كل واحد يدخل ويقول لنا كيف راح يستعد لإختبار الـ English

[ابو رابح]

http://www.kau-eli.com/
تحت على اليسار

[أحلى أنثى]

نصيحه مني لك أخوي(( السلطان )) والباقين ...


الأسئله حتجي اصعب من الإختبار الأول


طبعا مح تذاكرو من الكتاب غير القرمر والمفردات


الأختبار الأول كان (( جدا )) سهل

لكن حق بعد بكره حيكون صعب ... ليش؟؟؟


لأنهم في البدايه حطو الأختبار ع لفل واحد وانثنين


لكن الحين المفروض الي لفل واحد يصير اثنين , والي اثنين ثلاثه ... وهكذا


يعني حيحطو الأختبار من لفل ثلاثه


نصيحه الإنقليش اسهل ماده عوض درجاتك فيها


تدرب ع مهارات اللسن .. مهم جدا

خذ كتب او سيدي حق شرح القرمرات


بالتوفيق وان شاء الله تقلنا بعد الإختبار انو درجتك كامله


بالتوفيق لي ولكم ...

[بسمة ألـم]

يب ياريت تحطو

[.. الظل ..]

يا ليت خييّ تنظمون لهـ الموضوع ,, حتى تعمْ الفـآآئدة ،‘
http://www.skaau.com/vb/showthread.php?t=139036
آسفة ع التطفل ،
بوركتْ الخـــطىّ ,

[CDTOE]

بالنسبة لي راح أستعد بالجلوس قدام شاشة الـLCD وألعب Uncharted 2 Online على PS3 و Assassin's Creed 2 على Xbox 360 ... ولا أنسى إني عندي كتاب قاعد اقراه : مدخل إلى علم الإنسان ( الأنثروبولوجي ) !

فعلا , الإختبار ما يحتاج لأي نوع من الإستعداد فهو يعتمد على معرفتك السابقة للغة , بالإضافة لكون الأسئلة سهلة لأبسط الدرجات سواء كان الاستماع او القطع او القواعد .. أبسطها .

[سوار]

و عليكم السلام ورحمه الله وبركاته

انا حداكر الفوكابلري الي في الكتاب

والجرمر والستايل

واحل النموذج التجريبي وبس


بالتوفيق

[الساهر12]

ما يحتاجله مذاكرة

عندك لغة .. بتحل

ما عندك لغة .. الله يعينك

[DndoOoOoOoona]

زي ماقال اخوي ساهر
بس انا حراجع القرمر وكمان حتدرب
ع الاختبارالتجريبي ,,,


باالتوفيق للجميع ^_*

[نوره الغامدي]

السلام عليكم ورحمة الله وبركاته ...:)
انا عني صورت كتب ليفل(1) وبذاكر كتبي طبعا لان الاختبار جاء من قاعداتنا كم فقره !!
وكمان عندي اوراق مراجعه شامله اعطتنا هيا الاستاذه تبعتنا ... وحملت كم ملف من النت لأهم القاعدات والكلمات الجديده
لكن بشكل عام الاختبار غالبا يقيس مستواك ف اللغه ,, وفيه اشياء تجي من برا لكن بالنهايه لازم تكون ملم بكل حاجه ,,
انتو توكلو على الله وذاكروا اهم القاعدات زي الباست سمبل والبريزنت والفيوتشر والاشياء اللي زي كذا
عموما الله يوفقنا جميعا

[cherry]

انا عن نفسي ما حذااكر ولا شي وهاي الطريقه سويتها بالاختبار الاول وجبت 23
والشي الوحيد اللي حسويه اشوف افلام من قناه لقناه لين ما ييجي الخميس << مدمنه افلام
والله انا بتكلم عنجد بس عشان الضمير وعذابو وانتو بتتفرجو ع الافلام اتسلوع الجرمر و الفوكابلري.