يازمن كافي

[الصامت 9]

يازمن كــــــــــافي
’’
’
,

حداني وقتي القاسي وهمٍ ســـــــــــارجٍ خيــــــــــــلــــه

اسير وعبرتي تصرخ عزيزه دمعة الوافي

اسوق من العنا رجلي على الخطوات بالحيـــــــــــــلـــه

وادوّر للخظى دربٍ يراعي جرة الحـــافي

اسير وكل تفكيري عيــــــــــوني من بتشكيلــه

ألا تكفين ياعيني تــــــــداري همي الخافي

مشيت ولادريت اني مشيت من القهر ليــــلــه

تخاف الجن وحشتها اهـــيم بصمتها الدافي

يصارع وحش ظلمتها شعاع النجم واسهيلـــه

صراع الذيب للضبيه بعد تكسير الاطرافي

وسط مهجورةٍ قفرى اناجي الصمت واحكيلــه

مدى قسوة عناي اللي حكم به وقتي الجافي

أجر الآه من صدري واحث الجرح وابكيلــه

احسب انه بينصفني هـــدوء الليله الصافي

تخيلت النجم يهوي اذا مررت شوفي لـــــــــــــــه

صريعٍ ما قدر يحمل عنا ما تحمل اكتافي

تخيلت النسيم اللي هبوبه شد سمعي لـــــــــــــــــــه

صدى تنهيـــدة الدنيا انين من الفضا لافي

تخيلت الندى دمعٍ بليلٍ ضـــــاع منديلـــــــــــه

مسح باطراف كمي لين هماله غـرّق اطرافي

تخيلت الصباح اللي محا الــــــــــــــظلمه بــــــقنديلــــــه

ثنايا حظي العاثر ضحك لي يقصد انصافي

اثاري هاجسي يشكي واثار النفس تصخي له

وقلبي ينتظر قلبي يـــــداوي الجرح ويشافي

عرفت اني بهذا الوقت وحيد الحال والحيله

حسبت ان الزمن يمكن يروف ويترك اجحافي

ولكن الزمن بحــــرٍ طمرني في تهاويلـــه

اهيم بقارب اوهامي وســـوء الحظ مجدافي

باعيش اصارع امواجه وباتحمل غــرابيله
ولا بـــــانسى ارددها عبارة يازززمن كافي