اللي اختبرو اليوم قانون ادأري عند اكرام .... >> للمواساه

[تـوتي]

بصراحه ظلـــــــــــم >> تكفين
والله حرام تعبنا يروح ع الفاضي انا لو كنت ادري ان اكرام اسئلتها كذا ماكان حولت عندها
مدري وش تحسبنا عباقره ترى لسا مادخلنا محاماه ولا قضاء لسا تونا ندرسه ثاني سمستر
مااقول الا الله يكون فعون كل اللي حيجبون f >> ببكي
يــــــــــــــــــــــارب لما تشوف ورقتي تجيها رحمه من ربي وتنجحني

[{رًحَيِل}]

وكل الاختبار ماعندها الا المرافق مابقت سؤال الا عنه >> كأن الكتاب مافيه الا المرافق وربي قهر الحين ماابي شي بس ماابي تعبي يضيع

وانتو كمان نفس الكلام المرافق
الظاهر اتفقو اكرام وماجده


بصراحه صدموناااا وتعبنا راااح في الهووى

الكتاب من كثر ما ذكرتة وربي كتبته في كشكول
بس انصدمت بالاسئللة اللي ما ادري وش تبي

الله يعوضنا خيرر يابنات والله يسسامحهم على قسوتهم وتعسيرهم للاسئلة

[x_bent njd_x]

قولوو الحمدلله
آنتوو لو آختبرتو مع صبآح وش بتسوون ؟

[غزلان]

المشاركة الأصلية كتبت بواسطة x_bent njd_x قولوو الحمدلله آنتوو لو آختبرتو مع صبآح وش بتسوون ؟

انا اختبرت الترم اللي فات مع صباح وعاتي اسئلتها كانت متوسطه
والحمدالله نجحت وليتني الترم ذا معاها كان ارحم
لاكن اكرام مدري وش تحس فيه الظاهر متأثره بالمصاريه كثير >> تحسبنا عباقره
وربي حتى مو عارفه اذاكر السلوك اللي عندي بكره من تفكيري في القانون
مااقول الا الله لا يضيع تعب اي وحده تعبت ابي انجح لو بستنين بس مايضيع تعبي
وتووووووووبه اروح عند اكرام في ماده ثانيه بعد كذا
والحمدالله على كل حال مثل ماقلتي والله كاتبه ربي بصير

[| •_• | ḎồỢốḏξ]

المشاركة الأصلية كتبت بواسطة x_bent njd_x قولوو الحمدلله آنتوو لو آختبرتو مع صبآح وش بتسوون ؟

يـــــــــــــــآسآتر :(

انا اختباري يوم الثلاثاء اخر يوم مع صباح

وخــــــــــــــــــآيفه منه مممره

الله يعين ويسهلها يارب والكل نااااااااااجح بأذن الله

[ڪبريًآء]

ياويلي انا مع صباح , والله مررة خايفة من الاسئلة ..
غزلان الاسئلة الترم اللي راح في مبادئ القانون كانت موحدة
يعني مو بس استاذة صباح اللي حطت الاسئلة :)
الله يستر ونعدي منها على خير ويكون ختامها مسك ..

[شجرة التوت]

نفسي اعرف اش الفايده من اسئلة تعجيزيه

الحن مو مشكلة المقالي يهون عليه 10 درجات المشكلة مشكلة الصح والخطا والخيارات وربي تلخبببببببببببببببببببببببببببببببببببببط يعني بالعربي ماتبغى احد ينجح مدري اش حتستفيد كل دكتوره سارت تتحدى باسئلتها ياعااااااااااااااالم ارحمونا شوي احنا انتسااااااااااااااااب ماعندنا اعمال سنه ترفع المعدل

حسبي الله ونعم الوكيل

[بنت محمد]

سلام كيفكم ياصبايا؟

انا في الحظه الاخيره حذفت الماده كاني حاسه انها بتجي صعبه

عموما معوضين خير يااااااااااااااااااااااااااااااااااااارب

وانشاءالله تنجحون كلكم وتجبون اعلى الدرجات

ادعوا مايدفع البلاء الا الدعاء

قلبي معاكم صراحه وعندي استفسار

الحين مو قالو ان اسالتهم موحده ؟ ايش القصه كل وحده لحالها صار ؟؟

تحياتي للكل

[تـوتي]

المشاركة الأصلية كتبت بواسطة بنت محمد سلام كيفكم ياصبايا؟ انا في الحظه الاخيره حذفت الماده كاني حاسه انها بتجي صعبه عموما معوضين خير يااااااااااااااااااااااااااااااااااااارب وانشاءالله تنجحون كلكم وتجبون اعلى الدرجات ادعوا مايدفع البلاء الا الدعاء قلبي معاكم صراحه وعندي استفسار الحين مو قالو ان اسالتهم موحده ؟ ايش القصه كل وحده لحالها صار ؟؟ تحياتي للكل

منجد رحمه من ربي انك حذفتيها
لا ياقلبي الأسئله مو موحده كل استاذه تحط اسئله لطالباتها
وعلى قولتك ندعي
ومانقول الا حسبي الله ونعم الوكيــــــــــل