سؤال وابغا جواب؟؟؟؟؟؟؟؟؟

[3mOoRy]

ههههههههه دوم الضحكه يارب ., لا والله مو انا ., لقبي مو بحرف ال ت

[مكاوية وافيخر]

الله يوفقك ويوفق الجميع يارب

فكرة الرسوب شيلها من راسك
لانك لو اقنع نفسك انك تقدر تجاوب وتجيب اعلى الدرجات حتجيبها
اما لو قلت ما اقدر وراح ارسب راح ترسب

وبما انك مكاوي
روح الحرم طوف وصلي وادعي ربك وانسى الاختبارات وهموم الدنيا وصدقني ربي راح يسهل عليك ويوفقك

تحياتيـــ....

[3mOoRy]

جزاكي الله الف خير والله مشكوووووووره الله يحققلك كل الي تتمنيه يارب
والله لو نزلت حدعيلك ., الله يجبر بخاطرك

[مهموم والله]

اها اوكي نوبروبلم ههههههههههههههه

عالعموم حبيبي شوف انا وربي درجتي اخس من درجتك بس الحمدلله حتى الان ماني فاقد الامل تعرف ليش لانه والله بامكانك تدخل الهندسة والطب حتى الان واملك كبير يمكن تفكر اني اقول لك هالكلام حتى لااحبطك لاوالله عندك امل وقوي وعلى فكرة انا درجتي اقل منك ههههههههههههه بس الحمدلله يارب عرفت اغلاطي بالاختبار الاول وسبب انخفاض درجتي وحاااولت الحمدلله اعدل الامور وبديت اذاكر الكيمياء وماشي فيها حتى الان واذا تبغى نصيحتي انصحك بملخص حسن وحيد بس اهم شيء تكون عندك عزيمة

منت خسرااان قوم صلي لربك ركعتين وادعي ربك يوفقك وييسر لك امرررك وابدا ذاكر بعدها وباذن الله بتحس نفسك ماشي اخر حلاوة بس اهم شيء لاتحبط نفسك خلي عندك عزيمة وحسس نفسك انه هذا الاختبار بيحدد مستقبلك وكانك مااختبرت الدوري الاول وباذن الله اموورررك تمشي

حبيت افيدك قدر مااقدر وان شاء الله يارب تحقق امنيتك وتدخل الهندسة

دمت بخير

[3mOoRy]

جزاك الله الف خير ياخي ياليت المنتدى كلو زيك انت ومكاويه وربي انكم تشجعو الواحد
يارب يوفقكم ويحققلكم كل الي تتمنوه ياااارب وتدخلو التخصصات الي تبغوها
انا اليوم حاخذ راحه ومني مذاكر كيميا حذاكر احصاء وبكره حشتري مذكرت حسن وحيد وابدأ من تاني
اشوفكم على خير وجزاكم الله الف خير

[AnoOosa NoOoSa]

والله كلنا في الهوا سوا بس الله يعيــن
بس الله يرضا عليك لا تتشـــائم أتفــائل وان شاء الله مايسير الا اللي يــرضيك
قــوم الصــباح بدري وصلي الفجر في وقتو وأدعي ربنا<<<<نصــيحة مــجرب
ســوي اللي عليــك وخلي الباقي على ربــنا
وربــنا يدي كل واحد على قد نيتو
آآآآآآآآآآآآه الله يوفقنا كلنا ياارب

[3mOoRy]

مشكوره والله يوفقك يا رب ويحققلك الي تتمنيه ويجبر بخاطرك .,., ان شاء الله ححاول اخرج من النفسيه دي
دعواتكم اهم شي .,

[نوره الغامدي]

السلام عليكم ورحمة الله وبركاته
والله يا اخويه الحال من بعضه مو بس انتا اللي نفسيتك تعبانه ومو بس انتا اللي درجاتك مو عاجبتك
فيه غيرك كثييييييير وكمان درجاتهم انزل من كذا !!! لكن هذا اللي ربي كاتبه ايش نقدر نعمل اكثر ؟؟!!
انا عني اجتهدت وذاكرت وتعبت وسهرت ودورت على ملخصات ونماذج أسئله الين ما قلت آآآآآآمين ,, وسويت كووووول اللي اقدر عليه بالله قولي ايش ممكن اعمل اكثر ؟؟!!
لكن والله تعرف ايش اللي حمسني ؟؟!! وخلى عندي امل كبير وشجعني اكثر ؟؟!!
مره قريت كلمات مجرد كلمات من كتاب لا تحزن المعروووووف لعايض القرني وبصراحه تأثرت جداااا بكلامه الرائع ,,.
الواحد ليه يشكي لسع النحل ؟؟ وهو راح يتذوق حلاوة العسل ؟!!
نصيحتي لك غير افكارك وحاول تحب المواد غصبا عنك لانك لو كرهتها او قلت ما راح انجح وصعبه ومو فاهم وماني عارف ايه ... صدقني راح( تــــــفـــــشــــــل )
وبعدين انتا ايش راح تستفيد اذا ضايقت نفسك بهذي الافكار ؟؟ ايش راح تلقى من الهم واللوم والتذمر !!
اكيد راح ترجع لنقطة الصفر ... ف بدل هذا كوووووله ذاكر واجتهد وريح بالك ولا تشيل هم انتا سوي اللي عليك وكل حاجه من الله
بصراحه انا كنت زيك بالاول متحطممممممه ع الآآآآآآآخر ومو طايقه الجامعه ولا اي شي... لكن بعدين فكرت وقلت ليه اعذب نفسي ؟؟؟ مو انا عملت اللي عليا !! خلاااااااااااص يعني انا مو غلطانه وهذا قدر والمكتوب ما منه مهروووب

[love me for me]

يا اخويه فاول خير
اوكي درجتي قريبه من درجتك ومره عندي حاله اكتئاب من اني واللهي احب الكيميا بس مدري ايش حصل
بس تفاءل بالخير لا تتشاءم وادعي ^_^ وربنا ما يرد دعوه احد

[C.J.Z.]

هذا الجواب الأكيد

س : في حالة عدم اجتياز مادة أو أكثر في السنة التحضيرية ؟

ج : يتم دراستها في الفصل الصيفي أو الفصل الدراسي الأول للسنة القادمة ، وحسب لائحة السنة التحضيرية المعتمدة ، وسيتم التسكين في الكلية بعد اجتياز جميع المواد وحسب الأماكن الشاغرة


شوف الرابط هذا:
http://admission.kau.edu.sa/content....www.kau.edu.sa