اهلين شرفونااا

[صفر على اليمين]

انا بعد نفس سؤال الاخت حلا

[بنت المدينة المنورة]

انا صدقت اوراقي من وزارة التربية والتعليم
الموضوع مره سهل

[صفر على اليمين]

طيب عندي سؤال يمكن يكووون غبي عندك
بس هم بعد بسأل السؤال
الوزراة تقفل ولا لا
يعني لو رحت الحين مفتوووحة ولا مقفلة
وموعيد دوامهم متى
وعادي لو اعطيتيها الوالد يختمها ؟؟؟؟؟؟؟؟؟

وشاكرة لكم

[بنت المدينة المنورة]

انا اعطيتها الوالد وصدقها
مواعيد دوامهم اعتقد من 8 الى 2 والله اعلم

[صفر على اليمين]

المشاركة الأصلية كتبت بواسطة بنت المدينة المنورة انا اعطيتها الوالد وصدقها مواعيد دوامهم اعتقد من 8 الى 2 والله اعلم

والله طيب
مرهـ شكرا يابنت المدينة ع الرد
والله يوفقك ان شاء الله في حياتك
وتروحي القسم الي تبغيه ^^

[رقة الورد]

أختي صدقتها من وزارة التربية والتعليم
لأنه المدرسة قفلت

[أميرة النرجس]

المشاركة الأصلية كتبت بواسطة تعبت اصبر مع إحترامي لكم جميعاً انا شفت ناس تقول انها تتصدق من الجامعة والحمدلله في ناس معنا ردت انها صدقت من الجامعة وشوفيها الحمدلله انقبلت لكن انا موظف بجامعة (مش جامعة الملك عبدالعزيز) واللى اعرفه نظماً وعقلاً انه التصديق يكون من مرجع شهادتك لكن بما إنه في ناس تؤكد الكلام بإنه تصديق الجامعة يقبلوه فا سوى اللى اقربلك اذا كنتي بجدة روحي الجامعة لو انك خارج جده روحي لفرع وزارة التعليم وصدقيها وأرسليها وترى مابقي وقت . . . وبالتوفيق

شوف اخي تعبت

انا ختمت صورة طبق الاصل من الجامعة وانقبلت الحمد لله

كلامك سليم ان الختم يكون من مصدر الشهادة

انا مرجع شهادتي من الجنوب وحاليا اقامتي بجدة كان صعب اروح او ارسل الشهادة
ولما رحت وزارة التربية والتعليم بجدة قالوا مانختم لك نختم بس لبنات جدة
اتصلت على العمادة قالوا الجامعة تختم لك

كون ان الجامعة اقرب علي من مكان مرجع الشهادة ختمت صورة طبق الاصل من الجامعة وفي زي حالتي كتييير

[أميرة النرجس]

المشاركة الأصلية كتبت بواسطة تعبت اصبر انا ما ادري ليش الناس تقول ان التصديق يكون من الجامعة ايوه اذا الجامعة اقرب لك ياجماعة التصديق هوا عبارة ختم يوضع بصورة طبق الإصل من الاصل يعني المفروض اللى يختم الختم هذا الجهة اللى اصدرت لك الشهادة اللى وزارة التربية والتعليم صح كلامك مو الجامعة انتي مو متخرجة من الجامعة عشان تطلبي منهم إنهم يصدقوا لك شهادتك هما ايش عرفهم إن الاصل اللى معاك هوا الاصل صح في عالم ممكن تزور الأصل ماهي صعبة فا التصديق مسؤولية على اللى مصدق وما اعتقد ان الجامعة تتحمل مسؤولية شهادة ما خرجت من عندها لكن لاحظت ان كثير من المتقدمين بيصدقوها من الجامعة لكن مابيكملوا بالمواضيع عشان نعرف إيش صار معاهم

الجامعة تقدر تكتشف اي تزورير ومن يومين وانا اقرا موضوع عن اكتشاف العمادة لشهادات مزورة

طبعا محد بيتهور ويزور الا شخص بايعها

لو كنت معانا من اول مابدا تسجيل الانتساب كنت شفت كلام كثير من الطلاب والطالبات اللي ختموا صورة طبق الاصل من الجامعة وانا منهم

:)

[تعبت اصبر]

المشاركة الأصلية كتبت بواسطة أميرة النرجس الجامعة تقدر تكتشف اي تزورير ومن يومين وانا اقرا موضوع عن اكتشاف العمادة لشهادات مزورة طبعا محد بيتهور ويزور الا شخص بايعها لو كنت معانا من اول مابدا تسجيل الانتساب كنت شفت كلام كثير من الطلاب والطالبات اللي ختموا صورة طبق الاصل من الجامعة وانا منهم :)

تحياتي لك يا أميرة ولإسلوبك تفاهمك الراقي والقابل للنقاش
يكفيني أيدتي كلامي بإنه التصديق يكون من مرجع شهادتك
ويمكن يكون التصديق من الجامعة امر إستثنائي لا شكل فيه بدليل إنك انقبلتي عن هذا طريق
لكن انا ما اتهمت احد بشي لان بعض الردود تتهمني بكذا انا ذكرت لوائح النظام والإستثنائات امور خارجة عن النظام لكن بالاول والاخير إحنا نبغي القبول وبس مايهمنا نظام او لوائح النظام

ننتظر الأخت حلا ونشوف ايش صار معها وبالتوفيق يارب