اختيار المواد الحره ؟؟ '-'

[hot cocoa]

ممكن رمز مادة ارشاد وتوجيه ورقمها
ورمز مادة الاقناع ورقمها

لانو موادي الحره كل وحده 3 ساعات ويمكن ماحقدر اخد الفلك

[hot cocoa]

المشاركة الأصلية كتبت بواسطة أنا وبس انا ابغى ماده حره تكون الاسئله فيها اختياري وصح وغلط >>>>>> مافيها تداكر اوفر طفشت من المقالي ياريت اللي تعرف تكتب كمان رقم الماده ورمزها ومع مين ؟؟

ممكن تاخدي ماده مبادى اداره حديثه

كلها حفظ بس انا اختها ماده اساسيه وكلها الاسئله موضوعيه مع خديجه ضباب
bus101
ولو تشوفي استاده تانيه كويس

[banoota mnkoosha]

المادة : الارشاد والتوجيه للاطفال
رمزها : Chs
رقمها : 111
الدكتورة : منى هبد

[أنا وبس]

ماده الاقناع

رمزها : com

رقمها : 205


الاستاده اما د. رباب

او

د. راكان

بس انصحك تآخديها مع رباب

[DNA..~]

المواد الحره في اي مستوى ناخدهآ..؟

وهل عادي اي ماده من اي كليه ولا مواد محدده من قِبل الجامعه...؟

[ظل الياسمين]

ايه تقدرين تاخذينها بأي وقت
والكلية تنزل مواد محددة من الكليات الثانية

[CrAzY]

حبيبي .. الا مبادئ ادارة 101..

طالمـا ماهي عندكم مادة اساسية لاااا أحد ياخدها ..

منهج ممل .. ودكاترة ماشاء الله اسم الله عليهم ..

ما انصح ابددددا .. انا اخدتها حرة .. يعني غير المشوار اللي بين مبنى 420 والعلوم .. وغير ان المحاضرة كانت محشورة بين مادتين تخصص .. والاختراعات حقت د.سامية مقبل ( واجبات .. اختبارات منزلية .. ملخصات ) طبعا ومايجي شغلها الا مع اختبارات العملي النهائية لااا واللي يقهر اكثر .. اني حلييييت في النهائي مزبوووووط .. رسبت فيها .. فما أنصحك الا في حالة ان وحدة تضمنلك دكتورة غير حقتنا الله يسامحها
=-=-=-=-=-=-=
شكرا نكوشة ع التوضيح الله يسعدك ..

[CrAzY]

طيب مادة الاقناع .. كيف مع د.رباب .. ؟؟

من ناحية الاسئلة .. والاختبارات

[banoota mnkoosha]

العفو ياسكر ...

طيب تعرفي شي عن المواد الاختيارية حقتنا ؟؟؟

[CrAzY]

اول ما اتخصصت اخدت مادتين

مصطلحات وقرآءات bioc 391 المادة مرة جيدة تدرسي فيه جزئية بسيطة من تشابنر حق المصطلحات الطبية.. مع سوسن رحيم الدين صح الاسلوب مش ولا بد .. بس فادتني مرة .

المادة التانية .. bioc 401 موضوعات خاصة .. كانت وقتها غلطة لانها حقت تخرج وفيها جزئيات كتير ما كنت افهمها وكمان مع د. نجوى الصاوي حدث ولا حرج .. لو حتاخديها على اخر سمستر يكون افضل .

بس ..

سمعت عن التطبيقية 445 اخدوها بنات مع د. نجلاء شريف وانبسطو منها .

هرمون 313 اخدتها صحبتي مع مديحة صيني .. يعني تقول مش أوي ..

تطبيقات حاسوبية 392 .. عن نفسي ما قيد جربتها .. ولما سألت البنات قالولي حلوة فيها تصميمات ع الكمبيوتر للمركبات وزي كدا

المنتجات 342 دسمة مرة .. يبغالها مزاكرة .. ودا كلام طالبات واستازات ..

وبالتوفيق