سؤال واحد فقط عالسريع في الاحصاء !!!!!

[S A L M A N]

في المرفقات وضعت الجدول وصورة كيف جبنا قيمة z

[sun-rise]

إلى الأخ S A l M A N أنا جدولي للطبعة السابعة ولا يبدو هكذا أبدا

[sun-rise]

أستتنا قالت لكل البنات اللي عندهم الطبعة السادسة إنهم يصوروا ورقة القوانين من الطبعة السابعة , لأنو السادسة على قولتها - ملخبطة - أنا إيش أعمل دحين ؟؟؟؟

[S A L M A N]

هذا الجدول اللي أعطانا هوا الدكتور سعيد الغامدي الله يحفظه

بالنسبة للجدول اللي مرفق مع الكتاب هو يعطيك قيمة تكاملية للمساحة التي على يسار الصفر إضافة إلى المساحة بين z الصفر

فإنتي تضيفي 0.5 إلى 0.17 فيصير0.6700 وحتحصلي نفس الجواب اللي هوا 0.44

[sun-rise]

صحيح طلع نفس الجواب , يعني أفهم من كلامك إني عشان قلي في السؤال Between and the z value : ضيف .5 , ليس كقاعدة عامة إنما فقط في هذا السؤال .. صح ؟؟؟ إن شاء الله صح ...

[sun-rise]

والله الظاهر إني مني عارفة إيش بأقول , مدري إيش الخربطة اللي كتبتها فوق .

[S A L M A N]

يعتمد على مكان المساحة المطلوبة والجدول اللي تستخدميه

بس لو كان زي ما قلتي بالجدول المرفق مع الكتاب والمطلوب قيمة z للمساحة بين z الموجبة والصفر تضيفي نصف إلى للمساحة اللي عندك


بس لازم تنتبهي جدا جدا لأيش تمثل القيم اللي عندك وأحسن طريقة ترسميها وتظلليها عشان لا تتلخبطي

[sun-rise]

عموما أنا تعبتكم معايا الله يعطيكم أللللللللللف عافية . بس بس سؤال صغيرون <<<< تبغى تنضرب
لما يقولك السؤال حدد ما إذا كانت الفقرة تستلزم استعمال الpie graph ولا time series الفقرة هيا :

The Budjet For the student activiti department at a certain college for each year during the last 5 years >
احنا حليناها على أنها pie graph بس أنا مني مقتنعة أحسها Time series

[S A L M A N]

هنا الجواب Time Series لأنو يبغى الميزانية لكل سنة على مدى خمس سنوات مضت

باختصار أي شي موزع على خط زمني يكون Time Series


ومافي مشكلة المنتدى لخدمة الجميع ^_^

[sun-rise]

Arigatoo!!!<<<<شكرا !!