ياجماعه الي يقدر يفيدني عن الدكتور نائل المؤمني و محمود الزيود ياليت مايبخل عليا

[ضحايا الصمت]

المشاركة الأصلية كتبت بواسطة gasm4444 والله اذا اللغة الانجليزية عندك تمام فانصحك خذها بس مع الدكتور نائل وسوف تأخذ ان شاء الله a+ لان الدكتور هذا رائع جدا ومتساهل واسئلته سهلة جدا . بالتوفيق للجميع

خلاص ان شاء الله بانزلها

بس انها مو موجوده في قائمة الحذف والاضافه

بارسل معاملة الكترونية عشان ينزلوها ليا

[ضحايا الصمت]

المشاركة الأصلية كتبت بواسطة francesco82 معليه اسمحلي يا ضحايا الصمت , انا ما اوافقك على انسحابك من مادة ادارة مشاريع صغيرة bus401 عند الدكتور / محمود الزيود , بصراحة الدكتور جدا قمة في الاخلاق والادب ومتعاون مع الطلاب وانا كنت واحد من طلابه في البحث والتدريب والله انه انصفني بدرجة ما توقعتها والاحلى من كدا انو رهيب في توزيع الدرجات يعني زي الدكتور/ محمد العيتاني الله يرحمه وكان مسهل ليا الوضع على الاخر واقرب دليل على كلامي دا روحت امس عشان اخد توصية كل ما اروح لدكتور احس نفسي باشحتهم حاجة والله بلا مبالغة لما روحت للدكتور محمود الزيود استضافني بكل ود ومحبة ولا تقول انو دا الشيء بين دكتور وطالب واخدنا نتكلم عن ايش الخطط المستقبلية اللي راح اعملها واعطاني نصايح واشياء استفيد منها وبعدها اعطاني التوصية بالانجليزي بكل صدر رحب وقالي ايش تحتاجو تعالي هنا , اما بالنسبة للدكتور / نائل المومني هوا صديق للدكتور / محمود الزيود بصراحة ما اخدت عندو مادة لكن تعاملو من خلال مراجعتي للدكتور محمود باشوفو عندو بكترة وباين عليه مرن وسلس في تعاملو وطيب وكمان ازيدك كتير من زملائي يمدحو فيه خصوصا في مادة الموار البشرية بالانجليزي bus 463 يا راجل يكفيك صديق مقرب ليا اخد في مادة ادارة الاعمال في الانجليزي bus103 عند الدكتور/ ناصر كدسه 60 من 100 لما جاء عند الدكتور/ نائل المومني اخد 90 من 100 تعرف ليه ؟ لانو الدكتور جاب لهم 25 كولها مفردات وبسيطة وصح وخطأ تافهه عشان كدا جاب دي النتيجة عموما انت صاحب القرار وربنا يوفقك ان شاء الله

يكرمك ربي عالكلام الي قلته

والله ماقصرت

وحمستني كمان

بس المشكله اني ما اخذت بحوث عمليات وهي متطلب لمشاريع صغيره ...

ولا كان نزلتها وافتكيت من كل المتطلبات الي باقيه ...


كل الشكر لك يا فرانسيسكو