رغم اني اقتنعت بس لما جا التقديم رجع حن القلب

[طموح لا ينثني]

يااااحلم قلبت الموااااجع ....اختك مبتعثه من المرحله الرابعه وللان مارحت ربي ماكتب والحمد لله...

من واقع تجربتي احيانا يكون الطموح مشكلة للانسان يخليه يتصرف من غير حساااب


اختي حلم طالما موظفه كملي ماجستير هنا واذا صار فرصه خذي الدكتوراه من برا ...بس لاتغامر وتخسر وظيفتك مقابل شهاده ماتعرفي ظروفها وظروف تكيف عائلتك ووظيفة زوجك حساابات كثيرة لازم تكون في الحسباااان ...


والله 2 من زميلاتي مااااستر ومالقوا وظااائف وحده منهم السنه هذه وبعد جهد وجهيد وهي ممتاز مع مرتبة الشرف...

طبعا انا مااحب انظر لهذه النقظة لاني اؤمن بان الارزاق بيد فاطر السماوات والارض بس مشكلتي مع طموحي ...

فكري جيدا في الموجود وماذا سيكون بعد ارادة رب العالمين ...وماندم من استخااار واستشااار

[حلم وطموح]

وجة السعد كلامك يشجع ...
معلمة مكة مشكوررررررة
طموح لينثني ...الطموح حلو بس مشكلة بعض الاحيان وان شاء الله تكملين دراستك وتتيسر امورك
اما Bra صراحة وجهة نظرك ممكن تكون صحيحة لانه زوجي فعلا راح يكون مرافق باجازة وماراح يخسر وظيفته انا اللي بخسرها لاني بكون المبتعثة
ياااارب تيسر لي

[Brainiac]

خلاص اجل...

ثلاث نقاط اذا جاوبتي عليهم ب "نعم" ، فأنا اؤيدك بأنك تطلعين بعثة:

النقطة الاولى: انك فعلاً حابه تكملين دراستك برا... وترجعي ومعاك شهادة قوية ولغة قوية.

النقطة الثانية: ان زوجك ما راح يتضايق او يتردد بخصوص موضوع البعثة.. وبيكون معاك للنهاية.

النقطة الثالثة: أن راتب زوجك لحاله ممكن يعيشكم كعائلة عيشة كريمة .. ويغطي جميع احتياجاتكم الاساسية في حال لو ما حصلتي وظيفة بعد حصولك على الشهادة ( لا سمح الله).


الله يسهل أمرك ان شاء الله... وتتوفقين في حياتك العلمية والعملية والعائلية بأذن الواحد الاحد

[بشير الزبني]

أهم شيء الوظيفة

وأذا قصدك الدراسة ., أكملي دراستك داخل السعودية الفرص كثيرة

نصحيتي لا تضحين بالوظيفة على حساب أكمال الدراسة ...


,

[حلم وطموح]

بشير الزينبي مشكوووووووور عالنصيحة
Bra
الاول:اكيييييييييييييد خاصة ان لغتي كويسة اساسا وحبي للعلم منذ الصغر(دائما والحمد لله الاولى على الدفعة)
الثاني:الصراحة زوجي مش كاره الفكرة ويقول القرار قرارك ويقول راح يوقف معي لو قررت اروح خاصه انه وده يتعلم انجليزي
الثالث:انا براتبي وراتب زوجي عاشين فوق المتوسط ولله الحمد بس راتبه لوحده يمكن نصير بحال متوسط والاساسيات فقط دون الكماليات والسفر وغيرها
طيب Bra انا عندي حل طرى في بالي وقلت اشوف اذا وفرت مبلغ من المال تقريبا 100 الف او 150 الف على مدى السنه القادمة مثلا بعدين رحت على حسابي بالبداية واخذت اجازة دراسية واذا مانفع استثنائة وزوجي كمان استشنائي على كذه بصرف على نفسي وبنتي وزوجي على الاقل سنة اللغة(ماادري بتكفينا المصاريف او لا) واحاول انضم للبعثه بعدها... كيف بيصر وضعي ؟؟بالنسبة لدوامي ودوام زوجي

[Brainiac]

اجل انا اؤيد فكرة الابتعاث...

شوفي يا أخت حلم ، اي قرار مهم يتخذه الانسان في حياته ، لازم يكون فيه نسبة خطورة أو مجازفة ولو بشكل بسيط.

