اندم على حب عشته

[dr-hanizb]

السلام عليكم ورحمة الله وبركاته


مشاعر جيد يا أخ نضــال

من شخص مثلك لا يصدق.... ((أقرب زملائي في قســـم))....

موضوع ((الحب)) في خبرتي ..
اعتقد ان الحب يختلف من شخص لاخر في كيفية استغلالها و ادائها مع الطرف الثاني و ظروف المتاحه لك و لطرف الاخر .. و هذا كل يلعب دور في ان تحديد يجب ان تندم او لا ؟؟؟؟؟!!!!!

لهذا انا مع نضال في معظم روده
لهذا الموضوع و لموضوع dr-love


وايضا مع caramella

(تجربه عن تجربه تفرق )

قد تكون تخربة نضــال قد تحثنا ان الحب ما هو لا ضعف
و تخربة باقي الاعضاء قد تحثنا بالقوة

هذا لا يعني ان الحب ضعيف او قوي.......... تختلف حسب تجربة



و اعتقد لهذا بوجد تجادل بين الأعضاء في هذا الموضوع (dr_love..سارونه
..caramella ضد نــضال)


أردت فقط أن ألقي الضوء على موضوع قد شغل بال العديد من الأخوة والأخوات، قد يكون منا من تلقى صفعة في هذا المجال، ولكن لابد للأيام أن تمضي ويستفيق الشخص من سبات عميق ليرى صورته وقد بدا وحيداً في صفحة السماء .. ـ

ولكن بالرغم من كل هذا يستمر في الحياة فالحياة مليئة بالعقبات والعثرات فلنعيشها بكل ما فيها .. ونمضي .. ـ

[نضال]

سارونة ,,

فسري لي احساسك اذا شعرتي بأن الحبيب اللي كنتي تحبيه بكل ما تحمله كلمة حب من معنى ,, رحل ,,

سواء كان لظروف قسريه او لظروف خارجة عن ارادتكم انتم الأثنين

فسري لي احساسك وقتها و انتي بتكوني وحيدة ,, غير قادرة على البدء في حب جديد ,, و في نفس الوقت غير قادرة على الرجوع للحب القديم

فسري لي احساسك و الشوق ينخل مشاعرك نخل ,, في كل ليلة و انتى في ظلمة غرفة النوم ,, وحدك انتي و مشارعك و صورة قد لا تتذكري حتى الوانها للشخص اللي تحبيه

فسري لي احساسك و انتي تبحثي عن صفات الشخص اللي احببتيه في كل انسان تلتقيه في حياتك , حتى تبداء من جديد ,, و مع هذا تصابي بصدمه و خيبه امل كبيره (( مستحيل يوجد نفس هذا الشخص مرة ثانيه ))

فسري لي احساسك اذا سمعتي انه استطاع ان يبداء حياة جديده ( مع علمك انه كان يحبك اصدق الحب في السابق) و انتي ما زلتي تحيي و تعيشي على ذكراه ,,

فسري لي احساسك بالبرود اللي سيتسلل وقتها الى قلبك و بالسكون المستفززز للمشاعر بداخلك تجاه اي شخص ثاني , عدى هذا الشخص اللي اصبح فعل ماضي لن يتجدد الا في عالم احلامك و خيالك فقط


و القائمه تطوووول,,,

وقتها فقط ,, بتتمني انك ما التقيتي هذا الشخص اصلا , ولا عرفتيه , ولا التقت عينك بعينه ولا ولا ولا ,,,

وقتها فقط ,, بتتمني الزمان يرجع للخلف ,, يرجع للحظه اللي تسبق وقت المصارحة بالحب بـ 5 ثواني ,, حتى تتمني انك درتي ظهرك لهذا الشخص و تركتيه بدون ان يتفوه بتلك الكلمة

وقتها فقط ,, بتعرفي ان هذا الحب كان غلطه كلفتك اغلى شي على نفسك و هو الحب نفسه ,,

