خطوات واضحة للراغبين في التحويل من الإنتساب إلى نظام التعليم عن بعد

[love9993]

السلام عليكم ورحمة الله وبركاته وبعد :-
في البداية أعتذر لكل من كان ينتظرني يوم السبت المنصرم لهذا الموضوع لكن قدر الله وماشاء فعل .
بعد ما حولت من الإنتساب إلى التعليم عن بعد أحببت أن أنقل إليكم هذه المعلومات لعل من يستفيد منها :
أولا: ذهبت يوم الإثنين إلى عمادة القبول والتسجيل ( طبعاً فيها صالتين تروح الصالة الثانية وليس الصالة اللي أول ما تدخل ) وقابلت موظف وقلت له أرغب في التحويل وجاب لي إستمارة وقال لي عبيها المهم لا تأخذو هم الإستمارة لأنو بس تكتب رقمك الجامعي وإسمك وتوقيعك على إنك تبغى تحول للتعليم عن بعد فقط والتاريخ . المهم عبيت الإستمارة وقدمتها إلى الموظف وقال لي نحتاج أصل شهادة الثانوية وطبعاً لأني من الطائف ما كنت متوقع أنهم يطلبو أصل الثانوي وبحكم إني مستوى ثالث في الأنتساب , المهم حاولت معه ما في فائدة ورحت مدير القبول ونفس الكلام أنا من الطائف وعندكم صورة طبق الأصل وووووو........ . المهم قال لازم أصل شهادة الثانوي .
وطلعت علشان أخذ الشهادة

وديتها لهم , والمهم والأهم يأخذون الأصل حق شهادة الثانوي ولازم تحتفظ بصورة منها عندك

وهذا الفليم من بدايته حتى النهاية


المشكلة أنا إلا الآن ما فتح معاي السنترا والإيميس وفي ناس يقولو لازم تسدد وناس يقولو لا وماني عارف أيش الهرجة أنا يمكن أسدد على نهاية الشهر

واللي عندو أي أستفسار يتفضل وثكراًُ لمروركم