الي تخصصهم تمريض

[nona2009]

المشاركة الأصلية كتبت بواسطة nice cool صباح الخير.......... يااخواني واخواتي اللي اتخصصو تمريض قولو الحمدلله ع النعمة الكبيرة اللي انتو فيها شوفو الناس اللي لسا عندها صيفي وماعدو ولسا يخلصو المادة اللي عندهم وبعدين يشوفوينزلهم ولا ماينزلهم....... وحالة تانية:-ناس نجحت وماعندها صيفي لكن مانقبلت تمريض وهو حلم حياتهم.... من جد اللي عنده مايبى واللي ماعنده يبى ..... خلاص نعقد اتفاق:-شو رأيكم نروح نبدل اجي مكانك وتجي مكاني لو ينفع....... بس حبيت اسأل مشاء الله اللي انقبل تمريض كم كان الموووزووون حقهم لاتخافو مو لقافة ولا حسد......بس الواحد يستفيد بدل مو قاعد زي الأطرش في الزفة......

اخر طالبه انقبلت موزنها 83
وفي بنات موزنهم مره عالي 89ماشاء الله بس مانقبلوا صيدله ولا مختبرات وحطوهم تمريض مافرقت الا فاصله
وان شاء الله نشوفك في تمريض معانا^_^

[Miss BaYoOon]

من جد من الترم التاني حماآآآآس

[مكاوية قوية]

اهئ اهئ انا برضو دخلت تمريض في البداية كارهة نفسي وكل يوم ابكي ونفسيتي ززززززززززفت فوق ماتتصوروا بس قلت خلاص دا المكتوب وناححاول اجيب معدل واحول مختبرات او اشاعه عالاقل وبصراحة دحين احس اني راضية عن نفسي وبشد حيلي والله يساعدنا بس الحمد لله بقوووووووووة

[rarba]

أنا في رأيي أكثر مهنة فيها انسانية هي التمريض
ولا تنسوا الوظائف كثيييييييييييرة والرواتب عالية
ومو اي واحد يقدر يسير ممرض
بالتوفيق

[Miss BaYoOon]

على قول المثل التلم المتعوس على خايب الرجى
انا قلت دحين القى البنات متحمسين ويحمسوني معاهم طلعتوا والله مساكين حالتكم والله تبكي...

[GaMaR ~]

هههههههههه لاتعوورو قلبي صحت زين ماقلت بس

وجع راس ومرض

والله مافي شئ يقهر غير الكرف طول السنه والأحلام اللي تطير بسررعه

بس يالله الحمد لله هذا المكتوب ومابيدنا شئ نسويه

والله احس اول يوم بالجامعه الكل موطايق حاله

اخاف بس نكوفخ بعض من الفوحه ههههههههههههه


الله يستر ^_____^

[strawberry18]

انا في البداية مرة زعلت وقررت اروح مكة وحتى سجلت باختبار التحصيلي والقدرات وسجلت كاني طالبة جديدة

وبعدين فجأة كلمت ماما وغيرت رأيي

واتحمست بالذات لمن سمعت اني اروح المستشفى من الترم الثاني
مرة حماااااس
وقلت المرضة قريب من الطب وغير كدا في انواع للتمريض

بس نفسي اتعمق في التمريض تبع العمليات احسه شي خطيير

الحمد لله على كل حال كفاية سنواته اقل من الطب وراتبه حلو ووظيفة مضمونة

[Dr.candy]

مممممم حتى انا كان نفسي ادخل طب بشري
بس لمن عرفت اني تمريض قلت اكيد خيرة من ربي

ومرة مبسووووطة الحمدلله ... ومتحمسة وان شاء الله تكونو زي

انا الي اعرفو انو التمريض من الترم الثاني نبدا نروح مستشفيات واوراق وحالات

وندرس من الطب كل شي قطرة
يعني شبيه من الطب

ان شاء الله اشوفكم في الكلية =)

[مَـزٍآج ..}..]

والله التمريض تخصص مره حلـوٍ ..

ملآئكه الرحمـه ,,

وكمان لما اروح الهوسبيتل احس الشغل كـلوو عليهم .. يعني بس مجرد الدكتور
يجي خمس دقآيق والششغل كلـه عليهم .. مآ شآء الله عليهم ..

الله يوفقكم !!

[ranad]

انا انقبلت تمريض بس صراحة زعلانة ومو زعلانة في نفس الوقت

انا كان حلمي ادخل طب اسنان بس كان مافي مانع لو دخلت طب بشري لانها رغبتي

وانا بصراحة يمكن انقل من الجامعة واروح ابن سينا والله يقدرلنا الي في الخير يارب ويخترلنا الاصلح ان شاءالله

انا الي قاهرني انو موزوني 89بس حتى ماانقبلت تقنية الحمدلله على كل حال

وبالتوفيق يابنات ولو ربنا اراد الخير ليه في التمريض راح اشوفكم ان شاءالله في اول يوم حبيباتي