ادارة خدمات صحيه ومستشفيات .. الله يوفقكم ويسعدكم

[أجمل عطر]

الله يسعدك يارب .. تعبتك معاي وماقصرتي معي

طيب بسألك حبيبتي
وش الدورات الي لازم اخذها ويفيد هالتخصص ..

[ahla OoOna]

امييييييين يارب الجميع إن شاء الله

عااااادي لا تعبتيني ولا شي ، تعبك راحه :)

وبالنسبه للدورات زي كل الوظايف اهم شي يكون عندك انجليزي وحاسب لانه اغلب الاقسام اللي اتدربت فيها كان شغلهم يعتمد ع الحاسب وطبعا الانجليزي صار شي اساسي في اي وظيفه

فخدي دورات في الانجليزي والحاسب

لو دبلومات افضل من الدورات المفرقه

غير كدا اعتقد باقي الدورات اللي مثلا تكون في القياده والاداره ودي الحاجات ما تكون مطلوبه في الوظايف
بس تفيدك انت وحلو لو كانت موجوده في السي في

لكن غالبا يركزوا ع الاتجليزي والحاسب ويسألوا عنهم

[أجمل عطر]

آخذهم دبلومات يعني دراسه سنتين لكل شهاده ؟؟
ما افهم في ذي الأشيااء الله يسعدك نوريني
ووين احسن معهد آخذها فيه
وشو معنى السي في

[جالكسي22]

^
^
حبيبتي السي في(السيرة الشخصية)تبعك

اتمنى التوفيق لكم عن جد تخصص رااااائع
كان ودي ادخلوو بس الظرووووف منعت<<حسبي الله على اللي كان السبب

[ahla OoOna]

اجمل عطر السي في مثل ما قالت الاخت جالكسي


اما بالنسبه للدورات الحاسب اذا تبي ادخلي اختبارات بس اذا تعرفي لبرامج الاوفيس ودي الحاجات

بالنسبه للانجليزي مدري اذا في نفس الحركه ولا لأ

اما المعاهد للحاسب اظن النيوهرايزن جيدين

والانجليزي ما عندي فكره بس اعتقد معهد english first دراستهم حلوه

عموما هي تختلف من مكان لاخر والناس اذواق ممكن اللي يناسبني ما يناسبك




اخت جالكسي خيره "و عسى ان تكرهوا شيئا وهو خير لكم " :)

[انثى لامثيل لها]

Up<<

[Class g!rl]

ياللــــــــــه

والله اني ندمانه اني دخلت هذا التخصص ندددددددددددم
ترا ماتلاقي غير تشتغلي استقبال ولا اي شغله تافهه زي كذا و الرواتب 1500 او 2000 و اعللللى شي لقيته 3000

اذا ترضيكي دي الوظيفة و دي الرواتب و دوام المستشفيات المرمطة يعني من 8الى 1 و من 5الى10 دوامين طبعاً

اذا يرضيكي هذا الشي والله ادخليه اما اذا عندك طموح اكبر فوالله اقولك غيريه بسرعه
انا كان عندي امل و تصورات زي الكتب و الخيالات و الكلام الخرافي بأهمية التخصص الي نسمعه بس في الواقع مافي شي مجرد كلام نحفظه و نكتبه في الاختبارات

[ahla OoOna]

^

^

^

كلاس مشكوورة ع التعليق بس انا مني معاكي في الرأي

صح انه التخصص دراسته مهي عمليه يعني كله كلام بس موتحفظي .. تفهمي لانه ما ينفع تحفظي وتمشي

تاني حاجه مو كل الرواتب زي ما قلتي انا لقيت وظيفه بـ 4000 ودا مبدئيا يعني اكييد في علاوات مع الوقت بس الشغله يبالها تدوير مافي شي يجي بالساهل .

عموما اولا واخيرا هي كلها وجات نظر وكل وحده وذوقها

مشكووورة :)

[انثى لامثيل لها]

معقووووله تخصص بمستشفى وآخرتها رواتب ضعيفه .. ؟؟

[انثى لامثيل لها]

ahla OoOna
ماااره عجبني تعاونك بالموضووع .. اقدر اتواصل معاكي ؟