بشرى لراغبى السفر بالطائرة.

[salatwah]

انا حاجزة على سما انا وشغالتي وولدي 6 سنوات ورضيع من جدة للرياض ب380 ريال يوم الخميس الساعه 2 ونص ظهرا
وذهاب الرياض جدة ب480 لنا كلنا على ناس
يعني كلها ب 860 ريال
ولوعالسعودية تكلف ذهاب واياب لنا كلنا حوالي 1480 او 1500 ريال
الحين انا موفره 600 ريال وكلها ساعه ونص..
بلا سعوديه بلا هم
العروض هذي رووووعه

[waledf]

انا حاجز لفترة الاختبارات ذهاب وعوده انا وزوجتي كلنا 339 والله يديم الرخص

[ألف باء تاء]

الله يعطيك العافيه,, حجزنا للأسف

[نوووف]

بس وهقة

لامواعيد مضبوطة ..
ولا طيارات سنعه تتعطل
وهبوط اضطراري ومشاكل..
الخطوط السعودية وبس ..

[salatwah]

المشاركة الأصلية كتبت بواسطة نوووف بس وهقة لامواعيد مضبوطة .. ولا طيارات سنعه تتعطل وهبوط اضطراري ومشاكل.. الخطوط السعودية وبس ..

ومن قال؟؟؟
اقل نسبة تأخير والغاء الرحلات هي ناس..
قال السعودية..

[ايجابي]

نصيحة للجميع أنا أكثر من مرة سافرت على طيران سما ولكن للأسف المواعيد مرة سيئة هذا اذا ما الغو الرحلة وقالولك باي باي
دايم يلغون الرحلات ولا يرجعون دراهمك حتى لوسويت مطالبه يعني انسى دراهمك ترجع
ولا تنسون ان الرحلة وراها اختبارات يعني ما انصح بالمجازفة

ودمتم بخير

أخوكم ايجابي

[بو طلال]

ياشباب انصحكم بطيران ناس ارخص و افضل واذا حجزت على موقعهم بالانترنت عندك طريقتين اما تاخذ رقم الحجز وتسدد عن طريق الصراف ( سداد ) بس لازم تستعجل لانو من تحجز على الموقع لك 4 ساعات فقط لين تسدد الرسوم والا يلغى حجزك و الطريقة الثانية اذا كنت تملك بطاقات أئتمانية . ولا انصح بالحجز و اخذ التذاكر من المراكز الرسمية لطيران ناس لانو ياخذون عمولة كبيرة ( ما تسوى دام الطريقة سهلة )
ودمتم بود