اذا كنتي تتكلمي عن اهميه الشعور بالحب لفترة معينه من الزمن ,,

فأنا اتحدث عن اهميه الحب للعمر كله ,,

اتحدث عن الحب كشيء ثمين ,, ارفض استثماره في مشاريع ((((((((((قد ))))))))))) يحالفها النجاح


صديقي العزيز هاني ,, اشكرك جزييييييييييل الشكر لدعمك يا غالي :)

[caramella]

انتو لي ماتريحوا نفسكم ترا الحب في دي الايام مايستاهل الجدال هذا كله
لأن الحب اصبح مسمى قديم قد يسمونه بعض الناس بأنه حب ولاكن حب منمق حب كاذب .......
ولكن الحب الحقيقي يتجاهله الكثير من الناس..
اين الحب الذي كان ..........؟؟؟؟
((ولا احد يقولي انو الآن في حب صادق))انا عارفه انكم حتقولولي في
بس انا في نظري انو مستحيل الحب دا يكون في زمننا
لأنو الصراحه انا شايفه انو الانسان صار يحب مو عشان حب ولا مشاعر عشان يتسلى ويضيع وقته بأحلى شي في الدنيا ربي خلقها في كل انسان(المشاعر والاحاسيس)
وبعدين احب اضيف شي انو اللي من جد عاش فترة حب حقيقيه حتى لوكانت من طرف واحد ودا الشي اصعب شي في الحب حيقدر معنى الندم لانو الانسان اذا حب بكل احساس وتقدير لدي الكلمه ومستعد يعمل اي شي عشان حبيبو وفي الاخير تكتشف انو كل اللي سويتو كان عشان انسان (حيوان) ماعرق قيمة نفسو وقيمة القلب اللي حبو حتعرفو انو الندم لوحدووو مو كفايه.................

[caramella]

.

[سارونه]

فسري لي احساسك اذا شعرتي بأن الحبيب اللي كنتي تحبيه بكل ما تحمله كلمة حب من معنى ,, رحل ,, سواء كان لظروف قسريه او لظروف خارجة عن ارادتكم انتم الأثنين

(بصراحه افحمني نضال)
أنا ماقلت لك يانضال قبل دي المره انه نفسك طويل ..
أنا معاك في الكلام الي في بداية ردك ..عن الحال الي أنت حتكون فيه بعد رحيل الأنسان الي تحبو ..
وهذا طبيعي ..
بس الي مو طبيعي وانا مو مقتنعه فيه انك تعتبر الحب بعد اللي صارلك غلطه ...وتندم عليه وعلى كل لحظه عشته فيه ...(والله شي غريب)
شوف نضال إحنا كلنا مثل ماتقول نتكلم عن الحب كشيء ثمين ..
أما كراميل ( كرميل عاد مره مقفلتها .. ) والظاهر ما عندها مجال حتى للنقاش..
وترى انتي ياكراميل ظالمه الحب مره ... وعندك ثقه انه مافيه حب حقيقي .. ومافيه ناس صادقه وتستاهل الحب والاخلاص..
حرام نحمّل الحب كثير من اخطاء الناس الي ماكانوا عارفين معنى الحب اصلاً واستسهلوا التلاعب بمشاعر الناس..
..أخ نضال لا تحاول ابداً تقنعني انه الندم شي حتمي بعد فشل اي علاقة حب ..
هو ممكن بس بشكل نادر... وفي علاقات بتكون بعيده كل البعد عن الحب الصادق ..
أنت يانضال انت والأخت كراميلا .. نظرتكم للحب نظره سيئه جداً .....
وانتي ياكراميلا بالذات تجربتك للحب مع شخص مايعرف قيمة الحب .مايعطيكي الحق تعممي تجربتك على كل الناس الي يحبوا وتعتبريها قاعده ..
كيف حتقدروا تستمروا وأنتو مصرين على الندم على لحظات الحب الي عشتوها..
ترى الحياه حلوه والحب احلى شي فيها ... جددوا نظرتكم للحب وحاولوا تتناسوا اللي صار ..
00000000000 .............

