لو كنت مكاني ..استشاره تشمل الشباب والبنات خااااصه طلبتكم تمرون ..

[assj]

صباح الخير ..
لي يومين افكر باموضوع شايله همه كثير وتعبت من التفكير فيه
وقولت يالله تشاركوني التفكير
وماخاب من استخار وماندم من استشاااااااار

انا هالترم تخرج ان شاءالله وكنت للوقت قررررريب مبسوطه اني بارتاح وبتخرج وهم وراح ينزاح
والكل يباركلي وانا بعدني ماتخرجت مالومهم لي عمر بالجامعه وخلاااااااااص
المهم الي صار قبل 3 ايام بسدد ولا شي يقولي يابنت شيكي على الاساتذات قبل اسمائهم
وادخل على العم اوديس واشوووف الشعب كلها فل وانا اصير كذا

والطامه الكبرى استاذات ماتوقعتهم مثلا الرياضيات كنت مخططه اخذه مع الاستاذه نيفين
واكتشف ان الي يعطون هالماده هالترم استاذات جدد متخرجات 2007
وخفت منهم لان اخاف ماينجحون وكذا ..
الزبده من كل هالهذره الي فوق ..
ابي اعرف لو اروح واقول للشؤن الانتساب انا طالبه متوقع تخرجي هالترم راح يدلعوني ويوسعولي شعب ..وانا اختار الشعب الي ابيها ....؟؟؟؟
ولا وركزو في ولاااااا
اعتذر هالترم وارتااح وابدا اذاكر على مهل واجهز نفسي للترم الجاي ان شاءالله لان على ماسمعت
الترم الي يكون فيه دورة الاقتصاد والادارة بدري يحوسوووووون فيه الاستاذات لان الاولويه للانتظام عشان كذا مافي شعب كثير ومافي استاذات كثير ..
والله اكلمكم بامانه انا محتااااااااره وخايفه اغامر وبالذات ان القراءات الاداريه لقيت الاستاذه نرفانا والاستاذه شاهيناز هم الي يعطونها ..وانا ابي الاستاذ فهد الحركان ..والرياضيات كنت ابي الاستاذه نيفين ولقيت استاذتين مالقيت العم قوقل يعرفهم ..ولا لهم تجارب وحده اسمها منيره الانصاري والثانيه ريم الضيبان

تكفووون عيشو الجو معي واختارو لو كنت مكاني ...