سكن طالبات الدراسات العليا

[العصماااااء]

الله يكون بعونك أختي


نفس معاناتي بالضبط أخت رامية السنة اللي فاتت مع سكن الجامعة

اضطريت آخذ سكن خاص و الحمد لله مرتاحة

أخذت أول المقري مو طيب بالمرة

بعدين أخذت في ريمية و ارتحت فيه و الحمد لله هذي السنة فتحت فرع جديد جنب الجامعة

اسمه البتول , اتصلي عليها حتى لو قالت لك ما فيه إلا في ريميه أشوف توافقين أفضل

و بعد المسافة تتعودين عليه عادي أهم شيء تكوني مرتاحة نفسيا و قوليلها أول ما تفضى غرفة

بالبتول تحجزها لك .

شوفي ترى سكن الجامعة العام مريت عليهم مرتين بالاجازة و هي تقول لي نحطك احتياط

و بعد ما بدت الدراسة و أخذت سكن خاص و دفعت حق شهر بسكن خاص سمعت من البنات انهم

حصلوا بالسكن الجامعي و دخلوا و شافوا الغرف بس شروط السكن ما انطبقت عليهم فاتصلت عليها

و أعطتني مهلة يوم واحد لو أبغى أجيها و ما قدرت أجيها أهلي راحوا

يعني لازم انتي كل شوي و تتصلي عليهم على تحويلة سالمة البور

و بالتوفيق و لو تبغي خاص يسير نتقابل

[رامية]

الله يرضا عليك ويوفقك يا أختي
أكيد طبعا سكن الجامعة أفضل في جميع الأحوال
لكن إذا ضاقت الحيلة أكيد إني أحتاج سكن خاص
وعلى قولتك درة المقري ما أحد يمدح فيه أبدا
وسكن البتول قرأت عنه تمام شكله وكمان سكن ريمية
طيب أحاول بكرة التلاتاء أتصل على سكن الجامعة وعلى سكن البتول الي قريب من الجامعة
وفي كلتا الحالتين ما عندي فرصة أنتظر أبدا من يوم السبت حيبدأ الدوام ولا بد أستقر وأرتب
أغراضي ربي ييسرها وأنتي دحين في اي سكن في البتول ولا ريمية ولا الجامعة

[العصماااااء]

كنت بسكن ريميه و إن شاء الله من هذي السنة أكون بالبتول


و ترى البتول فرع من ريميه .

[رامية]

يا مرحبا أختي وجزاك الله خير
أنا اليوم أتصلت على سكن البتول وردت عليه الموظفة وقالتلي السكن مليان
وقلتلها إني جدا محتاجة ولو فيه فراغ تتصل عليه لأن الدراسة خلاص من الأسبوع الجاي
راحت قالتلي وينك من أول قلتلها على أساس سكن الجامعة ولسى ما جاني خبر من سكن الجامعة
وأنا دحين مدري وش أسوي هذي أول سنة ليه ولابد بإذن الاقي مكان بس بصراحة قلبي ما أرتاح
إلا لسكن البتول بذات إنه جنب الجامعة والله ظروفي صعبة
طيب إذا كنتي أخدة غرفة لوحدك ممكن تستضيفيني وناخد غرفة مزدوجة ويكون الإجار أخف
وإذا ما فيه أمكانية الله يعوضني ويكتبلي الخير حيث كان

[رامية]

يا أختي موافقة على عرضي
ردي عليه عشان الوقت يداهمني
بإذن الله احصل على سكن الجامعة بس دحين
لابد لي من الخاص
وش قلتي

[saab30]

السلام عليكم
فيه كمان الرحاب بشارع باخشب قريب من الجامعة بس مااعرف تفاصيل عنه أسألي امكن احد يفيدك عنه
الله يوفقكم وييسر لكم الخير حيث كان

[رامية]

كلمت الرحاب يا أختي ما فيه مشكلة المحتاج يصبر لكن قلبي ما أرتاح إلا للبتول
والرحاب لما سألتهم عن النظافة قالت تعالي وشوفي وحسيت إنه مش مرة والسعر غالي مع
العلم إن البتول في الشهر 1600 وخدمات كتير والرحاب 1500 في الشهر والخدمات مش قد كدى
على ما يبدو
لكن الخيرة فيما أختارها الله

[رامية]

وعند الله لا تضيع الأماني
تصدقوا حتى السكنات الخاصة التانية ما أحد يرد عليه لما أتصل
يارب فرج همي ونفس كربي
مدري بأي نفس أسوي جدولي

[مس أسيتون]

الله يفرج كربتك وتلاقي السكن المناسب لك . تصدقي قبل شوية دخلت على موضوعك ولقيته بالصفحة الثانية ابشوف ايش سويتي ... والحين دخلت مره ثانية انا اقولك زي ماقالت اختي العصماء تسكني في الريمية لحد لما اوضاعك تتعدل وفي نفس الوقت تحجزي عند البتول والله يفرج كربتك اللهم آمين

[رامية]

جزاك الله خير الريميه زحمة وما فيه مكان
وسجلت في البتول ونفس الشي
أقولك على شي خلاص أحس إني بكدى حأجل الدراسة التي تعبت سنين عشانها ؟