بنات اللي كانو علمي في الثانوي وذحين اداري

[L0rDy]

المشاركة الأصلية كتبت بواسطة طاالبه كيووت معليه أختي بسألك كيف راح تحولي؟؟ ومين قالك انو في تحويل.؟ ياليت تخبريني بأي شي تعرفينه عن التحويل ..

شوفتها في وحده من مواضيع التحويل بس انو ولد وكمان دخلت موقع الجامعة


انا مرة معلوماتي قليله في التحويل اللي اعرفه انه وحده من صحباتي حولها ادبي امس قبل اختبار الرياضيات ودقوا عليها العماده وخبروها بس المشكلة انها في الكلية اللي تبع الجامعة مو زينا في الجامعة فماني عارفة فين اروح بالزبط بس اتوقع نروح العمادة ونطلب (ايش رايك اروح انا وانتي مع بعض يوم السبت ونشوف ايش يقولوا )
وانتي اذا عندك اي خبر قوليه

[L0rDy]

المشاركة الأصلية كتبت بواسطة shooshaa انا العااام كونت تحضيري علمي وسحب زي دي الايام عشان درجاتي ماتتخلني التخصص الى ابغاه <<< نفس السبب وربي انووو احسن قرااااااااااااااااااار اخذتوو في حياتي الاداري تاااااااااااااافه يعني تقدري تجيبي درجات حلوه فيه بالراحه وتتدخلي التخصص الى تبغيه غييير الراحه النفسيه في الجاااامعه تحسي انك عايشه مووو قرف العلمي كول ماافتكر العام والدراسه من جد يجيني الهم نصيحه مني لاتضيعي مستقبلك وبعدين تتخلي فيزياء ولا كيمياء تعب وتعب واخرتها مودرسه(( ابله)) تعالي الاداري اقسااااموو مرا كتير وحلوه من جد ماراح تندمي .. وهادي نصيحة مجرب

مرة حمستيني بس المشكلة ذحين التخصص ايش اقول لاهلي عندهم اعتقاد انو الادبي مافي تخصصات حلوة ومرة ماني عارفة ايش اختار ..
الله يعين وييسر اللي في الخير
ويسلمو على كل اللي ردوا وانتظر اليقية

[همس الشتاء]

شوفي ياقلبي بصرااااحه موضوعك رااائع وراح اتكلم كاخت انا كنت علمي وجبت بالثانويه 96 معدل مره عااااااااالي والقدرات مرررررره نزلني لدرجه اني قدمت باكتر من جامعه كتير عشان ادخل الطب ولا في فاااااايده القدرات نزل المعدل بالمرررررره ودخلوني هما اداااااااري ونفسيتي مره تعبت وووووقتها بشكل ماتتصوري قد ايش لاني كنت ابغا طب وهالاقسام واحلم فيها من زمااااااان من انا صغيره بس صليت واستخرت مرررررره ارتحت في الاداري وبالفعل انا مرررررره مبسوطه فيه ونفسيتي مررررتاحه مررررره واقدر اثبت نفسي وانا عن نفسي بادخل اداره مستشفيااات واقساااااااامه مرررررررررره مطلوبه بالوظايف ومتاحه اكتر من العلمي العلمي مافي غير كليه العلوم ومستقبلها مررررره مو حلو تدريس والاداري عندك قاااااانون اعلااااااااام اداره عامه اداره اعمال دوليه اشياء مره حلو وظايفها شركات مؤسسات ودراسه جداااااااا ممتعه واضمن للوظيفه وربي يكتبلك الخيررررررررر فين مارحتي ياعسل ويوفقك يااااااارب

[طاالبه كيووت]

