السنة التحضيرية ف عزوز =موت احمر+نفسية محطمة+رسوب

[رقيه عسير]

ياعسسسسسسسسسسسسسسل استخيري ربي ما في احد عارف وين الخير لك غير ربك سبحانه والجامعه اللي ترتاحين لها بعد الاستخاره توكلي ع الله وادخليها...الله معك يا قمر وانا في الخدمه الله يوفقك امين

[xanaza6]

شوفيييي هذول النوعيه اللي انا قلتها المتشاااااااااااائمه الله يهديهم’ يحطمون غيرهم بدون سبب

ماني حاب اعيد كلامي لانه كثييير
http://www.skaau.com/vb/showthread.php?t=228485
تلقين هنا النقاط اللي ابوضحها لك

ماشالله اخوياي اللي دخلو الطب جابوها بنفسهم, اي كلام واسطه وهبال, اذا الواسطه موجوده تراها في كل مجالات الحياه لككككككنننننن مايمشون اصلا لما يدخلون الكليه, ومو كلهم عدد قليل جدا, والدكتور مابيده يعطي على كيفه الدرجات مومنه اصلا, والواسطه مؤقته وحسابهم عند ربك, الباقين الطلاب والطالبات كييييف يهينونهم وينزلون سمعتهم كذه, اي واحد يجيب درجه عاليه فالو واسطه. كثيرين ماشالله عليهم يجيبوها مجتهدين اذكياء والحمدلله رزق من ربك طبعا

انتي ماعليك من ايييي احد, اجتهدي, بس الصراحه نسبتك الموزونه عاليه ولكن مابغا اجاملك لازم تجيبين نسبه اعلى في التحضيري, اذا انتي ضامنه الطب في طيبه ومتأكده انك ماحتمشين هنا روحيلها, بس نصيحتي الطب اللي بجامعة عزوز مرررره حلو ويفتح النفس, الكليه مره كبيره والطلاب قليلين والاوضاع مريحه ^_^

لكل مجتهد نصيب, اذا انتي شاطره ومجتهده يبقالك تجيبين درجات, عندك طب هنا وطب موازي اللي هو بدون مكافأه وماني متأكد عن طب رابغ للبنات, في مجالات يعني, بس كله وشطارتك :)

اذا انتي ضامنه هناك توكلي واذا حابه تجتهدي هنا الله يحييك. بس ماعليك من الكلام المتشائم وإن شاء الله تتوفقين بإذن الله

[Ma7a]

نصيحتي لاتسمعي لكلام أحد!
هوا صح في دكاترة يسوو ندالة في الاسئلة ..بس دا الشي متعودين عليه حتى ايام الثانوي
وعلى موجوع الانجلش ابصملك بالعشرة انو اللي دخلو سنة تحضيرية 3 ارباعهم على الاقل مستواهم عاادي جدا في الانجلش .. وما شاء الله اغلبهم نجحو واتخصصوو وكل شي <<فا لاتخليه عائق قدامك ;)
بس ازا ناويه على طب .. نصيحتي (مزاكرة اوووووووول باول ) لانو صدقيني ماحتمشي لو ماسويتي كدا من جدددد..
وخليكي دافووووووورة <<اللي نص درجة تفرق عندك .. ولا تخلي اعتمادك على الدكاترة انو هما المصدر الوحيد اللي تفهمي منو وماحتفهمي كللل شي وقت المحاضرة ,,زاكري بنفسك كل درس بدرسو وزا لقيتي شي مو فاهمتو اسأليها..
انا معدلي 4.42 ونسبتي الموزونة (حقت السنة التحضيرية) 87.778 و دخلوني تمريض -_-

الله يعينك ويوفقك =)

[I can]

xanaza6

والله انا ابغا اجتهد ومررة كنت متحمسة للتحضيرية وشفت موضوعك والله رفعت معنوياتي الله يديك العافية
وكلامك عين العقل وانا لسة باستخير وجزاك الله الف خير على ردك اللي يبرد القلب

Ma7a
الله يديكي العافية ياعسسل والله كلامك صح وانا حا احاول اعدل مستوايا في الانجليزي والله يعين

بس ابغا اسالك انتي دخلتي تمريض برغبتك ولا هما حولوكي ..
وكيف كانت مذاكرتك ؟
انا طموحي اجيب 5 :)

[Ma7a]

وللمعلومية الطب للبنات وقف على 92.666 والموازي 90.111
بس ان شاااء الله تجيبيها وبسهووولة كمان :)

[Ma7a]

