزء من الموضوع او الموضوع كاملا على حسب قدرتك ووقتك وراح تلاقي نتيجه طيبة ان شالله انا اسوي كذا بس مش دايم وكمان ماكون مركزه مجرد اني اشغل وقتي ومع الوقت حسيت اني اتغيرت الى حد ما يعني كتابتي الاملائية.. الكلمات.. اساليب تعبيرية او جمل جديدة..يعني حسيت اني سرت اكثر تمكننا ^_^ ولسع مازلت باول الطريق ومع الوقت ان شالله I gonna be very perfect

[رغد محمد]

وعليكم السلام ورحمة الله وبركاته ...

ماشاء الله تبارك الله الأخوان والأخوات ماقصروا معاكِ وقالوا أشياء كانت جديدة علي واستفدت منها والله ..

شوفي ياقلبي ...

علشان تحسني نفسك ِ لازم إنتِ أولاً في داخلكِ تبين تتغيرين وهذا الشي إنتِ سويته وكلنا شهدناه والدليل إنك كاتبه الموضوع رغبة في التغيير ...

أنا أتفق مع G!keفي كل كلمة كتبها ..
وحابة أقولك طريقة أنا أسويها وتحسنت لغتي فيها كثير مع إني إلى الآن مابدأت المستوى الثالث ..وش هي الطريقة ..؟؟

إنكِ تسمعي أناشيد أو أغاني باللغة الإنجليزية ..ما أقولك ِ الراب والحركات هذه لأني ما أحبها لكن أنا أسمع لسامي يوسف .. ماهر زين .. ترى كلماتهم عن الإسلام والدين والرسول وأشياء كثيرة ..والأهم من هذا كله لكنتهم جميلة جدًا ولغتهم رائعة وأنا تحسنت كثير لما سمعتهم .._والله في البداية أجلس أسمعها وتقريبا حوالي 20 مرة ولا افهم منها إلا 16 كلمة بس بعدين مع المحاولة أكثر من مرة راح تفهمي الكلمات كلها_ ...

وأنا بصراحة أمارس التفكير باللغة الإنجليزية كثير ولي ألحين سنتين وأنا امارسها وبكل امانة تفاجأت لما قرأت رد دلع وأسلوبها ولع لأني ظننت أني مجنونة واني الوحيدة التي تمارس هذه الطريقة للتعلم والحمد لله ان طريقتي سليمة ..والأهم أني مو مجنونة ...أنصحك تمارسينها جدًا جميلة ورائعة والله ..

وأكيد النصائح التي قدمها الأخوان والأخوات انصحك تمارسينها مع الكتابة المستمرة والاستماع الدائم للغة ...لأني أنا أمارسها كمان والحمد لله التقدم ملحوظ ولله الحمد ...
أتمنى تزورينا في موضوع Con إلي هو التشات علشان تستفيدي أكثر والله يوفقكِ ياعسسسسسسسسسل ..وتتخرجي وإنتِ بلبلة عنجليزي ياااااااااااااارب العالمين ...
تقبلي مروري ...

رغوووووودة ..

[so0o so0o]

ماشاءالله عليكم ياأخوات و ياأخوان ..
حمستوني وشجعتوني أكثررررر أنا كمان اللغة عندي ضعيفة خصوصا المحادثة والكتابة
مررة استفدت من تجاربكم حبايبي وان شاءالله راح اتبعها كلها
وربي يوفق الجمييع يااارب

[MS.Fabulous]

ماشاء الله الاعضاء ماقصروا
وانا كمان استفدت الله يعطيكم العافيه
وزي ماقالت رغد على الاناشيد انا اسمع لماهر زين وسامي يوسف واستفدت كثير
حتى الافلام تساعد بس بدون ترجمه والقراءه القراءه مهمه عشان تتعرفي على كلمات جديده
موفقه ان شاء الله