حملة تغيير الدوام للماجستير المسائي للتقنيات خاصة ولبقية التخصصات ان احببن

[منـارة]

اقترح اقتراح آخر ..

نجعل خطابنا خطابين ..

خطاب من كل الاقسام تتفق فيه جميع الأقسام وهو على جعل الدراسة يومين ..

وخطاب خاص بكل قسم عن ساعات الدراسة ..
لأن الدكاترة مختلفين فيها ..

فما رأييكم ؟؟

[منـارة]

اكتبي الاسم الثلاثي ..
*رقم الترشيح او الرقم الجامعي ..
*القسم اللي مقدمة عليه ..

وارسليه على الخاص ..

وللمتردادات لا تخافوا اسمائكم في أيدي أمينة !!

[رعود نجد]

سؤال اليوم دكتوره مادة قالت لنا من قالكم ان البين يومين هم اربع ايام زيكم

[جيتارا]

ما اعتقد راح يتغير شي بعد مانزلوا الجداول

وبعدين حتى الدكتورات وراهم التزامات وبيوت

مو معقوله وحده بتداوم الخميس ولا بتجلس في الجامعه للساعه 8 او 9

وبالتالي لازم الامن يجلسوا كمان وتظل البوابه مفتوحه كلام مو منطقي

الاولاد يعاملو بشكل مختلف بسبب اختلاف ظروفهم

يعني ماينفع نقول ليش الاولاد واحنا لا

ولو بنسير على هذا المنوال راح نقول اشياء كثيره ليش هما ايوه واحنا لا

ليش يسوقوا واحنا لا ليش يسهروا لوقت متاخر برا البيت واحنا لا ليش وليش وليش

اذا اردت ان تطاع فاطلب مايستطاع

يعني تاخير الدوام ساعه مقدور عليه لكن اكثر من كذا ما اتوقع فلا تأملوا انفسكم

والله يختار اللي فيه الخيره ويعيننا جميعا ويوفقنا

[!@ام حسام@!]

بالتوفيق للبنات وتوقيعي موجود مع وردي على يومين يحتاج ارسل المعلومات مرة تانية

[منـارة]

لا ما يحتاج يا أم حسام ..

يعطيك العافية ..

فقط البنات الجديدات

عموماً ..

يبدو اننا نضطر نكمل الموضوع عند بدء الدوام الفعلي حقيقة ..

لانه كثيرات ما عندهم فكرة عن الموضوع وكثيرات مما وقعوا معانا ما عندهم فكرة عن المستجدات ..

[منـارة]

عزيزتي جيتارا ...

دحين اش دخل دا في دا ؟؟

من قال اصلا نبغى نعدل تقليدا للبنين ؟؟
بالنسبة لدكتورات التقنيات جدا مرنات من مصر الشقيقة وماهي فارقة معاهم ترى تحسبيهم سعوديات ؟
كله بأجره عيوني .. هذا غير انهم متعودين على الشفتات دي ..

طيب هذه ظروفنا واغلب الدارسين موظفين .. اش نسوي ؟؟
وغباء كمؤسسة بحجم الجامعة يقولوا مافي امن ودوام البنات غير

معليه اعرف قريباتي في قسم الاقتصاد كانوا يداوموا في الليل احيانا

الموضوع شكله مستجد عندهم وحتى لو ما كان كدا

لازم يشوف لهم دبرة في الدوام دا ... لانه مو مناااسب !

وبالتالي لازم الامن يجلسوا كمان وتظل البوابه مفتوحه كلام مو منطقي

ماادري ..هو انا لوحدي ولا كيف ..
بس ماني شايفة اي مشكلة تستدعي عدم المنطقية في الموضوع !
الامن ح يتأخر دوامهم ساعتين بس ..وفي الاخير هما شفتات ..
والبوابة تكون مفتوحة على هذا القدر البسيط ..
وفين المصيبة في كون البوابة مفتوحة يعني ؟؟

[منـارة]

المشاركة الأصلية كتبت بواسطة رعود نجد سؤال اليوم دكتوره مادة قالت لنا من قالكم ان البين يومين هم اربع ايام زيكم

قولي لها البنين بنفسهم قالوا !

حلوة دي من قالكم ؟!

تبع اي قسم هذه الدكتورة ؟؟

[منـارة]

اشوف أنسب وقت للجميع من 3 - 8

اش رايكم ؟؟

[Robi]

جزيتم خيرا
اوافق على تقليص الوقت ليومين ..