بخصوص تخصص الانجلش

[لؤلؤة*]

اجتمعو بينا وشرحو لنا التخصصات وحكو عن الترجمه قالو انه هو داخل بالاداب والعلوم الانسانيه

وفيه بعزوز كمان وفيه للبنات بفرع البنات بالفيصليه

واذا على 4.47 تمام وان شاء الله نوصل لها واكثر ومثل ماقال بندول انه يعتمد على المعدل العالي وتنافس بالمقاعد

[doll]

السلام عليكم، أنا تخصص انجلش و حابة أقولكم كم شغلة وانتو بكيفكم طيب، أولا، قبل دي السنة (إذا مو غلطانة) كانوا يقبلوا البنات على حسب درجاتهم في elca1و2، بس دحين لازم اختبار و مقابلة شخصية عشان يقبلوا الطالبات. ثانيا، ما في مسار ترجمة من أكتر من 10 سنوات قالوا حيكون في ترجمة و إلى الآن ما في، بس مسار أدب و لغة و كورس واحد ترجمة يعني مادة واحدة فقط، ولا يغرك كمان لأنو حتخدي كل المواد بس بالاسم في الشهادة يحطوا لغة أو أدب. ثالثا، أشوف أفضلك تاخدي شهادة من معهد للغة و اختاري تخصص تاني لأنو في القسم ما يعلموكم الأساسيات ولا اللغة المفروض انتي عارفتها، غير الشكاوي اللي مغرقة قسم اللغات روحي شيكي بنفسك ( لأنو ما في رقيب ولا حسيب)، و التخصص زي مواد العربي اللي كنا ناخدها في المدرسة أدب و نحو و صرف و عصور أدبية و نقد بس بالانجلش .
سوري أنا مو حابة أحطمك بس دا اللي أشوفو ، بالعربي القسم يبغالو واحدة صبوووووورة و عندها قدرة على التحمل و شاطرة جدا في السلتحه و الذي منو و ابعدي عن الأستاذات اللي معروف إنهم يرسبوا(ترى غالبا المعدل ينزل مو بس في الانجلش حتى باقي التخصصات بس طبعا قسمنا مع مرتبة الشرف، و بما إنك سنة تحضيرية عضي عليها بأسنانك و رجولك كمان و جمعي درجات قد ما تقدري ) ، و الله ييسر لك أمرك في أي شيء تختاريه...

[لؤلؤة*]

لا حول ولاقوة الا بالله والعمل بعدين

انسدت نفسيتي من الترم الثاني

[لؤلؤة*]

طيب اجتمعو بينا قالو هذ السنه فتحو الترجمه

يعني بكش في بكش

[doll]

طيب و أنا برضوا زيك كنت أبغى مسار ترجمة و لما كنت أول سمستر في الجامعة رحت عند سكرتيرة القسم أنا و صحبتي قالت الترم الجاي حيكون في ترجمة و الكلام صارله تقريبا سنتين و مع دا الترم كملنا سنتين ونص و ما شفنا أي جديد، يعني جات على الانجلش ترى كل الجامعة بكش في بكش و الله يخلصنا من دي الجامعة على خير احنا و أنتو قولي آمين...

[لؤلؤة*]

امين وتسلمي غلبتك معايا

والله لو اعرف انه كذا كان دخلت علمي وريحت راسي ودخلت حاسب اوكليه صحي او تغذيه

[doll]

و الله يا عيني مو قصدي أحبطك لكن من جد القسم يبغالو واحدة دمها بارد عشان تستحمل تقالة دمهم و لعبهم في أعصابنا بس لو انتي شايفة نفسك تقدري تتحملي شوية ضغط توكلي على الله و ادخلي، أنا أعرف بنات ما قدروا يستحملوا أكتر من سمستر واحد في التخصص و في بنات سنة و في ما شاء الله بنات عندهم صبر و عزيمة الله يبارك لهم حملوا المادة كذا مرة إلى دا الترم لكن ما استسلموا، افتكرت ترى قالت واحدة أستاذة إنو البنت إذا حملت المادة أكتر من مرتين يجبروها تحول قسم تاني و ما أدري هي تبغى تطفشنا زي عوايدهم ولا من جدها ، و أرجع و أقولك استخيري بدل المرة مليون و اللي فيه خير ربي ييسره إن شاء الله ، و دا الكلام من وجهة نظري و إذا حابة تشوفي آراء البنات تفضلي على منتدى قسم اللغات الأوروبية و بالتوفيق يا عسل...

[لؤلؤة*]

طيب اوك سؤال ثاني

انا دخلت على التخصص وشفت المواد حصلت لغات اروربيه انجلش فيه على 5 مستويات وفيه على 8 مستويات
وثاني شي حابه اعرف لو تخرجتي اش الوظائف اللي ممكن تكون متوفره لك ؟

وبتدرسو فرنسي كمان ؟

[doll]

عادي أسألي اللي تبغيه ما قد سمعت عن حكاية 5 مستويات و 8 فيا ريت توضحي قصدك لأنو بالنسبة للتحضيري سنة تحضيري و أربعة سنوات-8مستويات- تخصص و بالنسبة ل 08 و اللي قبل 4 سنوات ، تخصص من السنة التانية يعني من المستوى الرابع و كمان مواد عامة في السنة الأولى-أول مستويين- ، بالنسبة للفرنسي لازم تاخدي مستويين فرنسي كمتطلب قسم بس ترى مرة سهل بس تدربي على الاسبلنج الفرنسي لانو كلماتهم نطقها في شرق و كتابتها في غررررب و الباقي كيف تحولي مؤنث لمذكر و تسألي أسئلة بسيطة و أشياء زي كدا و بالنسبة للوظائف طبعا التدريس و كمان بعض الوزارات تطلب دا التخصص في رابط بس ماني متأكدة فين أدور عليه و إن شاء الله أرسلك إياه إذا قدرت...

[لؤلؤة*]

اوك حلوو تسلمي يااعسل

والله يوفقك ياارب