ماذا وجدتم في السنة التحضيرية

[M!ss 5o05a]

ايجآبيآتها اكتر من سلبياتها..

وأحسها من مصلحتنآ

بمآ انهآآ ادتنآ فكره كامل عن كل المنآهج والواحد يختبر نفسو قد التخصص اللي يبغاه او لا..

امممممم أحس المنااهج شآمله ..

وكمان فرصه للطالب يفكر مزبووط قبل مآ يختار تخصص ..



سلبياتهآ ..والشئ اللي مو حلو
انو المعدل يطلع معاكي في التخصص يعني لو معدل التحضيري لوحده
بس عشان التسكين وبعدين خلااص ..

لانو اللي رآح يدخل تخصصات صعبه شئ اجبااري ينزل معدله ..

وأهم سلبياتها مآفي تعامل كويس من المسؤولين حتى من بعض الدكتورات ..

[dark UNI]

انا عن نفسي اتعلمت سنة تحضيرية ف جامعة عزوز >> عنده سوابق
الصبر + التطنيش خاصة ف الدرجات لانو كل ما نفكر يجينا احباط عشان كده طنش و اصبر و ادعي ربك

اما عن السلبيات :
اول شي المعهد حق الانجلش الصراحة لعب فينا لعب غير طبيعي
تاني شي الدوام مررررررررررررة طويل الموظفين يخلصو قبلنا صح تقولو عشان نتعود على بعد التحضيري بس مو بدى الشكل من 8 الييين 4,,, نص ساعة بريك بس

كمان في شغلة بعض المواد اللي ندرسها الصراحة ماااااااااااااااالها داعي : مهارات اتصال + حاسب + احصاء
البعض اخذ dn و البعض نقص درجات طاح معدلو بسبب المواد الدايخة دي

دى رايي ما نبغى ناس يجو مطفين النور

و مشكووووووووووووووور ع المووضوع

[dark UNI]

المشاركة الأصلية كتبت بواسطة m!ss 5o05a سلبياتهآ ..والشئ اللي مو حلو انو المعدل يطلع معاكي في التخصص يعني لو معدل التحضيري لوحده بس عشان التسكين وبعدين خلااص ..

بالنسبة للمعدل المعروف انو السنة التحضيرية معدل لحالو يعني بعد التسكين معدل جديد
الا ادا غيرو النظام لانو كل يوم نظام ف عزوز

[معرفة العلم]

اتعلمت الحياة الجامعية ..
اتعلمت انه جامعة عزوز ماعندها ماعند جدتي..
ماهمهم غير الزرع اللي بره .. كل يوم جايبين شجرة يزرعونها..
بس شنسوي هذا قدرنا ..

[Mr. Johnny]

المشاركة الأصلية كتبت بواسطة د.جولي بالطبع انا ما أنكر اني استفدت واتعلمت اشياء مرة كتير مو بس في الدراسه في اشياء اخرى واتغيرت نظرتي للسنة التحضيرية كانت جدا سلبية بس مع الايام اتعودت امكن نظرتي كانت سلبية لأني كنت متعودة على سستم معين وفجأة اتغير علي كل شي مو عشان السنة التحضيرية بل الحياة الجامعية ككل >>مافي دلع اتعلمت اني اكافح اجري ورا مصلحتي مافي احد راح يفيدني ادا ماعرفت انا ايش ابغى اتعلمت ان قراري يلي راح اتخذه مايكون الا بعد تفكير عميق ....بصراحة اتعلمت دروس مرة كثير بس وبصراحة انا عمري في حياتي اتبهدلت قد ماتبهدلت في السنة التحضيرية يعني احس انه مافي شخص مسؤول اقدر استفسر منه كل يلي ابغاه كل واحد يرميك على الاخر . غير اني اتعلمت اني ما اوقف واقول خلاص انا يأست او اصابني احباط دايما اقول خليني اكمل المشوار للنهاية اسعى وابني نفسي بنفسي لأنه لوقفت في مكان معين الحياة ماراح توقف عشاني الوقت ماشي مافي شي يستاهل ازعل عشانه يلي فات مات ونحنا اولاد اليوم لازم نطالع لبكرة لعله احسن ... الموضوع مرة جيد واشكر صاحب الموضوع لي باك ...... تقبل مروري د.جولي الموضوع يستحق التقييم

كلامك مررررررررررررة روووووووعة وانا كمان زيك..

[D.Khaled]

المشاركة الأصلية كتبت بواسطة azzooozz صراحه ما استفدت شي بس ضيعت سنه من حياتي

[Super amazing]

المشاركة الأصلية كتبت بواسطة m!ss 5o05a وأهم سلبياتها مآفي تعامل كويس من المسؤولين حتى من بعض الدكتورات ..

ههههههه ماتقصدين اللي بالي بالك...حقت الانجلش

[آه لو تدري بحاليـ]

الاعتماااااااد على النفس << وذا كنت افتقر له بشكل كبير ايام الثنوي

والصبر .. وخبرة في كيفية التعامل مع الناس والاختلاط

وتحمل الصدمات .. وكل شي صعب صراحة مر علينا بهالسنة .. الله لا يعيدها

تحياتي

[علي ابراهيم]

الحمد الله على كل حال
احسن شي في التحضيري الحريه اي شي تبغاه سويه

ولا همك دكتور ولا عميد
هههههههه
والاعتماد على النفسه تحس ان عندك طاقة قويه
واخير العزوبيه لاني غريب عن جده هذا احلا الاشي في التحضيري

[غرور فتاه]

المشاركة الأصلية كتبت بواسطة dark uni بالنسبة للمعدل المعروف انو السنة التحضيرية معدل لحالو يعني بعد التسكين معدل جديد الا ادا غيرو النظام لانو كل يوم نظام ف عزوز

نو نو

في التخصص يطلع معاك المعدل لكن بنسبه معينه

اللي اعرفوا انه بالنسبه لطب الاسنان يكون على معدل السنه التحضيريه نسبه 5%

هذا حسب كلام الدكتور مزاج في أحد ردوده

وهذا أحد طلاب التحضيري العام