ليش أنا مثلا لي رأي معين ، والاخ بشير الزبني له رأي معين ، والاخت معلمة مكة لها رأي معين.. الخ؟ لان كل انسان سبحان الله عنده زي المقياس الداخلي وعنده استعداد انه يقبل المخاطرة الى حد معين...... والحد هذا يختلف من شخص الى شخص.... وبالنهاية فكرة الابتعاث زي لما الواحد يستثمر كل فلوسه بمشروع تجاري ، اذا كان مخطط له بشكل سليم ومتخذ احتياطاته ، مشروعه راح ينجح بأذن الله.

يمكن القصة في غير محلها ، بس بيل جيتس مثلاً كان طالب في جامعة هارفارد ( واغلبنا يتمنى أنه ينتمي لهذه الجامعة العريقة)... بس في نص دراسته جازف ، وترك الدراسة وفتح له بزنس صغير خاص... الى ان وصل الى العملاقة مايكروسوفت..

وأكيد فيه ناس العكس وكانت لهم تجارب مأساوية.......... بس انتي اذا ناوية تكملي للدكتوراه ...ولا عندك خيار كويس داخل المملكة حالياً (للماجستير فقط) ، اجل توكلي على الله .... ولا تنسي ان برنامج الابتعاث هذا ما راح يدوم.

بالتوفيق ان شاء الله

[Brainiac]

انا بصراحة ما عندي خلفية عن قطاع التعليم... ولا اعرف وش وظيفة زوجك .

بس اذا كانوا على الاقل ممكن يعطون زوجك اجازة بدون راتب لفترة معينة... خلينا نقول سنتين، فأتوقع ان شاء الله ما فيه مشاكل من ناحية وظيفة زوجك.

بس لو انا عندي 150 ألف... ليش استعملها واترك البعثة؟... بالعكس.. اطلع بعثة واكمل دراستي... ولما ارجع، أبدأ استعمل ال 150 الف في مصروفاتي الاساسية لحد ما أحصل وظيفة مناسبة .

[ساندراا]

السلام عليــكم ..
( تصيحة ياأختي ادرسي الموضوع بجميع جوانبه المادية والمعنويّة)
لاتضحي بالوظيفة الا اذا كان لديكِ (البدائل ) ..
واستعداد بعد العودة أن تعيشي مع زوجك براتبه فقط في حالة عدم توظفك .
ولو أخذتي إجازة استثنائية أنتِ وزجك للدراسه في الخارج فإن الشهادة غير معترف فيها من ناحية الخدمة المدنية ..
( أي موظف يقدم على اجازة بغرض الدراسة للماجستير او الدكتورااه فإن شهاادته لايُعترف فيها )
الوظيفة لاتقتل الطموح أبداَ تستطيعين اكمال الدراسة وأنتِ على رأس العمل ..
كثير من الجامعات تُعلن دائماَ عن وظائف شاغرة للمعيدين والمحاضرين
تستطيعين التقديم عليها وتنقلين خدماتك
من وزارة التربية والتعليم لوزارة التعليم العالي ..
ادرسي الماجستير هنا وقدمي على الجامعة وقومي بنقل خدماتك عليها
وبعد ذلك اطلبي بعثة من الجامعة لدراسة الدكتوراه في الخارج ..
أو لدراسة الماجستير في حال نقلك للجامعة كمعيدة ..
( وفي هذه الحالة لم تخسري الوظيفة وحصلتِ على الشهادة المعترف فيهـا )

خططي بهـــــــدوء وضعي نُصب عينيكِ جميع الإحتمالات الواردة وغير الواردة وكيفية التصرف معها ..

وأي موضوع أو أي مشكلة امامك انظري للسلبيات أولا ثم الإيجابيات ..

تحيّتي ..

[حلم وطموح]

مشكورة ساندرا للاسف كل ما اقدم عالاعادة ما انقبل رغم توفر جميييييع الشروط وعليها حبتين زيادة قلت الشهادة العالية ما اتوقع احد يرفضها...
Bra مشكور على تعبك معايه كلامك على عيني وصراحة شجعتني وراح ادرس الموضوع مع زوجي واقول لك النتيجة ان شاء الله

[عماد الحسن]

موضوع مهم ومفيد للجميع، والابتعاث حلو ومستقبله طيب ولكن الوضع العام لكم هنا أفضل مع إمكانية الدراسة والحصول على الماجستير بدون سفر، وأشكر كل المشاركين في الموضوع لهذه الآراء المفيدة وجزاكم الله خيراً.

الأخت http://www.skaau.com/vb/member.php?u=128553 / أتمنى أن تشاركي معنا في الموضوع الموجود في اتحاد طلاب الجامعة بخصوص الحاصلين على الماجستير ولم يتوظفوا وهو على الرابط:
http://www.skaau.com/vb/showthread.p...wpost&t=221301