ساعدوني في اختيار التخصص علم نفس أو اعلام

[rOoOoOs]

المشاركة الأصلية كتبت بواسطة ما عاد تفرق انا بصراحه ضد الاخوات والاخو اللي ردوا عليك قبلي .. انا تخصصي علم نفس وهو قسم ممتع للغايه ودراستي له افادتني كثيراً وخاصه في حياتي الخاصه وبالذات مع اسرتي واطفالي وايضاً حياتي العامه ويفيدك كثير في اشياء ثانيه .. وتكلم الاخ / المميز ويقول عن التفكك الاسري والانحلال الاسري (باقي لي ترمين واتخرج من علم نفس ما قد سمعت بالمصطلحين ذي وشكله ملخبط بين علم النفس وعلم الاجتماع) اما بخصوص الاعلام فانا صراحه ما اعرف فيه الا ماده وحده بس وهي فن الاقناع ويقولوا سهله بس المواد الثانيه ما اعرفها .. ولو انا مكانك وتخصص اعلام يفيدني في عملي ما اختار الا هو طبعاً (بعد صلاة الاستخاره) واتمنى لك التوفيق

انت مستوى سابع و احنا مستوى ثالث و الكتب اللي خبرك تغيرت
أنا قارنت بين مسارات علم النفس 211 اللي درسناه و مدخل علم النفس 211 اللي انتو درستوه لقيت اختلاف كبييير جدا

أنا حابه القسم و للحين أحبه مع ان وضع أسئله الدكتوره خديجه خوجه في مادة سيكلوجية الشخصيه محبط جدا بس الله يوفقنا و يقدرنا للين نوصل للنهايه

[شغف المعرفة]

بدون أن أنظر إلى ردود الأخوة الزمـلاء .
و على عجلة ٍ من أمري اقتبست عبارة لك .

علم النفس الذي أعشقه

بعد أن قرأت عبارتك هذه , فـ أنصحك نصيحة أخ و النصيحة لـ وجه ِ الله .
لا تتردد بالإلتحاق في مجال علم النفس .
لطالما تحوّلت الأحلام إلى عشق .
فـ ما أجمل أن يحقق المَـرء أحلامه , و يصل إلى هدفه بعد إذ صَـنعه .
توكّل على رَبِّكَ أيها الفــاضل : )
و لا تُصغي لـ أحد ٍ قبل أن تُصغي لـِ حَديث ِ نفسِكَ أنت أي / إقتناعك الذاتي .
بعد ذلك , لـ نفسك عليك أحقية الاستشَـارة .

وفقك الله .

شَـغف .

[كبريآئي في شموخي]

أقول مناك أنت وهي ههههههه وربي أنا علم نفس وفي المستوى الخامس وقسم قربت مرحله الجنون هههههههههههههههه
وبحول علم اجتماع بآذن الله السمستر الجاي والحق ع عمري قبل لا اتجنن رسمي ماوراهم الا قلب واعصاب وبلعوم ههههههههههههههه
واذا أنت تعشقه قسم راح تكره من قلب مو نفس المدارس علم نفس الجامعه يجيب المرض استغفر الله
والله انا نصحتك لوجه الله حسب خبرتي فيه سنتين خلك في الاعلام احسن وربي تندم وبعد الندم مايفيد
ولو دخلت علم نفس صدق بعدها بتاخذلك حبه بندول ههههههههههه هههههههههههههههههههههههههههههههههه
والله يوفقك

[بندول]

ياجماعة ههههههه والله جننتوني حاس إن فيه فيوزات في عقلي بدت تحترق قبل ما ادخل هالقسم ناس يشيدون ويمدحون وناس يذمون ويقولن انحش شيء عجيب هههههههه مريب يخوف والله خبستوني !!! أعمل إيه أبي توضيح أكاديمي مو لاقي
ولكن مع ذلك عاجز عن شكركم وعلى استجابتكم على قولة الاخصائيين النفسيين ...

[ساعة حوار]

اخوي بندول : قولي وش تعرف عن علم النفس وش تعرف عن الاعلام , ماهي الصورة الذهنية للاعلامي وما هي الصورة الذهنية للاخصائي النفسي في بالك ؟ قولي وانا راح اساعدك في الاختيار :)

الصورة الذهنية : الصوره المكونه لديك لكل الاثنين.

