بعد طول الانتظار يقولوا مافي تحويل للتعليم عن بعد ..!!!! حسبي الله ونعم الوكيل

[B.M.S]

طيب ممكن أعرف ايش اسم مديرة التعليم عن بعد و فين مكتبها بالزبط ؟

مديرة التعليم عن بعد !! مالها دخل في التحويل

عمادة القبول و التسجيل هما الي ينزلوا كل شي يخص التحويل ..

ما اعرف ايش اسم المديرة حق العمادة بس هيا في مبنى القبول و التسجيل غرفة رقم 7

يابنات التحويل للأنتظام بس للأنتساب هذا اللي اعرفه يعن يلسه مانزل قرار انه التعليم عن بعد يقدروا يحولو انتظام وهذا الكلام سمعته من موضفه بالجامع

لا ياقلبي اصلا التعليم عن بعد في االجامعه مايتصنف في هذي الامور و يندرج تحت مسمى الانتساب
وبعدين انا عندي 3 من قريباتي كلهم درسوا اول سنه تعليم عن بعد وكل و حده في عام 2007 و 2008 و 2009 و حولوا انتظام ..!!
ونفس الشي مع صحباتي اختي العام الماضي

عادي هوا التحويل اصلا موجود بس شكلهم ناوين يحرقون اعصابنا ولا يمقلبونا و لا يوقفوا قلوبنا بالاصح ..!!!

لاحول ولا قوة إلا بالله ..

مرحبا .. اول شي كل واحد يتذكر انه كانت فيه الايقونه ف الاديوس- لـ طلاب التعليم عن بعد - الترم اللي راح .. ( يعني من الاساس التحويل موجود مو شي جديد) في حاجه كلنا عارفينها.. معروف الترتيب ف الجامعه .. اول شي الانتظام بعدين الانتساب بعدين التعليم عن بعد ف كل شي .. ( تتذكرو التخصصات التعليم عن بعد اخر ناس اتسكنت والنتايج والتخصصات ) وقيس على كده كل الاشياء والطالبه اللي راحت للعماده الموظفه اللي كلمتها رمت الكلام لها رمي .. مافي شي رسمي ماشافت ورقه او شي .. يعني نفس ( طلاب الانتساب) اللي رحاو للعماده وقالو لهم ان التحويل بعد الترم الثالث وانواع الاشاعات حتى الدكتور الراااقي د/ مشاط نزل موضوع وتعب حاله ليين ما اقنعهم ان التحويل نفس المواعيد وبعد التحضيري ... وكلامه طلع صح ( بديهي ) ونزلت الايقونه الصبر ومع الوقت كل شي يبااان هي مساله وقت فقط ان شاء الله .. واتمنى لكم التوفيق يارب

كلامك صح انو هوا المفروض يكون في تحويل من الاساس

بس انا مارحت لموظفه رحت لنفس المديرة حق العماده و عدت عليها كلامي 4 مرات

بعدين قالتلي انتي تبغي تحولي من ايش قلتلها من تعليم عن بعد لانتظام ..

قالتلي لا ياحبيبتي ماجانا امر اصلا نفتح للتعليم عن بعد قالتي يعني بالصريح ( مافي )

و بعدين قالت كم معدلك قلتلها هوا بعدين قالتلي طيب تعاليلنا بعد العيد و نشوف !!!!

الدوام حيبدأ 9 و النتائج حتبدأ تطلع من يوم 10 و الايقونه حتنسحب يوم 16 !!!!!

يعني مني فاهمه كانها بتسكتني !!! و اصلا حتى لو انفتح بعد يوم 10 حنترمي في اي مكان فاضي

ونحنا معدلتنا عاليه !!! بس حتطلع نتايجنا بعد الي قدموا اول و طلعت نتائجهم !!!

هذي مو اشاعه بعدين لو مو صح كلامي كان ردوا علينا في المعاملات الإلكترونيه و لا د. مشاط رد على استفسارتنا

هما يماطلونا لين يضيع الوقت و يقولوا راح علينا .. ياماما دي الجامعه ما ادري كيف بيديروها !!!!

يعني لا مستوى منهجي كويس بيقدموه و كمان فوق كذا يعجزونا قد مايقدروا !!!!!!!!!!!

ما ادري ايش اقول وربي انا من جد اتمنى تكون إشاعه بس الوقع غير كذا :"( حسبي الله ونعم الوكيل

[Just SAM]

لو تركزي ف كلامك وتقريه تاني .. تعرفي انو ما عندها صلاحيات كل شويا تقولك شي - مافي تحويل ,, تعالي بعد العيد وع ده الموال-.. اصلا اول ما تسمعيها قلت ليكي تعالي بعدين (افهميها انها تستنى التعليمات) من قسم الطلاب كـ العاده ..
الشي الوحيد اللي تشيلي هم فيه .. ( الحذف والاضافه فقط ) موضوع الشعب ..
كل المعاملات التانيه زيك زي الانتساب .. يعني الوقت كلكم نفس الفرز ( من 21 – 10 ) .. سويتي تحويلك اليوم ولا اخر يوم .. المفاضله تكون في المعدل فقط < يعني لو كانت فيه مفاضله ..
شغله وقت التحويل ماتفرق ما تنحسب لا تقلقي .
انا ارد عليك عشان تتطمني ولا تفتكري انتي لوحدك اللي تبغى التحويل كثيرر زييك ..
واتمنى ليكي التوفيق يارب ..

[B.M.S]

يارب يكون صح ..

المهم انا اصلا ارسلت قصه للـ د.عبدالفتاح مشاط وانتظر رده

وان شاء الله خير اكثروا من الدعاء و ان شاء الله نحول ^___^

[لصمتي كلاام]

وربي من جد شي يقهررررر

حسبي اللهـ عليهم بس

من جد لما تروحي لهم تتحطمي لان كل شويآ وحدهـ تطلع كلآم

بس مآعليه مع نفسسهم

آن شآء آللهـ ربي بيفرجهآ علينآ ونحول يآآآآآآآآآآآآآآآرب

وياليت تقولي لنآ رد الدكتووور

وآن شآء آللهـ نطلع بنتيجهـ يآرب

ومشكووور خيو just sam

عن جد كلاآمكـ يطمن ويريح وصصووح مية ميةه

وآن شآء آللهـ ربي يسمع منكـ

يعطيكم آلعآفيهـ ومآتقصرووو

بآلتووفيق للجميع ~

[كرهت دنيتي]

حتى انا بحول ومانزلت لي :( :(
وصاحبتي انتساب نزلت لها
والنهايه ؟
انا لو ماحولت انتظام ماحكمل دراسه الله يعيننا يارب

[B.M.S]

لقد حل موضوع التحويل للتعليم عن بعد هنا http://www.skaau.com/vb/showthread.php?t=244643