جميــع المسجلين ترم صيفي حياكم هنا

[فهد العنزان]

على حسب جهة عملك ومدى تعاونها مع الموظف

لأن بجهه العمل لدينا يوجد نموذج يتم أرفاق جدول الاختبارات ومن ضمن الأختيارات بنموذج (الإلكتروني خيار ترم صيفي )

وتم الاتصال قبل قليل والتساؤل لــ إدارة شؤون الموظفين لدينا بجهة العمل وقد أخبرنا الموظف لا مانع نظام من ذلك إذا تم إرفاق ما يثبت ذلك من قبل الموظف ولدى الموظف موافقه على

الدراسة من قبل رئيسه المباشر وإدارة شؤون الموظفين .

لا مانع يتم ذلك

للاحاطة

[د/كيف]

الظــاهر اني باخذ اذن يومين وبروح لجدهـ

ومن هناك اقولهم عندي اختبارات

واجيبلهم الافادهـ

واخليهم امام الأمــر الواقع

بصراحه ماعندي استعداد اضيع 9 ساعات

عشان غباء الادارهـ وربما حقدهم استغفر الله !!

اللهم اني صائم


:::::



كل الشكر لمن شرفوا متصفحي

لاخلا ولاعدم

[albader]

المشاركة الأصلية كتبت بواسطة رسمي اذا ما اعطاك المدير اجازة اختبار وانت موظف حكومي وعندك رصيد ورفض بعد يعطيك من رصيدك للاجازة الاعتيادية .. تغيب طال عمرك لمدة 10 بس وانتبه ترى اليوم 11 نظاماً يرفع فيك غياب عشان الفصل 15 يوم .. المهم وباليوم الــ 11 تداوم وتقدم له طلب اجازة اعتيادية لمدة 10 ايام وترفق لك اثبات انك غايب عشان كنت تختبر ونظاماً بتحسب لك كإجازة اعتيادية من رصيدك يعني مو غياب وهنا انت اخذت اجازة بالقوة ومن رصيدك

هههههههههههه بتخرب الرجال انت خخخخخخخخخخخخخخ

هذا ياطويل العمر مرة من المرارير قدر الله علينا وجابو لنا مدير غثة يحاسبك على اي شي .. بعدها صرنا نستخدم هالاسلوب معاه لين قبعت وشاتوه ...
المشكله ياخوك ان اجازة الاختبار مربوطه باجازة العيد يعني يعبتروووه فترة الاسبوع لين مايجي بعد العيد وهو غياب وياكلها الرجال خخخخخخخ الله يستر .؟

ياخوك تبي الحال اطلع اجازة اوك وبعدها سوي خطاب ومعاه الجدول وارسله رسمي فاكس ..وبكيفهم .؟ الله يسهل لك ..

[د/كيف]

8
8

الظاهر انه خاربه خاربه يالبدر :)


شرفتنا واسعدتنا بمروورك

[bo0odi]

أنا بصراحة استحيت اقولهم عندي صيفي ..

خاصة ان رئيسي وزملائي ما يقصرون معي في المرات السابقة ..

لذلك قدمت اجازة من بداية رمضان الى بعد العيد , طبعاً أتكلم عن وضعي ..

وموضوعك يعتمد على رئيسك المباشر وبس لأن الصيفي ماهو مشمول فالنظام ..


وبالتوفيق للجميع ..

[bo0odi]

تعقيب ..

أعتقد انه ماهو مشمول بالنظام ..

ونصيحة الأخ رسمي حاول تتجنبها الا اذا أنت نظامي وشغلك ما تخرش الميّة

لأن الرجاجيل راح يدورون عليك الزلة وما راح يخلونها لك ..

والنظام راح ينقلب عليك وقتها ..


والله يوفق الجميع

[الناصر88]

المشاركة الأصلية كتبت بواسطة د/كيف كل عامـ وانتمـ بخيــر مثلكم عارفين الدوامات الحكوميه وغيــرها أيضا" تعطينا اجازه رسميــه في الاختبارات في التـــرمـ الأول وفي الترمـ الثاني لكن: هل في التــرم الصيفي لنا حق باجازهـ رسميه ايضا" أم لا ؟؟؟ اجازه رسميه المقصود هنا فترة الاختبارات لأني أعـــاني من هالمشكله وفي دوامي غيــر متفهمين موضوع التــرم الصيفي نهائيا" !! وأكيــد فيه ناس نفس طريقتـــي ياليــت أحد يفيدنا والا يجيب لنا دليل نستند عليــــه أو طريقه أو هل الافــاده اللي ناخذها بالاترام العاديه نقدر ناخذها بالترم الصيفي !! وووفقكمـ الله وفالـــــــكم النجاح بأذن اللــه

يا الغالي
أولاً يجب عليك معرفة هل المصلحة أو الدائرة الحكومية التي تعمل بها ينطبق عليها نظام العمل والعمال أم لا !!؟ الإجابة مهمة جداً !!!
في حالة الإجابة بنعم
فإن المادة (115) من نظام العمل الصادر بالمرسوم الملكي رقـم (م/51) وتاريخ 23/8/1426هـ تعطيك الحق في الإجازة بغض النظر هل الإختبارات في الفصول المعتاده أو الفصول الصيفية حيث أن نص المادة هو :
(للعامل المنتسب إلى مؤسسة تعليمية الحق في إجازة بأجر كامل لتأدية الإمتحان عن سنة غير معادة تحدد مدتها بعدد أيام الإمتحان الفعلية ، أما إذا كان الإمتحان عن سنة معادة فيكون للعامل الحق في إجازة دون أجر لأداء الإمتحان ، ولصاحب العمل أن يطلب من العامل تقديم الوثائق المؤيدة لطلب الإجازة وكذلك ما يدل على أدائه الإمتحان ، وعلى العامل أن يتقدم بطلب الإجازة قبل موعدها بخمسة عشر يوماً على الأقل ، ويحرم العامل من أجر هذه الإجازة إذا ثبت أنه لم يؤد الإمتحان مع عدم الإخلال بالمساءلة التأديبية).

يتضح من هذه المادة أنها لم تحدد الفصول الدراسية بل جعلتها بشكل عام بشرط إحضار ما يثبت أداء الموظف للإمتحان أو الإختبار.

أتمنى أن أكون وفقت في توضيح الصورة لك وللإخوة الكرام

محبكم

[د/كيف]

.
.

بيض الله وجيهــكم وماقصرتوا

وفالكم الـ نجاح باذن الله

//

لاخـــلا ولاعـــدم

[النمر الليلي]

اعتقد والله انها حق مكتسب
واذا ماعطاك مديرك فية ادارة اعلى من مديرك تقدر تراجعها وممكن تعمدة
لانني اعتقد ان فيها اوامر سامية