[نضال]

اولا ,, و قبل كل شي ,,

اشكرك بعنف على صراحتك المطلقة اللي زادت قدرك في عيني بعترافك باني افحمتك ,, و هذا يدل على قوة شخصيتك

ثانيا

اللي يقول انه يقدر يعيش بدون حب ,, هذا انسان كذاب ,,

اقولها في وجهه او من ظهره ,,


يمكن يقدر يتأقلم مع الوضع لفترة معينه من الزمن ,,, سنه , سنتين , ثلاث ,,, انما بعدها سيقع في اول حب يواجهه

[أسير]

أخي نضال ..
كذا دخلنا في موضوع ثاني كبييييير أخالفك فيه .

---------
يمكن يقدر يتأقلم مع الوضع لفترة معينه من الزمن ,,, سنه , سنتين , ثلاث ,,, انما بعدها سيقع في اول حب يواجهه
---------

أنا ما راح أتكلم كلام نظري ، أنا راح أكلمك من واقعي الشخصي ..
عشت فترة حب صادقة جداً .. جميلة جداً .. غيرت نظرتي للحياة تماماً .. و الظاهر إنها انتهت ..
هذا الكلام من فترة ..
لكن للآن مو قادر أنسى ، وأعيش هذي العلاقة في كل لحظة من حياتي ، لدرجة إني ما أسمح أبداً ( مجرد السماح ) لحب ثاني يدخل في حياتي ، حتى لو كانت بداية إعجاب أقفل الطريق تماماً لأنه مافي أبداً زي الحب الأول و نقاوته و صدقه ..

هل معناها إني أكذب ؟! ( حتى لو كان الكذب على نفسي ، هل تسمي تصرفي كذب ؟ )

أتمنى أعرف رأيك ، لأنه اللي جرب غير اللي يفتي بدون تجربة .

تحياتي ..

[سارونه]

لكن للآن مو قادر أنسى ، وأعيش هذي العلاقة في كل لحظة من حياتي

معليش أخ أسير أنا قرأت كلامك وحابه أقول شي ...



أنا فهمت من كلامك أنه انت مو عايش من غير حب ..بالعكس
أنت لسا عايش على حبك الأول
.. وزي ماقلت أنك مو قادر تنساه ..
لو قدرت في يوم تنساه تماماً ... أكيد حتقدر تعيش حب جديد ..

[أسير]

مرحبا أخت سارونة

أكيد إني عايش لحظات حب ، لكن على أطلال قصة حب ...

لكن الموضوع كان يدور بصفة عامة عن شخصين ، واحد يحب و الثاني يحب و ينحب ، و هذا اللي فيه اختلاف من ناحية الندم على فقدان الشخص و لا لأ

بس في حالتي أنا في طرف واحد بس يحب ، لكنه ما ينحبّ من طرف ثاني

فهل هذا معناه إني ما أعيش الحب ؟؟

بالعكس .. أنا أعيشه .. لكن من جانب واحد فقط ..

و هذا اللي حبيت أقوله للأخ نضال ..

أشكرك أختي سارونة ..

تحياتي ..

[caramella]

بما انكم فاتحين نقاش عن الحب
تسمحوووولي باستفسار...؟




عندي استفسار صعب شوي ابغا احد يرد رد وافي

(اذا كان الحب موجود وانت تشوفه بعينك وتشوف الحب الصادق بس مو قادر تتأقلم معا لأنك صراحه ماتطيق الشخص دا بدون اي سبب مقنع بس كدا مو قادر تطيقوا واذا حاولت كذا مرة بانك تكذب على نفسك وتحاول تحبه(بمعنى اصح انك تعاملو زي مايعاملك ) بس ترجع تقلب معاملتك معاة لانك مو قادر تحبو اش تسوي وفي نفس الوقت ماتبغى تجرحو بس تبغا يرحل عنك ويسيبك لان العذاب لمن تشوف انسان يحبك حب صادق ومنت قادر تتعامل معا بنفس الاحساس تحس بتانيب ضميرقوي.....