بصراحة هوا مو طمووحي -_-
انا كنت ابغا أشعة ووقفت على 89 .. بس ان شاء الله حادرس سنة واحول بعدها :)
ومن ناحية المزاكرة..صراحة اول ترم كنت شادة حيلي في مواد ومواد لا يعني كنت ماشية بس مو شادة حيلي مرة .. وجبت اول ترم معدل 4.00 <<وعشان كمان كان وضع جديد وطريقة اختبارات جديدة فا في البداية لقيت صعووبة بس بعدين اتعودت
ان شاء الله ماتلاقي صعووبة =) ,, واهم شي لاتسمعي لاحد وخليكي متفائلة :)

وعلى تاني ترم شديييييت حيلي على الاخر واترفع معدلي لـ 4.42 الحمد لله
بس برضو ماكان كافيي ..يعني لازم تجتههدي في الترمين =)

بس برضو نصيحة في النهاية ,, ازا انتي ضااااامنة الطب في جامعة طيبة روحيلهم لانو الواحد مايعرف ايش يسير معااه..وان شاء الله الله يخترلك اللي فيه الخير ليكي

و اي شي نحن هنا xD

[جامعيه2009]

السنه التحضيريه جدا سهله وممتعه ..
ومآفي واسطات ولاشيء..
لك مجتهد نصيب ..
وبالنسبه للأنجليزي .. مو لازم تكووني فاهمه كل شي فيه ..
كلمتين تؤدي الغرض هع
رآح تتعودي مع الووقت ..
بالتووفيق ..

[Beeshoob]

لا يابتي بطليكي من التفكير السلبي دا

وفكك من كلام الناس الكتير اللي لا يودي ولا يجيب .. قفلي اذنك لاتسمعي لهم << اهم شي

وفي حكاية الواسطه ترى كلهم ماعندهم هرجه

انا اعرف صاحبتي تقولي راح يدخلوني بالواسطه وفي النهايه

يقولها بعد ماقفل التسجيل الحقي نفسك << بس ربك سترها معاها ولحقت ام القرى هع

المهم

انتي تبي طب زي انشا الله واكيد عارفه ميه بالميه انو مافي مقارنه بين طيبه وعزوز او حتى ام القرى ترى من جد

شوفت لك كدا موضوع وارتحت لك

بس افتكر انو مره كنتي تبي عزوز لا يابتي شدي همتك اكتر

مو اي احد يكنسلك عن اللي تحلمي بيه

وان شا الله نسير صحبات ونشجع بعض وبلاش سلبيه زي عنوان موضوعك

يب على فكره انا موعدي يوم الاحد وانتي ؟ << فكرت تقابلك

سوري بس من جد متحمسه للدراسه وكلو << قصة حياتي وكمان حياة صحباتي دراما صارت هع

وباذن الله نسير دكتورات اد الدووونيا

[حـــــلا]

والله السنة التحضيريه روووعه واستمتعي فيهااا لانهاا جدا ممتعه.. وتراها مررره فيها دلع ...ولا حكآيه واسطه ولاهم يحزنون..
واهم شئ لا تسمعي كلام المحطمييييييييين .. انتي بس ذاكري اول بآول وخلي ببالك هدف مع التوكل على الله وراح تنبسطي بالنتيجه ان شاء الله ..

والدروس اقصد المحاضرات جدآ رائعه وسهله ..غير كذا فيه ملخصآت مره رآئعه << عن تجربه طبعآ

وايش كماااااااااااااااان..

ايه شئ جدا مهــــــــــــــــــــــــــــــــــــــــــم انا مره ندمت عليه
اللي هو طوري نفسك بالانجليزي .. حاولي بقدر ماتستطعين .. تدخلين عالاقل معهد ممتاز << بما انك ببدايه الاجازه ..

والمواد عددها 9 طبعآ.. انتي وحظك ممكن الفصل الاول تكوني 4 والثاني 5 او الاول 5 والثاني 4

وان شىء الله وضحت لك السنه التحضيريه ...وبالتوفيق يآبطه

دعواتك لي ...

[I can]

Beeshoob
انتي ربنا راسلك ليا ..:)

والله نفسي اروح عزوز بكل ما املك من جوارح وانا صراحة وحدة ماتهمني الغربا ولا دا الكلام بالعكس احس روااق

وكمان انا يوم الاحد ..إن شاء الله اشوفك

انا تفكيري مو سلبي بس عارفا كل اللي حوليا كدا عدوني والله كل مايشوفوني يقولولي ماتقدري ومن دا الكلام :(

ودا شي يخليني ابغا عزوز اني ابغا بيئة جديدة بدون تحطيم ..:)

والمشكلة اني ضامنة الطب هنا لانو ماما استشارية في الطب وعميدة في طيبة

والله يا عسسسل انا كمان ارتحتلك :)

انا كمان متحمسة للسنة التحضيريا ..

الله يكتبلنا اللي في الخير ونسير دكاترة قد الدنيا ..