المشاركة الأصلية كتبت بواسطة l0rdy شوفتها في وحده من مواضيع التحويل بس انو ولد وكمان دخلت موقع الجامعة انا مرة معلوماتي قليله في التحويل اللي اعرفه انه وحده من صحباتي حولها ادبي امس قبل اختبار الرياضيات ودقوا عليها العماده وخبروها بس المشكلة انها في الكلية اللي تبع الجامعة مو زينا في الجامعة فماني عارفة فين اروح بالزبط بس اتوقع نروح العمادة ونطلب (ايش رايك اروح انا وانتي مع بعض يوم السبت ونشوف ايش يقولوا ) وانتي اذا عندك اي خبر قوليه

أنا ياقلبي لي شهر كامل وأنا عند العمادة وحفظو وجهي بعد

بس اخر مره رحت لها يوم الاربعاء قبل اختبار الماث

قالت لي انتي تدرسي في الجامعه قلت يب قالت طيب التحويل بس للكليه

يعني لو تبغى تحولي نوديكِ الكليه !!!!

وانا نو وي ماابغى الكليه .. ولا التخصصات اللي فيها تمشي مع ميولي

وانا ابغى أحول وابقى في الجامعه نفسها ...

بس قـــدر الله وماشاء فعل ..

طيب انتي تبغى الكليه.. اذا تبغى الكليه عادي اروح معك..

بس فيه وحده بنت حولت وسالتها وانا كنت ماابغى الكليه وجالسه تقول لي بسرعه

اذا تبغي الكليه كلميهم لانو الاربعاء اخر يوم..

بس نروح السبت ونتاكد يمكن يكون لسى مفتوح التحويل ..

[زيزي2010]

السلام عليكم

شوفي يا اختي أنا اتخرجت من الثانوي بنسبة 98 الحمدلله ودخلت علمي في البداية بعدين حولت..لأنه فكرت في التخصصات حقت العلمي وماناسبتني الصراحة.. وانا اساسا ماكنت مرتاحة نفسيا في التحضيري العلمي..

واستخرت وحولت الحمد لله .. ودحين مررررررررة مرتاحة اغلب المواد فل مارك الحمد لله لانه المواد دي سهلة علينا احنا العلمي ومررررة تافهة بالنسبة لنا بالذات الرياضيات جداا تافه أحسه كأنوا مراجعة وملخص للي درسناه في الثانوي..يمكن اللي يقهر شوية الثقافة الاسلامية لانه كله حفظ بس الحمدلله ماشي حالو ودرجاتي حلوة فيه كمان..

وبالنسبة للتخصصات فيه تخصصات كتييييير حلوة .. زي إدارة اعمال وادارة عامة وقانون وإعلام .. وكلها مستقبلها حلووو

أنا عن نفسي بادخل ادارة أعمال .. وفيه ترى مسارات كتييير زي مالية ودولية وموارد بشرية .. وكلها مطلوبة ومستقبلها مضمووون

أتمنى اكون افدتك وسوري اني طولت بالكلام وبالتوفيق :)

[ريـماس]

نصيحتي انك تحولي
انا اقلك ليش ؟
لانه راح ترفعي معدلك مررره
المواد مررررررره سخيفه << انا كونت علمي
بس دخلت قسم اداري انساني لاني ابغا اتخصص ادارة اعمال ان شاء الله
كان نفسي بقانون
اختي خريجت علمي و دخلت اداري انساني و اتخصصت قانون و الان متوظفه بــ (( هيئة الرقابة و التحقيق )) ما شاء الله عليها
بس قوانين البيت ما تسمح لي اني ادخل قانون زي اختي لازم تنويع :)
مو مشكله
ادارة اعمال مررره حلوه و سهله
و مستقبلها مضمون على حسب كلام اخواني
و ان ربي كتب لي خير فيها بدخلها
::
فــ انا انصحك اذا بتحولي
ادخلي قانون صح دراسته شوي صعبه
بس مستقبله مضموووووووووووون
تروحي تدربي بــ حقوق الانسان لين ما يثبتونك
و الرقابه و التحقيق طالبيت خريجات قانون بالهبل
و تدربي بعد تخرجك تلاته سنين تسري محااااااااااااااااااااميه زيك زي الرجال المحامي
مرررررررره حلوو
::
<< مجرد راي و نصيحه
ربي يوفقك وين ما كنتي

