أيش تنصحوني أخذ ماده حره ؟!

[روح الغلا]

ايوا مؤسسات معلومات 211 لاتاخديها مع سارا خذيها مع رباب اوسلمى عموما شوفي الرد بالتفصيل والحكم لك
http://www.skaau.com/vb/showthread.php?t=147116

[أحلى حلم ...]

طيب يابنوتات قولولي كيف هالمواد

hhm 211 تاريخ أثاث وتصميم داخلي
hhm 320 إدارة المشروعات الخاصة
hhm 321 العلاقات الأسرية
hhm 322 اقتصاديات الأسرة وترشيد الاستهلاك
hhm 420 إدارة مؤسسات الإعاشة

[أحلى حلم ...]

وهذي كمان

fnu 111 أسس تغذيه
fnu 426 تغذية مجتمع

بنتظار ردودكم ...

[MS.Sowaleh]

طيب ممكن احد يفيدني عن مادة صحه نفسية
لانو صراحه عجبني اسم الماده
ابغى اعرف مين احسن وحده تعطي هاذي الماده اذا يعني في احد اخذها
وكيف الماده عربي او انجلش
واللي اخذتها استفادت منها والا شلون
لانو صراحه هدفي انو ما اضيع مجهود ترم في ماده بس علشان الدرجات ابغى كمان استفيد احم احم

[alghamdi_]

ماده h1n1 مع دكتوره اسمها فوزيه الدريع مررررره سهله الماده وحلووووووه زي الدكتوره ومرررره طيبه
وتساعدك بكل شي وتحل كل مشاكلك الصحيه والنفسيه وتجيبي معها A+

[ذنبي طيبتي]

المشاركة الأصلية كتبت بواسطة never hide قرآن مع تهاني رجب انصح به بشده تحفظي جزئين تبارك و قد سمع مع التجويد و الله ماراح تندمي لأن الدكتورة رائعة و كمان القران ينور قلبك وفيه اجر ان شاء الله جغرافيا طبيعية يمدحوها بس نسيت اسم الدكتورة صحة نفسية من اقتصاد منزلي جيده نسيت اسم الدكتورة بس المادة من كلية اقصاد منزلي نصيحة لوجه الله لا تاخذي اي ماده من اقتصادة وادراة

الله يسعدكي ياشيخه دنيا واخره انامن اول اسال عن هاذي الماده ابغى اعرف التفاصيل فيها هل اداوم اولا لاني سمعت انو بس اروح واسمع الشي الثاني الماده هاذي نازله باسم هيفاء ابو داود او ساره عادل روزي تعرفي شي عنهم ولالا

[never hide]

آمين يارب و يسعدك و يسعد الجميع

القرآن اخذناه مع تهاني محاضرتين في الاسبوع احد وثلاثاء و طبعا الحضور لازم عشان التقييم.

بالنسبة للطريقة في المحاضرات :

المادة تتأخد في لاب مجهز بسماعات موصلة بمسجل تسمعي قراءه مسجلة ومجودة للآيات الجديده و بعد كدا
يكون فيه مايكروفون يدور على الطالبات و كل وحده تقرأ كم آية عشان التصحيح و التوجية
و جزء من المحاضرات لشرح التجويد. و في كل محاضرة تسمعي السورة اللي اخذتوها في الماحاضرة اللي قبل

احنا كنا شعبة كبيرة و الوقت ما كان يكفي انو الكل يسمع في وقت المحاضرة فقالت لنا الاستاذة انو نسجل في النادي القراني و نسمع الايات اللي حفظناها للبنات اللي هناك و فيه دفتر تعطيكم هو الاستاذه لمتابعة الحفظ ((( يعني اللي سمعت لك هي اللي تقيم حفظك و توقع لك في الدفتر انو انتي سمعتي الآيات ))).

كنا نروح النادي في وقت فراغنا ونسمع السور هناك طوال الترم و هذا الشي عليه درجات.

المهم و الاختبار تسميع نصفي و تسميع نهائي . يجيكي بالقرعة تسميع مقاطع من السور.

و التجويد اختبار نصفي تحريري راح تعطيكم اسم كتاب و اوراق تذاكرو منها أما النهائي بس تسألك عن الاحكام اللي موجودة في الآيات ...

المهم يا ستي هذي طريقة استاذتنا و للاسف ما عندي فكرة عن الاستاذات الثانين .. يمكن يكون فيه اختلاف في طريقة التدريس ... بس انا حبيت اعطيكي فكرة ...

تبغي نصيحتي ...

توكلي على الله وخذيها مع اي استاذه وان شاء الله ماراح تندمي ابدا لانو كل الاستاذات حقون الدراسات الاسلامية عسولات وراقين ...

و كمان لاتنسي انو راح تطلعي حافظة جزئين وهذا بحد ذاته مكسب أخروي قبل ما يكون دنيوي .. يعني الحفظ مقسم طوال الترم كل محاضرة سورة او سورتين و كلها ايات بسيطة وسهلة ما تاخذ منك وقت في الحفظ لانو حافظينها من ايام الابتدائي ...

و الله ما تتصوري هذاك الترم اللي اخذت فيه المادة قد ايش ربنا بارك لي فيه و ربي رااااااااحة نفسية بسبب القرآن
من جد مره حلوووو و بعدين اختبارها النهائي قبل مواعيد الاختبارات الفاينل فترتاحي من مادة حرة قبل زحمة الفاينال.

و الله يوفق الجميع و ينوردربكم ياااارب

[never hide]

المشاركة الأصلية كتبت بواسطة ms.sowaleh طيب ممكن احد يفيدني عن مادة صحه نفسية لانو صراحه عجبني اسم الماده ابغى اعرف مين احسن وحده تعطي هاذي الماده اذا يعني في احد اخذها وكيف الماده عربي او انجلش واللي اخذتها استفادت منها والا شلون لانو صراحه هدفي انو ما اضيع مجهود ترم في ماده بس علشان الدرجات ابغى كمان استفيد احم احم

صحة نفسية مادة تابعة لكلية الاقتصاد المنزلي و بالعربي و دكتوراتها كلهم كويسين
و الله ناسية اسم الدكتورة اللي اخذنا معاها لكن كل البات اللي درسو المادة مع استاذات مختلفات ماقد اشتكو من المادة و لا من استاذاتها لانها سهلة و اختياري و مفيده كمان يا شطورة انتي تعجبيني وبإذن الله راح تستفيدي وتفهمي نفسك اكثر و يصير عندك توافق نفسي مع العالم كمان

[لمسات الورد]

بنات الله يسعدكم ايش رمز مادة القران من قسم دراسات اسلامية

[خلوده1]

^^^

رمزها(isls 211)

وبالتوفيق