ضاعت احلامي >>>> دوروها معي تكفون

[xanaza6]

شوف حبيبي, الدنيا مو محبوكه بالدراسه والانسان من الدنيا زائل وفاني

توكل على الله وادخل علوم او غيره, ماحد يقدر يحدد تخصصك من الطلاب هنا, نصيحتي لك كأخ وزميل معك من الجامعه, حركت السحب وبيع السياره وتطلع سيئه, كنت اعرف شخص سوا حركه زي كذا وطلع وفشل, تدين فلوس وندم ولما رجع الحين يشتغل تاكسي وحياته ضيقه, غير انه انسجن وطاح في مشاكل من التدين, مسكين ماقول اللا الله يوفقه وييسر له اموره

شوف لما الشخص يمر في ظروف صعبه ومؤلمه يكون عادة عرضه لاختيارات خاطئه متهوره مدفوعه برغبة التغيير والطموح وغيره, لا تتهور

ماحقلك قدم وماعليك وكلام فاضي, عندك كم اختيار هنا, يا تدخل العلوم او غيره وتحول ويمكن ما حتقدر تحول لا سمح الله, يمكن تنقبل هندسه, ويمكن تقدم على جامعه ثانيه من جديد بعد ما تختبر تحصيلي وقياسي, لكن لاتسحب قبل ماتضمن قبولك او ترضى بالنصيب وتشد حيلك ويصيرلك مكان محترم في اللي جاك, معليش طولت عليك, بس مانت لحالك هنا واذا تبي مساعده الطلاب موجودين حولك, لا تنقطع

[د/ روميو]

خلي املك في الله كبير ~


ولا تستعجل الامور ...

وبإذن الله تنقبل هندسة ..وتجي تقولنا تتذكروا موضوعي يوم نزلت درجاتي ...


الله يوفقك ان شاء الله ..

بس الله الله في الصلاة ...والدعاء ..

والله ان شاء الله مايخيب املك ...

...لا تشغل نفسك في عدد الطلاب وتوقعات ماتقدم ولا تأخر ..

بس حتتعبك نفسيا ...

تحياتي ،،

[بيو كيميائية ^_^]

بصراحة ماأتوقع معدلك يدخلك

بس مثل ماقلت إدخل علومـ وحول

وإرفع معدلك بقد ماتقدر

وإخذ مواد عامة مثل الثقافة والعربي ومواد حرة سهلة وترفع معدلك

وإخذ لاب كيمياء 281 سهل مرة >>ماأدري ياخذونه الماث أو لا بس أنت أسألهم

وخذ مواد مشتركة بين الكليتين وإختار دكتور طيب ومتساهل

وصدقني بيرتفع معدلك

بس شد حيلك وإن شاء الله بترم وتحول هندسة بإذن الله

وإدعي ربك

بالتوفيق

[منافس إلى آخر رمق]

إن شاء الله تنقبل , وإذا ماانقبلت اسحب ملفك وش المشكلة ؟

بالتوفيق للجميع

[طالب طب في المستقبل]

قولوا كلكم اميييييييييييييييين

يارب يااخي العزيز انك تنقبل في كلية الهندسة

ونشوفك مهندس اد الدنيا

يارب ياعلي ياعظيم يامجيب الدعاء

اخوك طالب طب في المستقبل

[فاطِمه]

مممممممم .. أنا مدري عن الشباب
لكن معظم إللي في المنتدى يبو الهندسه >> يعني حسيت إن المنافسه مره قويه في هالمجال !!
والله مدري وش اقول لك اخوي
لكن مشكله لو دخلت علوم ونت مو باغي هالشي ,, ولاانت حابه >> وين بتجيب علامات
بصراحه وبرايي الشخصي ... لو انت من سكان جده ومرتاح وجالس عند اهلك وماغير تروح وتجي ع الكليه
.. اسحب ملفك وعيد السنه !! ,, وعاد لازم تجيب خمسه وإلا ماتنقص عن الـ4.7
مممممم , وان شاءالله تقدر تدخل الهندسه

^^^^^^
انا بعد طموحي الطب وحاسه إن أملي ضعيف فيه , وجا ع بالي أعيد السنه
لكني مو من جده ,, وأهلي مو باقتناع وافقو أجي إلا لمن وعدتهم أدخل طب
فـ صعب علي أعيد السنه :( ... >> لكن بكمل وبيبقى أملي بربي كبير :) ..... وإن شاءالله أدخل طب وتدخل انت هندسه

مممممممممم ... اللي كتبته مجرد اقتراح من كذا اقتراح جاك من الاعضاء
إذا انت او احد ماعجبه كلامي لاياخذ به .. :)

موفق لكل خير :)

[3mOoRy]

يا حبيبي بإذن الله بتنقبل قول ياااارب بس .,. انا الحين في قلق نفسي بسبب الفيزيا ما نزلتلي باقي ادعووووولي دخييلكم

[AhmadAmer]

لسا لسا ما تدري ممكن الإنجليزي يرفع معدلك ,,

خلي أملك كبير بالله ,, و بعدين لا سمح الله أنقبلت حآسبات .. سهلة نزل مواد هندسة و شد حيلك و كلها ترم واحد و انت في كلية الهندسة بسسس لازم تشد حيلك في دا الترم .. الكلام دا مو من راسي من واحد سوآ الحركة دي .. يعني ترم واحد ما تفرق ترا ... و الله يكتبلك إلي فيه الخير ..

[عاصم العاصم]

اخي العزيز صاحب الموضوع
جميل ان تكون حزين من درجاتك
وكم هو اجمل ان تحقق هدفك الذي ذكرته لنا

نصيحتي لك اذا لم تقبل ( لاسمح الله في الهندسة )
كلية ينبع الصناعية ممتازة في دراستها
ولديها بكالريوس هندسة ...
اتمنى ان لاتتحطم ... فالهدف او الحلم
يزداد اصرارا كلما ازدادت العوائق

اتمنى ان لاتخجل من عرض اي مشكلة تعرض لك
فكلنا في مساعدتك ...

تحياتي ووافر احترامي للجميع
اخوكم : م . عاصم بن عبدالله طاهر