محادثة بين دكتورين ,,

[ماكنتوش]

صباحكم / مساكم عسل ,,
هذي المحادثة حصلت بين دكتورين والمسميات رمزية ولا اعني فيها اي شخص بعينه ,,
ولكن هذا حال دكاترتنا والله اعلم ,,

المكان : غرفة احد الدكاترة ,,
الزمان : بعد نهاية اختبار احدى المواد ,,


الدكتور (سعد) : دكتور صالح ياخي معزوم عالعشا اليوم وعندي تصحيح اوراق حقين الانتساب الغثا هذولا والله بلشة ,,

الدكتور (صالح) بضحكة الاستغراب : انت من جدك شايل هم تصحيح الاوراق!! ياخي عطها عيالك في البيت ولا حتى السواق حقكم وشختك بختك ,,

الدكتور (سعد) وهو متحمس : والله فكرة بس اذا جات النتيجة f لطالب واثق من حله والمفروض يجيب فوق ال90 ايش الحل ؟؟

الدكتور (صالح) : ياحبيبي طلاب الانتساب اغلبهم خارج جده يعني الواحد يتعيجز يجي عشان يراجع ورقة الاسئلة فيرسلو معاملة وحلني اذا احد رد عليهم فيقولون نحملها ويقعدوا يفضفضوا لهم كم يوم بالمنتديات على كم دعوة وبعدها ينسوا , وحقين جده اي واحد يجيك يراجع ورقته قول اوه اسفين هذا خطأ غير مقصود واعطيه الدرجة الي يستاهلها ,,

الدكتور (سعد) وهو شايل اوراق الاجابات معه للبيت : ياحبيبي والله هذي الافكار ولا بلاش وربي ريحت بالي وانا الي كنت شايل همها ,,
طيب ايش رايك اكثر من الf ولا اخليهم على الحفة ؟؟

الدكتور (صالح) : والله هذي انت ومزاجك او بالاصح مزاج عيالك وسواقك بس اهم شي ماتنزل نسبة الرسوب عن الحد الادنى عشان ماينبشو وراك ,,

الدكتور (سعد) : طيب مافي لجنة تدقق ورانا؟؟؟

الدكتور (صالح) : اي لجنة يابو لجنة ,,
اللجان حقت الجامعة ماتجتمع الا اذا في الدعوة فلوس ولا الباقي اسرح وامرح ولا احد حولك ,,


والله يوفق الجميع ,,



تحيااااااااااتي ,,