[شمــــــــوخّ]

أشوف الاعلام أحسن لك ..

[جمان السماء]

اول شي استخر الله


ثاني شي فكر قبل كل شي بالمستقبل الوظيفي


لو مكانك اخترت اعلام بدون تردد

ليه ؟

اول شي القسم جديد وبأذن الله فرصه الوظيفيه اكبر


سواء لو فكرت تلتحق بدراسات عليا او كوظيفه

علم النفس عيبه الاقبال الكبير عليه

وله سنين مفتوح والعيب الاكبر انه صار منتشر بكل مناطق المملكه <<< يعني ما فيه تميز

لكن حسب اللي اعرف انه الدراسات العليا فيه قليله

المهم انت شف وش المييزات في القسمين


وشخصيا اشوف ان القسم يناسب البنات اكثر من الشباب

ولو عندك ميول للمحاسبه او القانون افضلك كمستقبل ومكانه مهنيه

الاخصائي النفسي للاسف حقوقه مهضومه جدا في مجال العمل ولا له اي كرت بالعربي الفصيح

انا علم نفس وتندمت اني دخلته


لكن الحمدلله لعل الخيره فيما اختاره الله

وبالتوفيق

[امونة المزيونة]

هههههههههههههههههه
ياناااااااااس وش الاحبااااااااااااط هذااا؟؟؟

لاتخلوني احووووووول معد باقيلي الا سنة واتخرج هههههههههههههه
اللى يقول يجيب الجنون واللى مافي وظااايف والله انا اللى بيجيني الجنون اذا ماتوظف اش استفيد 16 سنة انكرف واخرتها بيت !..

[بندول]

المشاركة الأصلية كتبت بواسطة ساعة حوار اخوي بندول : قولي وش تعرف عن علم النفس وش تعرف عن الاعلام , ماهي الصورة الذهنية للاعلامي وما هي الصورة الذهنية للاخصائي النفسي في بالك ؟ قولي وانا راح اساعدك في الاختيار :) الصورة الذهنية : الصوره المكونه لديك لكل الاثنين.

أشكرك على محاولة مساعدتي بطريقة علمية تصوري يا استاذي عن علم النفس

بأنني سوف أصبح شخص ذو قيمة فكرية ولي تأثير في مجتمعي بمعنى أنه بإمكاني فهم نفسي أولا وفهم تفكير الناس الحقيقي ومن ثم محاولة تعديل سلوكي للأفضل وتعديل السلوكيات الخاطئة في البشر من خلال مقالات في الصحف أو برامج تلفزيونية على سبيل المثال برامج نفسية لتوعية البشر للخروج بمجتمع متصالح مع نفسه يعرف ما له وما عليه هناك تصرفات في مجتمعنا يندى لها الجبين وإذا أردت أن تلاحظ هذا الشيء إذهب في هذه الأيام إلى المدارس وستلاحظ بأم عينك المصيبة التي نعاني منها أجيال تعيد نفسها نسخ كربونية تتكرر مليئة بالجهل والعنف والسب والشتم فهل هذا الواقع المر ينسكت عليه أبدا لذلك أنا أرى بأن عالم النفس هو من يقع على عاتقه تعديل المفاهيم المغلوطة لدى البشر .
ودمت سعيدا.

[الطالب المنتاز]

المشاركة الأصلية كتبت بواسطة امونة المزيونة هههههههههههههههههه ياناااااااااس وش الاحبااااااااااااط هذااا؟؟؟ لاتخلوني احووووووول معد باقيلي الا سنة واتخرج هههههههههههههه اللى يقول يجيب الجنون واللى مافي وظااايف والله انا اللى بيجيني الجنون اذا ماتوظف اش استفيد 16 سنة انكرف واخرتها بيت !..

الي يقول مافي وظايف خليه ياخذ نفس عميق ويسري بعمق
علم النفس وعلوم الحاسب العلوم الطبية , والقانون بالسعودية
علوم جديده الان العالم بدء يعطيها مكانتها كملي سنتك واذا فيه امكانيه كملي دراسه عليا
وصدقيني الوظايف موجوده وبكره تذكري انتِ وغيرك كلامي .