ممنوع دخول الشاب فالمكان مخصص للعوائل ...!!!

[قاهر المتكبرين]

طيب سؤال .. لو سمحو بدخول الشباب وانلغى قانون "للعوائل فقط" .. ما هي الإيجابيات وما هي السلبيات التي ستترتب على هذا؟

فكرو في أشكال "شبابنا" ثم أجيبو ..

[نص دافوره]

ياالله تحي من جى (:

من طول الغيبات جااب الغناايم

مس كيوت والراقي مرره وحده

يا حبكم لذي المواضيع الاختلاط الفصل العزل ههههههههه

في رايي ايه مع منع الشباب من الدخول لانه افضل من دخولهم للمول (:

لانه غالب الاشكال اللي اشوفها عند الابواب الحمدلله والشكر

واضح اش هدفه ومجزاه من دخول السوق فالافضل ما يدخل مع عدم التعميم لانه صراحه في ناس محترمه بس الاغلبيه لا

الشعر اللي ما يدري اش يبغى صار عش عصفور من كبر كدشه واللي البنطلون اللي باقي له تكه ويطيح

والا .... اش اعد واش اخلي الله يهدي من ضل بس

الراقي

تحزززززززززن بصراحه حاااسس نفسك مخنووق خنقه مو طبيعيه

الله يفك خنقك يااشيخ يااارب عااجل غير ااجل

ويسر لك وتهاااجر الى ارض الله الواسعه تريح وترتااح

امييين يااارب

تحياتي
(:

[الراقي]

نص دافوره; ياالله تحي من جى (: من طول الغيبات جااب الغناايم مس كيوت والراقي مرره وحده

الله يحيك ...بالنسبه ليا الغنائم موجودة هنا ..اخوتكم ومحبت الجميع في الله ولله

يا حبكم لذي المواضيع الاختلاط الفصل العزل ههههههههه

ما احبها ...أنا بحب الفطرة السليمة

في رايي ايه مع منع الشباب من الدخول لانه افضل من دخولهم للمول (: لانه غالب الاشكال اللي اشوفها عند الابواب الحمدلله والشكر واضح اش هدفه ومجزاه من دخول السوق فالافضل ما يدخل مع عدم التعميم لانه صراحه في ناس محترمه بس الاغلبيه لا الشعر اللي ما يدري اش يبغى صار عش عصفور من كبر كدشه واللي البنطلون اللي باقي له تكه ويطيح والا .... اش اعد واش اخلي الله يهدي من ضل بس

رأيك أحترمه جداً وهو بكل الأحوال رأي قطاع لا بأس بهِ من الناس ..

ولكن

ما ذنبي أنا ؟
ايش دخل الشباب الهادئ والواعي و الرائع وهم الأغلب في هالأشكال ؟
اليسَ من الظلم أن يمنع عني التنفس لوجود كائن يشاطرني في ( الذكورة) يعكر المكان ؟
اليسَ من الأجدر أن يتم منع ذوي الأشكال والملابس والفاضحة من الدخول بدلاً من ممارسة القمع بشكل لا يرتقي للمعيار الأدنى للإنسانية ؟
مره أخرى شو ذنبي لما يكون لبس فلان منحط ....هو المسؤول ...لا أنا... هو يمنع..... لا أنا ..

الراقي تحزززززززززن بصراحه حاااسس نفسك مخنووق خنقه مو طبيعيه الله يفك خنقك يااشيخ يااارب عااجل غير ااجل ويسر لك وتهاااجر الى ارض الله الواسعه تريح وترتااح

لو في وجودي ازعاج لأي انسان ماراح انتظر الين ما اهاجر ولكن بخليه يرتاح من ازعاجي له.. في النهاية مستحيل اكون متضرر واسبب الضرر لإنسان آخر ..

يعطيك العافيه يا نص دافوره وعقبال ما اشوفك دافوره كااامله

[soma al7elwa]

ياشباب ..

إنتو هنا في KSA

وزي ما بتقول نص دافورة هو دا رأي الغالبية العظمى من المجتمع ...