[Reigns]

بنات الي تبى تحول من علمي لادبي لا تختبر اختبارات نهائيه
دا بالنسبه للكليه
لانو صاحبتي حولت وقالولها لاتختبري عشان لاتنزلك درجات وتضطري تكملي الترم التاني علمي
بس الجامعه مدري

[Dina-s-b]

<<كل ما دخلت موضوع عادت نفس الكلام
لا تحولي دحين..انا حولت وندمت :( مو عشان صعب بالعكس مرة سهل..هوا صح التفكير اللي شويا مو حلو واخدت فيه 25..اصلا هادي هيا اقل شي عندي ومسببتلي اكتئاب لوول
بس كدا لمن تكوني علمي وفجاة ادبي :( احس وحشتني كلمة علمي ومعنى كلمة علمي ههههههههههههههههه
اشوف صحباتي اللي اول كيف يزاكرو ويتكلمو ابغى اكون زيي زيهم :(
وغير كدا اللي بيمشي على الناس يمشي عليا يعني القهر اني ما اعطيت نفسي فرصة وحولت..وماما نفس اهلك كانت مو مقتنعه بتخصصات الادبي وكانت فراسها تبغاني طب .. ولمن اصريت على التحويل وبكيت وسويت حوسة اقتنعت ورضيت انو اوكي حولي لكن لين دحين ماسكتني مذله هههههههههههههههههه
يالادبي ويالادبي :(
واحسها منقهره وبس سمعت اني راضية ارجع علمي والله لها مدة وهيا تحاول وتوسط ناس بس انا صح كان نفسي اعطي نفسي فرصة اجرب العلمي واشوف ايش ممكن يقبلوني..بس لو مارجعوني علمي يعني راضية وخلاص بس انتي بيدك دحين تصبري ومنتي عارفة ايش ممكن ربنا يكتبلك..ايش يعرفك انو هما حيدخلوكي علوم؟؟
يمكن يدخلوكي شي احسن لاتنسي انو دحين كل بنات العلمي درجاتهم واطية..يعني زيك زيهم..فالنهاية انتي يمكن احسن من غيرك..
ولا تنسي في ترم تاني ممكن انتي معدلك يرتفع
وغير عن انو راح يزيدوكم درجات..ودا كلام اكيد لانو اكتر من دكتورة قالت للطالبات..وبنات العام اصلا قالولنا انو زادوهم 7 درجات من عندهم كدا..
يعني ما تعرفي لا تتسرعي يمكن تندصمي ويقبلوكي طب :p
وارجعي استخيري مرة واتنين وتلاتة..والله يختارلك اللي فيه الخير :)

[L0rDy]

اول شي شكرا على الردوا كلهم والله يعطيكم العافية على ارئكم
ثانيا:
انا استخرت وارتحت انو اكمل هذه السنة في العلمي وبعدين اشوف اذا ياسمح الله رسبت في مادة ولا شي بحول على الاقل يكون اديت نفسي فرصة واكون مقتنعة مرة
وكم وحدة واخواني يقولوا كملي على الاقل سنة الاولى لانه السنة الاولى دايما تكون صعبة
فاذا قدرت التخصص اللي ابغاه كان بها واذا لا بحول ادبي
والله ييسر اللي في الخير

[Dina-s-b]

حتى لو رسبتي خدي صيفي ترى فالصيف يخلو المنهج مرة سهل..لاتسحبي غير بعد ماتشوفي هما راح يقبلوكي فايش..عجبك الحمد لله كملي فيه ..ما عجبك خلاص اسحبي ملفك وعيدي ادبي..معليش بتقولي تضيع سنة ومدري ايش..انتي فاالجامعه خلاص والله لو سحبني الليلة ولا سحبتي بعد سننتين العمر ضايع ضايع فالتخصصات عادة الناس يرسبو وكدا..!!
فخليه يضيع فتحضيري مافيها شر هههههههههههه
وبالتوفيق ياقلبي