"متهم حتى تثبت برائته" و"سد الذرائع" .. هدا هو القانون هنا

حق من حقوق الشباب انهم يدخلوا للأماكن العامة اللي من ضمنها المولات مالم يصدر تصرف سيء من احدهم فيمنع هو بذاته فاعل الخطأ من الدخول ...

هدا اللي العقل والمنطق بيقوله ..

في حملة فالرياض اسمها لايق عليك بجد أتمنى لو توصل لجدة .. أو لو نبدأ احنا اننا نعمل زيها فجدة



يعني منجد شي رائــــــــــع ...

ماعاد يفيد الكلام والحوار ياجماعة ...

لازم نعمل بنفسنا ولا نستنى أحد يعملنا ..

عزيزي الراقي :

كنت أفكر زيك .. الحل هو إني اترك البلد والناس دي ..

بس صدقني دا مجرد هروب من المشكلة مو حل لها ...

البلد دي بلدنا وبلد اهلنا وأولادنا ... احنا اللي بنيناها وما راح نتركها لغيرنا يتهنى فيها

في ايران شباب وفتيات في عمري يساقون إلى منصة الاعدام بسبب مقاومتهم للظلم فبلدهم ورغبتهم فالتغيير..

هيلة القيصر -على الرغم من فكرها المتشدد- عرفت كيف تستغل أفكار وسذاجة المجتمع لصالحها وعرفت كيف تفيد القاعدة الي تنتمي اليها ..

بجد بعدها عرفت إلين فين الوحدة ممكن توصل وقديش ممكن تسوي ازا آمنت فقضيتها ..

ماعاد في وقت نضيعه على كلام وتأفف وأمنيات ..

دحين وقت العمل ..

بس اتزكر انو احنا كدا بنستسلم فالوقت الي فالمفروض انو احنا Resist the power

فالأخير هي مجرد نصيحة ورأي ..

الله يوفقك

=)

[قاهر المتكبرين]

المشاركة الأصلية كتبت بواسطة soma al7elwa resist the power =)

يرحم أمك لا تجيبي سيرة العنوان دا .. أنا جاتني حساسية منو

[نسيم الوجود]

^
سمعتوآ !! يقول هذآ النظآمـ ههههههههـ
وعلى فكرهـ طالعو بالبزر الصغير حتى هو معصب ههههههههههههـ

كنت أفكر زيك .. الحل هو إني اترك البلد والناس دي .. بس صدقني دا مجرد هروب من المشكلة مو حل لها ...

سومـآآآآ ..

نحلــ آيش ولا آيش

والله ودي اهج ومآآلي دخلــ فيهمـ







نسيمــ

[soma al7elwa]

قاهر ..

ههههههههههههههههههههههه

ليش ؟؟

عشان الفيلم يعني؟



________

نسومتي ..

أكل العنب حبة حبة ...

ومشوار الألف ميل يبدأ بخطوة

مو فيوم وليلة كل شي حيتغير .. حبة حبة حنغير ..

وحتى لو ماوصلنا للمستوى الي نبغاه .. نكون إحنا اللي بدأنا المشوارويجوا أولادنا يكملوه ...

أهم شي بالنسبه ليا .. أولادي مايجوا للدنيا دي والحال هنا زي ماهو وما اكون انا وبابتهم عملنا شي في سبيل اننا نغيرلهم البيئة للأفضل ...

=)

[قاهر المتكبرين]

المشاركة الأصلية كتبت بواسطة soma al7elwa قاهر .. ههههههههههههههههههههههه ليش ؟؟ عشان الفيلم يعني؟ والله لك وحشة ياراكان ... =)

يب يب يب أكيييييييييييد .. اش قهرني دا الفيلم .. اش رفع ضغطي .. وربي ما تتخيلي كيف

وتسلمي والله من زوقك :)

[*MISS CUTE*]

فكرو في أشكال "شبابنا" ثم أجيبو ..

من أي ناحية ؟؟

[قاهر المتكبرين]

المشاركة الأصلية كتبت بواسطة *miss cute* من أي ناحية ؟؟

من كل النواحي .. زي ما ذكرت وحدة من الأخوات اقعدي عند البوابة وشوفي أشكال اللي يحاولو يتسلتحو على السيكيورتي .. أشكال الواحد ينقرف منها ويقول دي لو دخلت الله يستر